<p><strong>ಬೆಂಗಳೂರು:</strong> ನಗರವನ್ನೇ ಜಲಾವೃತಗೊಳಿಸಿದ್ದ ಮಳೆ ಸುರಿದು 11 ದಿನಗಳು ಕಳೆದಿವೆ. ಆದರೆ, ಅದರ ಭಯದಿಂದ ನಾಯಂಡಹಳ್ಳಿಯ ಪ್ರಮೋದ್ ಲೇಔಟ್ ನಿವಾಸಿಗಳು ಇನ್ನೂ ಹೊರ ಬಂದಿಲ್ಲ. ತಡೆಗೋಡೆಯೇ ಇಲ್ಲದ ವೃಷಭಾವತಿ ರಾಜಕಾಲುವೆ ಇಲ್ಲಿನ ಜನರ ನಿದ್ದೆಗೆಡಿಸಿದೆ.</p>.<p>ಮೈಸೂರು ರಸ್ತೆ ಮತ್ತು ನೈಸ್ ರಸ್ತೆ ನಡುವೆ ಪ್ರಮೋದ್ ಲೇಔಟ್ ಇದೆ. ಈ ಬಡಾವಣೆಯ ಎರಡೂ ಬದಿಯಲ್ಲಿ ರಾಜಕಾಲುವೆಗಳಿವೆ. ವಿಜಯನಗರ ಕಡೆಯಿಂದ ಬರುವ ವೃಷಭಾವತಿ ರಾಜಕಾಲುವೆಗೆ ಪದ್ಮನಾಭನಗರ ಮತ್ತು ಪಿಇಎಸ್ ಕಾಲೇಜು ಕಡೆಯಿಂದ ಬರುವ ರಾಜಕಾಲುವೆಯೂ ಸೇರಿಕೊಳ್ಳುತ್ತದೆ. ಈ ಎರಡೂ ಕಾಲುವೆಗಳಿಗೂ ತಡೆಗೋಡೆಗಳಿಲ್ಲ. ಜೊತೆಗೆ ಹೂಳು ಕೂಡ ತುಂಬಿಕೊಂಡಿದೆ.</p>.<p>ಸೆ.8ರಂದು ಸುರಿದ ಮಳೆಗೆ ಎರಡೂ ಕಡೆಯಿಂದ ಧುಮ್ಮಿಕ್ಕಿ ಬಂದ ನೀರು ಕಾಲುವೆ ಸಂಧಿಸುವ ಜಾಗದಲ್ಲಿ ಸರಾಗವಾಗಿ ಹರಿದು ಹೋಗಲಿಲ್ಲ. ಪರಿಣಾಮವಾಗಿ ಪ್ರಮೋದ್ ಲೇಔಟ್ ಕಡೆಗೆ ನೀರು ನುಗ್ಗಿತು. ಕಾಲುವೆ ಪಕ್ಕದಲ್ಲೇ ಖಾಲಿ ನಿವೇಶನ ಇರುವ ಕೆಲವರು ಕಟ್ಟಿಕೊಂಡಿದ್ದ ಕಾಂಪೌಂಡ್ಗಳು ಉದುರಿ ಹೋದವು.</p>.<p>ರಸ್ತೆಗಳು, ಮನೆಗಳಿಗೆ ಪ್ರವಾಹದಂತೆ ನೀರು ನುಗ್ಗಿತು. ಕಾರುಗಳು, ದ್ವಿಚಕ್ರ ವಾಹನಗಳು ನೀರಿನಲ್ಲಿ ಮುಳುಗಿದವು. ಮನೆಯೊಳಗಿದ್ದ ಹಾಸಿಗೆ, ಹೊದಿಕೆ, ಪೀಠೋಪಕರಣ, ಪುಸ್ತಕ ಮತ್ತು ಬಟ್ಟೆಗಳೆಲ್ಲ ಒದ್ದೆಯಾದವು. ಅವುಗಳನ್ನು ನಿವಾಸಿಗಳು ಇನ್ನೂ ಒಣಗಿಸುತ್ತಿದ್ದಾರೆ.</p>.<p class="Subhead"><strong>ಮನೆಖಾಲಿ:</strong> ‘ರಾಜಕಾಲುವೆ ಸಮೀಪದಲ್ಲೇ ಮನೆ ಇರುವ ಕಾರಣ ಮತ್ತೆ ನೀರು ನುಗ್ಗುವ ಭಯದಲ್ಲಿ ಕೆಲವರು ನೆಲಮಹಡಿಯಲ್ಲಿನ ಮನೆ ಖಾಲಿ ಮಾಡಿದ್ದಾರೆ. ಮನೆಯಲ್ಲಿದ್ದ ಎಲ್ಲಾ ವಸ್ತುಗಳು ನೀರುಪಾಲಾಗಿವೆ. ಅಡುಗೆ ಮಾಡುವುದೆಲ್ಲಿ, ಮಲಗುವುದೆಲ್ಲಿ ಎಂಬುದೇ ಗೊತ್ತಾಗದೆ ಮನೆಯನ್ನೇ ತೊರೆದಿದ್ದೇವೆ’ ಎಂದು ಜಾನ್ಹವಿ ಹೇಳಿದರು.</p>.<p>‘ಮನೆ ಕಟ್ಟಿ 13 ವರ್ಷಗಳಾಗಿವೆ. ಇದೇ ಮೊದಲ ಬಾರಿಗೆ ಈ ರೀತಿ ಅವಾಂತರವಾಗಿದೆ. ರಾಜಕಾಲುವೆಯಲ್ಲಿ ನೀರು ಸರಾಗವಾಗಿ ಹರಿದು ಹೋಗಲು ಅವಕಾಶ ಇದ್ದಿದ್ದರೆ ನಮಗೆ ತೊಂದರೆ ಆಗುತ್ತಿರಲಿಲ್ಲ. ರಾಜಕಾಲುವೆ ಕಡೆಗೆ ಹರಿಯಬೇಕಿದ್ದ ಉಪಕಾಲುವೆಗಳು ಹಿಮ್ಮುಖವಾಗಿ ಹರಿದವು. ಮನೆಗಳನ್ನೆಲ್ಲಾ ಆವರಿಸಿದವು’ ಎಂದು ವಿವರಿಸಿದರು.</p>.<p>‘ಸದ್ಯಕ್ಕೆ ರಾಜಕಾಲುವೆಯಲ್ಲಿದ್ದ ಮಣ್ಣನ್ನು ತೆಗೆದು ಎರಡೂ ಕಡೆಗೆ ಹಾಕಲಾಗಿದೆ. ಇದರಿಂದ ಸಮಸ್ಯೆ ಇತ್ಯರ್ಥ ಆಗುವುದಿಲ್ಲ. ಮತ್ತೆ ಜೋರು ಮಳೆ ಬಂದರೆ ತೊಂದರೆ ಆಗುವುದು ಗ್ಯಾರಂಟಿ. ರಾಜಕಾಲುವೆ ಹೂಳು ತೆಗೆದು ತಡೆಗೋಡೆ ನಿರ್ಮಿಸಬೇಕು’ ಎಂದು ನಿವಾಸಿ ಗೀತಾ ಒತ್ತಾಯಿಸಿದರು.</p>.<p>ಪ್ರಮೋದ್ ಲೇಔಟ್ನ ಈ ಸಮಸ್ಯೆ ಬಗ್ಗೆ ಬಿಬಿಎಂಪಿ ರಾಜಕಾಲುವೆ ವಿಭಾಗದ ಮುಖ್ಯ ಎಂಜಿನಿಯರ್ ಬಿ.ಎಸ್. ಪ್ರಹ್ಲಾದ್ ಅವರ ಪ್ರತಿಕ್ರಿಯೆ ಪಡೆಯಲು ಪ್ರಯತ್ನಿಸಲಾಯಿತು. ಆದರೆ, ಅವರು ದೂರವಾಣಿ ಸಂಪರ್ಕಕ್ಕೆ ಸಿಗಲಿಲ್ಲ.</p>.<p class="Briefhead"><strong>ಬದುಕೇ ಬೀದಿಗೆ ಬಿತ್ತು</strong></p>.<p>‘ಕ್ಯಾಬ್ ಓಡಿಸಿಕೊಂಡು ಬಾಡಿಗೆ ಮನೆ ಪಡೆದು ಜೀವನ ಮಾಡುತ್ತಿದ್ದೆ. ರಾಜಕಾಲುವೆ ನೀರು ಬದುಕೇ ಕೊಚ್ಚಿಕೊಂಡು ಹೋಗುವಂತೆ ಮಾಡಿದೆ’ ಎಂದು ಚಾಲಕ ಪ್ರದೀಪ್ ನೊಂದುಕೊಂಡರು.</p>.<p>‘ಮನೆ ಮುಂದೆ ನಿಲ್ಲಿಸಿದ್ದ ಕಾರು ಮಳೆ ನೀರಿನಲ್ಲಿ ಸಂಪೂರ್ಣ ಹಾಳಾಗಿದೆ. ದುರಸ್ತಿ ಮಾಡಿಸಲು ಕನಿಷ್ಠ ₹50 ಸಾವಿರ ಬೇಕಾಗುತ್ತದೆ. ಹಣ ಇಲ್ಲದ ಕಾರಣ ರಿಪೇರಿ ಮಾಡಿಸಿಲ್ಲ. ಅಂದಿನಿಂದ ಬಿಡಿಗಾಸನ್ನೂ ದುಡಿದಿಲ್ಲ. ಹೊಟ್ಟೆ ಪಾಡಿಗೂ ತೊಂದರೆಯಾಗಿದೆ. ಮಳೆ ಹಾನಿ ಪರಿಹಾರಕ್ಕೆ ಅರ್ಜಿ ಹಾಕಿದರೆ ₹2 ಸಾವಿರಕ್ಕಿಂತ ಹೆಚ್ಚು ಪರಿಹಾರ ಸಿಗುವುದಿಲ್ಲ. ಏನು ಮಾಡಬೇಕೋ ಗೊತ್ತಿಲ್ಲ’ ಎಂದು ಬೇಸರ ವ್ಯಕ್ತಪಡಿಸಿದರು.</p>.<p class="Briefhead"><strong>‘ಒತ್ತುವರಿ ತೆರವಾಗಬೇಕು’</strong></p>.<p>ವೃಷಭಾವತಿ ರಾಜಕಾಲುವೆಯ ಮತ್ತೊಂದು ಬದಿಯಲ್ಲಿ ಸಣ್ಣ ಕಾರ್ಖಾನೆಗಳಿವೆ. ಕೆಲವರು ರಾಜಕಾಲುವೆಯನ್ನೇ ಒತ್ತುವರಿ ಮಾಡಿಕೊಂಡಿದ್ದಾರೆ. ಹೀಗಾಗಿ ಸಮಸ್ಯೆಯಾಗುತ್ತಿದೆ ಎಂದು ಪ್ರಮೋದಾ ಬಡಾವಣೆಯ ನಿವಾಸಿಗಳು ದೂರುತ್ತಾರೆ.</p>.<p>‘ರಾಜಕಾಲುವೆಗೆ ಕೆಲವರು ಕಸ ತಂದು ಸುರಿಯುತ್ತಾರೆ. ಒಂದೆಡೆ ಒತ್ತುವರಿ, ಮತ್ತೊಂದೆಡೆ ಕಸ ಸುರಿಯುವ ಕಾರಣ ನೀರು ಸರಾಗವಾಗಿ ಹರಿಯುತ್ತಿಲ್ಲ. ಇವೆರಡನ್ನೇ ತಪ್ಪಿಸಿದರೆ ಸಮಸ್ಯೆ ಪರಿಹಾರವಾಗಲಿದೆ’ ಎಂದು ಪ್ರಮೋದ್ ಲೇಔಟ್ ನಿವಾಸಿ ಶಂಕರ್ ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ನಗರವನ್ನೇ ಜಲಾವೃತಗೊಳಿಸಿದ್ದ ಮಳೆ ಸುರಿದು 11 ದಿನಗಳು ಕಳೆದಿವೆ. ಆದರೆ, ಅದರ ಭಯದಿಂದ ನಾಯಂಡಹಳ್ಳಿಯ ಪ್ರಮೋದ್ ಲೇಔಟ್ ನಿವಾಸಿಗಳು ಇನ್ನೂ ಹೊರ ಬಂದಿಲ್ಲ. ತಡೆಗೋಡೆಯೇ ಇಲ್ಲದ ವೃಷಭಾವತಿ ರಾಜಕಾಲುವೆ ಇಲ್ಲಿನ ಜನರ ನಿದ್ದೆಗೆಡಿಸಿದೆ.</p>.<p>ಮೈಸೂರು ರಸ್ತೆ ಮತ್ತು ನೈಸ್ ರಸ್ತೆ ನಡುವೆ ಪ್ರಮೋದ್ ಲೇಔಟ್ ಇದೆ. ಈ ಬಡಾವಣೆಯ ಎರಡೂ ಬದಿಯಲ್ಲಿ ರಾಜಕಾಲುವೆಗಳಿವೆ. ವಿಜಯನಗರ ಕಡೆಯಿಂದ ಬರುವ ವೃಷಭಾವತಿ ರಾಜಕಾಲುವೆಗೆ ಪದ್ಮನಾಭನಗರ ಮತ್ತು ಪಿಇಎಸ್ ಕಾಲೇಜು ಕಡೆಯಿಂದ ಬರುವ ರಾಜಕಾಲುವೆಯೂ ಸೇರಿಕೊಳ್ಳುತ್ತದೆ. ಈ ಎರಡೂ ಕಾಲುವೆಗಳಿಗೂ ತಡೆಗೋಡೆಗಳಿಲ್ಲ. ಜೊತೆಗೆ ಹೂಳು ಕೂಡ ತುಂಬಿಕೊಂಡಿದೆ.</p>.<p>ಸೆ.8ರಂದು ಸುರಿದ ಮಳೆಗೆ ಎರಡೂ ಕಡೆಯಿಂದ ಧುಮ್ಮಿಕ್ಕಿ ಬಂದ ನೀರು ಕಾಲುವೆ ಸಂಧಿಸುವ ಜಾಗದಲ್ಲಿ ಸರಾಗವಾಗಿ ಹರಿದು ಹೋಗಲಿಲ್ಲ. ಪರಿಣಾಮವಾಗಿ ಪ್ರಮೋದ್ ಲೇಔಟ್ ಕಡೆಗೆ ನೀರು ನುಗ್ಗಿತು. ಕಾಲುವೆ ಪಕ್ಕದಲ್ಲೇ ಖಾಲಿ ನಿವೇಶನ ಇರುವ ಕೆಲವರು ಕಟ್ಟಿಕೊಂಡಿದ್ದ ಕಾಂಪೌಂಡ್ಗಳು ಉದುರಿ ಹೋದವು.</p>.<p>ರಸ್ತೆಗಳು, ಮನೆಗಳಿಗೆ ಪ್ರವಾಹದಂತೆ ನೀರು ನುಗ್ಗಿತು. ಕಾರುಗಳು, ದ್ವಿಚಕ್ರ ವಾಹನಗಳು ನೀರಿನಲ್ಲಿ ಮುಳುಗಿದವು. ಮನೆಯೊಳಗಿದ್ದ ಹಾಸಿಗೆ, ಹೊದಿಕೆ, ಪೀಠೋಪಕರಣ, ಪುಸ್ತಕ ಮತ್ತು ಬಟ್ಟೆಗಳೆಲ್ಲ ಒದ್ದೆಯಾದವು. ಅವುಗಳನ್ನು ನಿವಾಸಿಗಳು ಇನ್ನೂ ಒಣಗಿಸುತ್ತಿದ್ದಾರೆ.</p>.<p class="Subhead"><strong>ಮನೆಖಾಲಿ:</strong> ‘ರಾಜಕಾಲುವೆ ಸಮೀಪದಲ್ಲೇ ಮನೆ ಇರುವ ಕಾರಣ ಮತ್ತೆ ನೀರು ನುಗ್ಗುವ ಭಯದಲ್ಲಿ ಕೆಲವರು ನೆಲಮಹಡಿಯಲ್ಲಿನ ಮನೆ ಖಾಲಿ ಮಾಡಿದ್ದಾರೆ. ಮನೆಯಲ್ಲಿದ್ದ ಎಲ್ಲಾ ವಸ್ತುಗಳು ನೀರುಪಾಲಾಗಿವೆ. ಅಡುಗೆ ಮಾಡುವುದೆಲ್ಲಿ, ಮಲಗುವುದೆಲ್ಲಿ ಎಂಬುದೇ ಗೊತ್ತಾಗದೆ ಮನೆಯನ್ನೇ ತೊರೆದಿದ್ದೇವೆ’ ಎಂದು ಜಾನ್ಹವಿ ಹೇಳಿದರು.</p>.<p>‘ಮನೆ ಕಟ್ಟಿ 13 ವರ್ಷಗಳಾಗಿವೆ. ಇದೇ ಮೊದಲ ಬಾರಿಗೆ ಈ ರೀತಿ ಅವಾಂತರವಾಗಿದೆ. ರಾಜಕಾಲುವೆಯಲ್ಲಿ ನೀರು ಸರಾಗವಾಗಿ ಹರಿದು ಹೋಗಲು ಅವಕಾಶ ಇದ್ದಿದ್ದರೆ ನಮಗೆ ತೊಂದರೆ ಆಗುತ್ತಿರಲಿಲ್ಲ. ರಾಜಕಾಲುವೆ ಕಡೆಗೆ ಹರಿಯಬೇಕಿದ್ದ ಉಪಕಾಲುವೆಗಳು ಹಿಮ್ಮುಖವಾಗಿ ಹರಿದವು. ಮನೆಗಳನ್ನೆಲ್ಲಾ ಆವರಿಸಿದವು’ ಎಂದು ವಿವರಿಸಿದರು.</p>.<p>‘ಸದ್ಯಕ್ಕೆ ರಾಜಕಾಲುವೆಯಲ್ಲಿದ್ದ ಮಣ್ಣನ್ನು ತೆಗೆದು ಎರಡೂ ಕಡೆಗೆ ಹಾಕಲಾಗಿದೆ. ಇದರಿಂದ ಸಮಸ್ಯೆ ಇತ್ಯರ್ಥ ಆಗುವುದಿಲ್ಲ. ಮತ್ತೆ ಜೋರು ಮಳೆ ಬಂದರೆ ತೊಂದರೆ ಆಗುವುದು ಗ್ಯಾರಂಟಿ. ರಾಜಕಾಲುವೆ ಹೂಳು ತೆಗೆದು ತಡೆಗೋಡೆ ನಿರ್ಮಿಸಬೇಕು’ ಎಂದು ನಿವಾಸಿ ಗೀತಾ ಒತ್ತಾಯಿಸಿದರು.</p>.<p>ಪ್ರಮೋದ್ ಲೇಔಟ್ನ ಈ ಸಮಸ್ಯೆ ಬಗ್ಗೆ ಬಿಬಿಎಂಪಿ ರಾಜಕಾಲುವೆ ವಿಭಾಗದ ಮುಖ್ಯ ಎಂಜಿನಿಯರ್ ಬಿ.ಎಸ್. ಪ್ರಹ್ಲಾದ್ ಅವರ ಪ್ರತಿಕ್ರಿಯೆ ಪಡೆಯಲು ಪ್ರಯತ್ನಿಸಲಾಯಿತು. ಆದರೆ, ಅವರು ದೂರವಾಣಿ ಸಂಪರ್ಕಕ್ಕೆ ಸಿಗಲಿಲ್ಲ.</p>.<p class="Briefhead"><strong>ಬದುಕೇ ಬೀದಿಗೆ ಬಿತ್ತು</strong></p>.<p>‘ಕ್ಯಾಬ್ ಓಡಿಸಿಕೊಂಡು ಬಾಡಿಗೆ ಮನೆ ಪಡೆದು ಜೀವನ ಮಾಡುತ್ತಿದ್ದೆ. ರಾಜಕಾಲುವೆ ನೀರು ಬದುಕೇ ಕೊಚ್ಚಿಕೊಂಡು ಹೋಗುವಂತೆ ಮಾಡಿದೆ’ ಎಂದು ಚಾಲಕ ಪ್ರದೀಪ್ ನೊಂದುಕೊಂಡರು.</p>.<p>‘ಮನೆ ಮುಂದೆ ನಿಲ್ಲಿಸಿದ್ದ ಕಾರು ಮಳೆ ನೀರಿನಲ್ಲಿ ಸಂಪೂರ್ಣ ಹಾಳಾಗಿದೆ. ದುರಸ್ತಿ ಮಾಡಿಸಲು ಕನಿಷ್ಠ ₹50 ಸಾವಿರ ಬೇಕಾಗುತ್ತದೆ. ಹಣ ಇಲ್ಲದ ಕಾರಣ ರಿಪೇರಿ ಮಾಡಿಸಿಲ್ಲ. ಅಂದಿನಿಂದ ಬಿಡಿಗಾಸನ್ನೂ ದುಡಿದಿಲ್ಲ. ಹೊಟ್ಟೆ ಪಾಡಿಗೂ ತೊಂದರೆಯಾಗಿದೆ. ಮಳೆ ಹಾನಿ ಪರಿಹಾರಕ್ಕೆ ಅರ್ಜಿ ಹಾಕಿದರೆ ₹2 ಸಾವಿರಕ್ಕಿಂತ ಹೆಚ್ಚು ಪರಿಹಾರ ಸಿಗುವುದಿಲ್ಲ. ಏನು ಮಾಡಬೇಕೋ ಗೊತ್ತಿಲ್ಲ’ ಎಂದು ಬೇಸರ ವ್ಯಕ್ತಪಡಿಸಿದರು.</p>.<p class="Briefhead"><strong>‘ಒತ್ತುವರಿ ತೆರವಾಗಬೇಕು’</strong></p>.<p>ವೃಷಭಾವತಿ ರಾಜಕಾಲುವೆಯ ಮತ್ತೊಂದು ಬದಿಯಲ್ಲಿ ಸಣ್ಣ ಕಾರ್ಖಾನೆಗಳಿವೆ. ಕೆಲವರು ರಾಜಕಾಲುವೆಯನ್ನೇ ಒತ್ತುವರಿ ಮಾಡಿಕೊಂಡಿದ್ದಾರೆ. ಹೀಗಾಗಿ ಸಮಸ್ಯೆಯಾಗುತ್ತಿದೆ ಎಂದು ಪ್ರಮೋದಾ ಬಡಾವಣೆಯ ನಿವಾಸಿಗಳು ದೂರುತ್ತಾರೆ.</p>.<p>‘ರಾಜಕಾಲುವೆಗೆ ಕೆಲವರು ಕಸ ತಂದು ಸುರಿಯುತ್ತಾರೆ. ಒಂದೆಡೆ ಒತ್ತುವರಿ, ಮತ್ತೊಂದೆಡೆ ಕಸ ಸುರಿಯುವ ಕಾರಣ ನೀರು ಸರಾಗವಾಗಿ ಹರಿಯುತ್ತಿಲ್ಲ. ಇವೆರಡನ್ನೇ ತಪ್ಪಿಸಿದರೆ ಸಮಸ್ಯೆ ಪರಿಹಾರವಾಗಲಿದೆ’ ಎಂದು ಪ್ರಮೋದ್ ಲೇಔಟ್ ನಿವಾಸಿ ಶಂಕರ್ ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
