ಬೆಂಗಳೂರು: ಎಚ್ಎಎಲ್ ತಯಾರಿಸಿದ ‘ಏರ್ ಡೇಟಾ ಕಂಪ್ಯೂಟರ್ಗೆ (ಎಡಿಸಿ) ಭಾರತೀಯ ತಾಂತ್ರಿಕ ಗುಣಮಟ್ಟದ ಮಾನ್ಯತೆಯ ಪ್ರಮಾಣಪತ್ರ (ಐಟಿಎಸ್ಒಎ) ದೊರೆತಿದೆ.
ಭಾರತೀಯ ನಾಗರಿಕ ವಿಮಾನಯಾನ ಮಹಾ ನಿರ್ದೇಶನಾಲಯ(ಡಿಜಿಸಿಎ) ಈ ಪ್ರಮಾಣಪತ್ರ ನೀಡಿದೆ. ಹಾರ್ಡ್ವೇರ್ ಮತ್ತು ಸಾಫ್ಟ್ವೇರ್ಗೆ ಈ ಪ್ರಮಾಣಪತ್ರ ಲಭಿಸಿದೆ.
ಐಟಿಎಸ್ಒಎನಿಂದ ಮಾನ್ಯತೆ ಪಡೆದ ಭಾರತದ ಮೊದಲ ಉಪಕರಣ ‘ಎಡಿಸಿ’ಯಾಗಿದೆ. ಈ ಉಪಕರಣವನ್ನು ಎಎಲ್ಎಚ್, ಎಲ್ಯುಎಚ್, ಸಾರಸ್ ಹೆಲಿಕಾಪ್ಟರ್ಗಳಲ್ಲಿ ಅಳವಡಿಸಬಹುದು ಎಂದು ಪ್ರಕಟಣೆ ತಿಳಿಸಿದೆ.
ಎತ್ತರ ಪ್ರದೇಶದಲ್ಲಿ ಗಾಳಿಯ ಒತ್ತಡ, ಗಾಳಿಯ ವೇಗ, ತಾಪಮಾನ ಮುಂತಾದವುಗಳನ್ನು ಅಳೆಯಲು ಈ ಉಪಕರಣವನ್ನು ಬಳಸಲಾಗುತ್ತದೆ.
ಹೈದರಾಬಾದ್ನಲ್ಲಿರುವ ಎಚ್ಎಎಲ್ನ ವಿದ್ಯುನ್ಮಾನ ಸಂಶೋಧನೆ ಮತ್ತು ಅಭಿವೃದ್ಧಿ ಕೇಂದ್ರ (ಎಸ್ಎಲ್ಆರ್ಡಿಸಿ) ಎಡಿಸಿಯನ್ನು ವಿನ್ಯಾಸಗೊಳಿಸಿ ಅಭಿವೃದ್ಧಿಪಡಿಸಿದೆ.