ರಾಜಕಾರಣಿಗಳ ಮಾತಿನ ಇರಿತವೂ ಹಿಂಸೆ: ಹಂಪನಾ

ಶೇಷಾದ್ರಿಪುರಂ ವಾಣಿಜ್ಯ ಮತ್ತು ವ್ಯವಸ್ಥಾಪನಾ ಕಾಲೇಜಿನಲ್ಲಿ ಮಂಗಳವಾರ ಹಮ್ಮಿಕೊಂಡಿದ್ದ ‘ಜೈನ ಧರ್ಮ; ಅಹಿಂಸೆಯ ಪರಿಕಲ್ಪನೆಗಳು’ ಕುರಿತ ವಿಚಾರಸಂಕಿರಣ ಉದ್ಘಾಟಿಸಿ ಅವರು ಮಾತನಾಡಿದರು.

ಜಗತ್ತಿನ ಎಲ್ಲ ಧರ್ಮಗಳೂ ಅಹಿಂಸೆಗೆ ಮಹತ್ವ ನೀಡಿವೆ. ನೀನು ಬದುಕು, ಇತರರಿಗೂ ಬದುಕಲು ಬಿಡು ಎನ್ನುವುದು ಬದುಕಿನ ಧ್ಯೇಯವಾಗಬೇಕಿದೆ. ಅಹಿಂಸೆಗೆ ಹಲವು ಆಯಾಮಗಳಿವೆ. ಮಹಾವೀರ, ಬುದ್ಧ, ಗಾಂಧೀಜಿ ಅವರು ಮಹತ್ವವನ್ನು ಜಗತ್ತಿಗೆ ಸಾರಿದ್ದಾರೆ ಎಂದು ಶ್ಲಾಘಿಸಿದರು.

ಯುದ್ಧದ ಪರಿಣಾಮ ಇಂದಿಗೂ ಸಾವಿರಾರು ಜನರು ಜೀವ ಕಳೆದುಕೊಳ್ಳುತ್ತಿರುವ ಈ ಸಮಯದಲ್ಲಿ ಆಯುಧ ಬಳಸದೇ ಯುದ್ಧ ಮಾಡಬಹುದು ಎನ್ನುವುದನ್ನು ಜಗತ್ತಿಗೆ ತೋರಿಕೊಟ್ಟವರು ಭರತ ಮತ್ತು ಬಾಹುಬಲಿ ಸಹೋದರರು. ಹಣ, ಅಧಿಕಾರ ವಿವೇಕ ಮರೆಸುತ್ತದೆ ಎನ್ನುವ ನೀತಿಪಾಠ ಹೇಳಿದ್ದಾರೆ. ಆದರೂ, ಜಗತ್ತು ಪಾಠ ಕಲಿತಿಲ್ಲ ಎಂದು ವಿಷಾದಿಸಿದರು.

ಜೈನ ಸಾಹಿತ್ಯ ಸಂಸ್ಕೃತಿ ಅಧ್ಯಯನ ಕೇಂದ್ರದ ಸಂಯೋಜನಾಧಿಕಾರಿ ತಾರಿಹಳ್ಳಿ ಹನುಮಂತಪ್ಪ ಪ್ರಾಸ್ತಾವಿಕವಾಗಿ ಮಾತನಾಡಿದರು. ಕನ್ನಡ ವಿಶ್ವವಿದ್ಯಾಲಯದ ಕುಲಪತಿ ಸ.ಚಿ.ರಮೇಶ ಅಧ್ಯಕ್ಷತೆ ವಹಿಸಿದ್ದರು. ಶೇಷಾದ್ರಿಪುರಂ ಶಿಕ್ಷಣ ದತ್ತಿಯ ಪ್ರಧಾನ ಕಾರ್ಯದರ್ಶಿ ವೂಡೇ ಪಿ. ಕೃಷ್ಣ, ಕನ್ನಡ ವಿಶ್ವವಿದ್ಯಾಲಯದ ಕಾರ್ಯಕಾರಿ ಸಮಿತಿ ಸದಸ್ಯರಾದ ಸಮಿಉಲ್ಲಾಖಾನ್, ಓ.ಓಬಯ್ಯ, ಪ್ರಾಂಶುಪಾಲರಾದ ವಿದ್ಯಾ ಶಿವಣ್ಣನವರ್ ಉಪಸ್ಥಿತರಿದ್ದರು.