ಮೇಲುಕೋಟೆ:ಕೃಷ್ಣರಾಜಮುಡಿ ಉತ್ಸವ ಇಂದು

ಮೇಲುಕೋಟೆ: ಮೇಲುಕೋಟೆಯ ಚೆಲುವನಾರಾಯಣಸ್ವಾಮಿ ದೇವಾಲಯದಲ್ಲಿ ಇಂದು ಕೃಷ್ಣರಾಜಮುಡಿ ಉತ್ಸವ ನಡೆಯ
ಲಿದೆ.‌

ಮೈಸೂರು ರಾಜರಾಗಿದ್ದ ಮುಮ್ಮಡಿ ಕೃಷ್ಣರಾಜ ಒಡೆಯರ್ ಸಮರ್ಪಿಸಿರುವ, ಕೆಂಪು ಮತ್ತು ಬಿಳಿಯ ವಜ್ರದ ಕಿರೀಟ  ಚೆಲುವನಾರಾಯಣನನ್ನು ಅಲಂಕರಿಸಲಿದೆ. ಈ ಕಿರೀಟವನ್ನು ಮಂಡ್ಯದ ಜಿಲ್ಲಾ ಖಜಾನೆಯಿಂದ ಸಂಜೆ ಮೇಲುಕೋಟೆಗೆ ತರಲಾಗುತ್ತದೆ.

7 ಗಂಟೆಗೆ ವೈರಮುಡಿ ಉತ್ಸವದ ಮಾದರಿಯ ಪ್ರಭಾವಳಿ ಮಧ್ಯೆ ಶ್ರೀದೇವಿ, ಭೂದೇವಿಯರೊಂದಿಗೆ ಗರುಡಾರೂಢನಾದ ಸ್ವಾಮಿಗೆ ಕಿರೀಟ ಧಾರಣೆ ಜೊತೆ ಗಂಡಭೇರುಂಡ ಪದಕ ತೊಡಿಸಲಾಗುತ್ತದೆ.