ಶೇಷಾದ್ರಿಪುರ ಪಿಯು ಕಾಲೇಜಿಗೆ 26 ರ‍್ಯಾಂಕ್‌
ಅಕ್ಷರ ಗಾತ್ರ :ಆ |ಆ |ಆ
ಬೆಂಗಳೂರು: ಇಂಡಿಯಾ ಟುಡೆ ನಡೆಸಿದ ದೇಶದ ಉತ್ತಮ ಕಾಲೇಜುಗಳ ಸಮೀಕ್ಷೆಯಲ್ಲಿ ನಗರದ ಶೇಷಾದ್ರಿಪುರ ಸಂಯುಕ್ತ ಪದವಿ ಪೂರ್ವ ಕಾಲೇಜು 39ನೇ ರ‍್ಯಾಂಕ್‌ ಪಡೆದಿದೆ ಎಂದು ಸಂಸ್ಥೆಯ ಗೌರವ ಪ್ರಧಾನ ಕಾರ್ಯದರ್ಶಿ ವೂಡೇ ಪಿ.ಕೃಷ್ಣ ತಿಳಿಸಿದ್ದಾರೆ.
ಶೇಷಾದ್ರಿಪುರ ಸಮೂಹ ಶಿಕ್ಷಣ ಸಂಸ್ಥೆಯ ಪದವಿ ಪೂರ್ವ ಕಾಲೇಜುಗಳು ಪ್ರಸಕ್ತ ಸಾಲಿನಲ್ಲಿ 26 ರ‍್ಯಾಂಕ್‌ಗಳನ್ನು ಪಡೆದಿದ್ದು, ಸರಾಸರಿ ಶೇ 83.60ರಷ್ಟು ಫಲಿತಾಂಶ ಬಂದಿದೆ. ಶೇಷಾದ್ರಿಪುರ ಸಂಯುಕ್ತ ಪಿಯು ಕಾಲೇಜಿನ ವಿಜ್ಞಾನ ವಿಭಾಗದಲ್ಲಿ ಎ.ಎಸ್.ಶ್ರೀಕರಿ ಶ್ರಾವಣಿ (ಶೇ 97.83), ಆರ್.ಪಿ.ಧೀರಜ್ (ಶೇ 97.17), ಬಿ.ಪ್ರಥಮ್ (ಶೇ 96.67), ವಾಣಿಜ್ಯ ವಿಭಾಗದಲ್ಲಿ ಜಿ.ಬಿ.ಶ್ರೀಲಕ್ಷ್ಮೀ, ಆರ್.ವೀಣಾ, ಆರ್.ಮೇಘಶ್ರೀ, ಎನ್.ಸ್ವಾತಿ, ಬಿ.ಆರ್.ಪವಿತ್ರಾ ತಲಾ ಶೇ 97.67, ತನುಶ್ರೀ, ಅರ್ಕಸಾಲಿ, ಎನ್.ಎಸ್.ಕೃತಿಕಾ, ಎಂ.ಅಕ್ಷಿತಾ ಶೇ 97.33, ತನಿಷಾ ಸಿ.ಕುಲಕರ್ಣಿ (ಶೇ 97), ಜೆ.ಎಂ.ಲಾವಣ್ಯ (ಶೇ 96.83), ಎಂ.ಭೂಮಿಕಾ (ಶೇ 96.67), ಡಿ.ಜಿ.ಕೋಮಲ್ (ಶೇ 96.33) ಉನ್ನತ ಶ್ರೇಣಿಯಲ್ಲಿ ಉತ್ತೀರ್ಣರಾಗಿದ್ದಾರೆ. ಯಲಹಂಕ, ಶೇಷಾದ್ರಿಪುರ, ಕೆಂಗೇರಿ, ಮಾಗಡಿ ರಸ್ತೆಯ ಪಿಯು ಕಾಲೇಜುಗಳಲ್ಲಿ ಹಲವು ವಿದ್ಯಾರ್ಥಿಗಳು ರ‍್ಯಾಂಕ್‌ ಗಳಿಸಿದ್ದಾರೆ ಎಂದು ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.
ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.
ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.
