ನಿಮಗಾಗಿ ಸಮಯ ಮೀಸಲಿಡಿ: ‘ಅಧ್ಯಯನವೊಂದರ ಪ್ರಕಾರ ವಿಶ್ವದ ವೈದ್ಯರ ಪೈಕಿ ಶೇ 67ರಷ್ಟು ಜನ ತಾವೇ ಆರೋಗ್ಯ ಸಮಸ್ಯೆಯನ್ನು ಹೊಂದಿದ್ದಾರೆ. ಮೊದಲು ನಿಮ್ಮ ಬಗೆಗೂ ಕಾಳಜಿ ವಹಿಸಬೇಕು. ವರ್ಷದಲ್ಲಿ ಒಂದು ವಾರವಾದರೂ ನಿಮ್ಮ ಮನೋಲ್ಲಾಸ ವೃದ್ಧಿಸುವ ಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳಬೇಕು. ಯೋಗ, ಧ್ಯಾನ, ಸಕಾರಾತ್ಮಕ ಚಿಂತನೆಗಳು ಸದಾ ಇರಬೇಕು. ದಿನಕ್ಕೆ ಎರಡು ಬಾರಿ 20 ನಿಮಿಷಗಳ ಕಾಲ ಧ್ಯಾನ ಮಾಡಿದರೂ ಮನಸ್ಸು ಚೈತನ್ಯದಿಂದ ತುಂಬಿರುತ್ತದೆ’ ಎಂದು ಅವರು ಹೇಳಿದರು.