‘ಸೆ. 11ರಂದು ನಿಗಮದ ವತಿಯಿಂದ ₹ 14 ಸಾವಿರ ಮೌಲ್ಯದ ಮೈಸೂರು ಸಿಲ್ಕ್ಸ್ ಸೀರೆಗಳನ್ನು ನಿಗಮವು ₹ 4,500ಕ್ಕೆ ಮಾರಾಟಕ್ಕಿರಿಸಿತ್ತು. ದೊಡ್ಡ ಸಂಖ್ಯೆಯಲ್ಲಿ ಬಂದ ಮಹಿಳೆಯರು ಅಂದು ತಮ್ಮ ಆಧಾರ್ ಕಾರ್ಡ್ ನೀಡಿ ಕೂಪನ್ ಪಡೆದು ಸರದಿಯಲ್ಲಿ ಕಾದಿದ್ದರು. ಅಂದು ಕೆಲವರಿಗಷ್ಟೇ ಸೀರೆ ಸಿಕ್ಕಿತ್ತು. ಮರುದಿನವೂ ಬಂದ ಕೆಲವರು ಕೂಪನ್ ಇಲ್ಲದೆಯೇ ನಿಗಮದ ಸಿಬ್ಬಂದಿ, ಪೊಲೀಸರ ನೆರವಿನಿಂದ 2, 3 ಸೀರೆಗಳನ್ನು ಪಡೆದಿದ್ದಾರೆ. ಪ್ರಶ್ನಿಸಿದರೆ ಪೊಲೀಸರ ಮೂಲಕ ನಮ್ಮನ್ನು ಗದರಿಸಿದ್ದಾರೆ’ ಎಂದು ಗ್ರಾಹಕರಾದ ರತ್ನಾ ಆರೋಪಿಸಿದರು.