‘ಆರೋಪಿಗಳು ಕೊರಿಯರ್ ಮೂಲಕ ಮಾದಕ ವಸ್ತು ರವಾನೆ ಮಾಡುತ್ತಿರುವ ಬಗ್ಗೆ ಖಚಿತ ಮಾಹಿತಿ ಲಭಿಸಿತ್ತು. ಅದರ ಆಧಾರದಲ್ಲಿ ಶುಕ್ರವಾರ ರಾತ್ರಿ ಕೊರಿಯರ್ ಕೇಂದ್ರದ ಮೇಲೆ ದಾಳಿ ನಡೆಸಲಾಗಿತ್ತು. ಪಾರ್ಸೆಲ್ಪೆಟ್ಟಿಗೆಯನ್ನು ತೆರೆದು ನೋಡಿದಾಗ ಅದರಲ್ಲಿಸಣ್ಣ ಗಾತ್ರದ ಒಟ್ಟು 50 ಲೋಹದ ಡಬ್ಬಿಗಳು ಇದ್ದವು. ಡಬ್ಬಿಗಳ ಮೇಲ್ಭಾಗದಲ್ಲಿ ‘ಪೌಡರ್ ಮಾದರಿಯ ‘ಸ್ಯೂಡೋಫೆಡ್ರಿನ್’ ಹಾಕಿ ಪ್ಲಾಸ್ಟರ್ನಿಂದ ಸುತ್ತಲಾಗಿತ್ತು. ಅನುಮಾನ ಬಾರದಿರಲಿ ಎಂದು ಅದರ ಮೇಲೆ ತೆಳುವಾದ ತಾಮ್ರದ ತಂತಿ ಸುತ್ತಲಾಗಿತ್ತು. ಒಂದೊಂದು ಡಬ್ಬಿಯಲ್ಲೂ ಸುಮಾರು 40 ಗ್ರಾಂ ಪೌಡರ್ ಪತ್ತೆಯಾಗಿತ್ತು’ ಎಂದು ಮಾಹಿತಿ ನೀಡಿದರು.