ಬೆಂಗಳೂರು: ಜೀವನದುದ್ದಕ್ಕೂ ಶಾಂತಿ, ಸಹಬಾಳ್ವೆ ಮತ್ತು ಸೌಹಾರ್ದವನ್ನು ಪ್ರತಿಪಾದಿಸುತ್ತ ಬಂದಿದ್ದ ಗಿರೀಶ ಕಾರ್ನಾಡ ಅವರ 82ನೇ ಜನ್ಮದಿನೋತ್ಸವ ಪ್ರಯುಕ್ತ ರಂಗಶಂಕರ ಮಂಗಳವಾರ ಉಪನ್ಯಾಸ ಕಾರ್ಯಕ್ರಮ ಏರ್ಪಡಿಸಿದೆ.
ಮೇ 19ರಂದು ಸಂಜೆ 5 ಗಂಟೆಗೆ ರಂಗಶಂಕರದಲ್ಲಿ ಗಿರೀಶ ಕಾರ್ನಾಡ ಅವರು ಈ ಹಿಂದೆ ನೀಡಿದ್ದ ಉಪನ್ಯಾಸದ ಮುದ್ರಿತ ವಿಡಿಯೊದ ಮರು ಪ್ರದರ್ಶನ ಮಾಡಲಾಗುವುದು. ರಂಗಶಂಕರ ಯುಟ್ಯೂಬ್‌ ಚಾನೆಲ್‌ನಲ್ಲಿ ಉಪನ್ಯಾಸದ ನೇರ ಪ್ರಸಾರ ಇರುತ್ತದೆ.
ಕಾರ್ನಾಡರ 75ನೇ ಜನ್ಮದಿನೋತ್ಸವ ಪ್ರಯುಕ್ತ ರಂಗಶಂಕರ 2013ರಲ್ಲಿ ಆಯೋಜಿಸಿದ್ದ ವಾರ್ಷಿಕ ನಾಟಕೋತ್ಸವ ಉದ್ಘಾಟಿಸಿ ಅವರು ಮಾಡಿದ ಭಾಷಣ ಇದಾಗಿದೆ.
