‘ನಾಸಾ–ಇಸ್ರೊ ಸಿಂಥೆಟಿಕ್ ಅಪರ್ಚರ್ ರಾಡಾರ್’ (ಎನ್‌ಐಎಸ್‌ಎಆರ್‌) ಎಂಬ ಉಪಗ್ರಹವನ್ನು ಹೊತ್ತು ಬಂದ ಅಮೆರಿಕ ವಾಯುಪಡೆಯ ಸಿ-17 ವಿಮಾನವು ಬೆಂಗಳೂರಿಗೆ ಬಂದಿಳಿಯಿತು’ ಎಂದು ಚೆನ್ನೈನಲ್ಲಿರುವ ಅಮೆರಿಕ ಕಾನ್ಸುಲೇಟ್ ಕಚೇರಿ ತಿಳಿಸಿದೆ.

‘ಇದು ಅಮೆರಿಕ ಮತ್ತು ಭಾರತದ ನಡುವಿನ ಬಾಹ್ಯಾಕಾಶ ಕ್ಷೇತ್ರದಲ್ಲಿನ ಬಾಂಧವ್ಯದ ಪ್ರತೀಕ’ ಎಂದು ಕಾನ್ಸುಲೇಟ್‌ ಟ್ವೀಟ್‌ ಮಾಡಿದೆ.

ಕೃಷಿ ಮ್ಯಾಪಿಂಗ್ ಮತ್ತು ಭೂಕುಸಿತದ ಅಪಾಯ ಎದುರಿಸುತ್ತಿರುವ ಪ್ರದೇಶಗಳ ಅಧ್ಯಯನ ಸೇರಿದಂತೆ ವಿವಿಧ ಉದ್ದೇಶ
ಗಳಿಗಾಗಿ ‘ನಿಸಾರ್’ ಅನ್ನು ಬಳಸಲು ಇಸ್ರೊ ಉದ್ದೇಶಿಸಿದೆ. ಈ ಉಪಗ್ರಹವನ್ನು ಆಂಧ್ರಪ್ರದೇಶದ ಶ್ರೀಹರಿಕೋಟಾದಲ್ಲಿರುವ ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರದಿಂದ ಮುಂದಿನ ವರ್ಷ ಉಡಾವಣೆ ಮಾಡುವ ಮಾಡುವ ನಿರೀಕ್ಷೆಯಿದೆ.