ಬೆಂಗಳೂರು | ನೋಂದಣಿ ಸಂಖ್ಯೆ ಹರಾಜು: ₹ 45.15 ಲಕ್ಷ ಸಂಗ್ರಹ

ಸಾರಿಗೆ ಇಲಾಖೆ ವತಿಯಿಂದ ಬೆಂಗಳೂರಿನ ಯಶವಂತಪುರ ಪ್ರಾದೇಶಿಕ ಕಚೇರಿಯಲ್ಲಿ ಹರಾಜು ಪ್ರಕ್ರಿಯೆ ನಡೆಯಿತು. ಕೆಎ 05 ಎಂಕೆ 9999 ಸಂಖ್ಯೆಯು ಅತ್ಯಧಿಕ ಮೊತ್ತ ₹ 8 ಲಕ್ಷಕ್ಕೆ ಹರಾಜು ಆಯಿತು. ಕೆಎ 05 ಎಂಕೆ 0006 ಮತ್ತು ಕೆಎ 05 ಎಂಕೆ 0009 ಸಂಖ್ಯೆಗಳು ತಲಾ ₹ 4 ಲಕ್ಷಕ್ಕೆ ಹರಾಜಾದವು. 

ಕೆಎ 05 ಎಂಕೆ 1111 ಸಂಖ್ಯೆ ₹ 2.85 ಲಕ್ಷ, ಕೆಎ 05 ಎಂಕೆ 6666 ಸಂಖ್ಯೆ ₹ 2.80 ಲಕ್ಷ, ಕೆಎ 05 ಎಂಕೆ 0001 ₹ 1.75 ಲಕ್ಷಕ್ಕೆ ಹರಾಜಾದವು. ಇತರ 20 ಸಂಖ್ಯೆಗಳಲ್ಲಿ ತಲಾ ₹ 75 ಸಾವಿರದಂತೆ ರಾಜಸ್ವ ಸಂಗ್ರಹವಾಗಿದೆ ಎಂದು ಸಾರಿಗೆ ಇಲಾಖೆಯ ಆಯುಕ್ತರು ತಿಳಿಸಿದ್ದಾರೆ.