ಶಿವಾಚಾರ್ಯ ಸಂಘ ಪತ್ರಕ್ಕೆ ಆಕ್ಷೇಪ

‘ನಾವು ಸುಮ್ಮನೆ ಕುಳಿತರೆ ಅದೇ ಸತ್ಯವೆಂದು ಅಥೈ೯ಸಲು ಅವಕಾಶ ಕೊಟ್ಟಂತಾಗುತ್ತದೆ.ಇದು ಯಾವುದೇ ರಾಜಕೀಯ ವೋಟ್‌ ಬ್ಯಾಂಕ್ ಪಾಲಿ ಟಿಕ್ಸ್ ಅಲ್ಲ. ಶಿವಾಚಾರ್ಯರು ಕೂಡಲೇ ಇದನ್ನು ನಿಲ್ಲಿಸಬೇಕು. ಎಲ್ಲರನ್ನೂ ಎಲ್ಲ ಕಾಲಕ್ಕೂ ಮೂಖ೯ರನ್ನಾಗಿಸುವುದು ಸಾಧ್ಯವಿಲ್ಲ. ಆದ್ದರಿಂದ, ಮಹಾಸಭಾದ ಪ್ರತಿ ಜಿಲ್ಲಾ ಮತ್ತು ತಾಲೂಕು ಘಟಕಗಳು ಮಾಧ್ಯಮ ಗೋಷ್ಠಿಗಳನ್ನು ನಡೆಸಿ ಶಿವಾಚಾರ್ಯರ ಗೊಂದಲಗಳನ್ನು ವಿರೋಧಿಸಿ ಸತ್ಯ ಏನೆಂದು ಜನರಿಗೆ ತಿಳಿಸಬೇಕು’ ಎಂದು ಹೇಳಿದ್ದಾರೆ.

ಶಿವಾಚಾರ್ಯರಿಗೆ ಕೇಳಬಹುದಾದ ಪ್ರಶ್ನೆಗಳನ್ನು ಪಟ್ಟಿ ಮಾಡಿರುವ ಅವರು, ‘ಬಸವಣ್ಣ ಯಾರಿಂದಲೂ ದೀಕ್ಷೆ ಪಡೆಯಲಿಲ್ಲ. ವೀರಶೈವದ ಪ್ರಚಾರ ಮಾಡಲಿಲ್ಲ. ಹೊಸ ಲಿಂಗಾಯತ ಧಮ೯ವನ್ನು ಸ್ಥಾಪಿಸಿದರು’ ಎಂಬುದನ್ನು ಮನದಟ್ಟು ಮಾಡಿ’ ಎಂದು ತಿಳಿಸಿದ್ದಾರೆ.

ಅಂಶಗಳ ಪಟ್ಟಿ

*ವೀರಶೈವರು ಬಹುಕಾಲದಿಂದ ಬಸವಣ್ಣ ಮತ್ತು ಬಸವ ತತ್ವಗಳನ್ನು ವಿರೋಧಿಸುತ್ತಲೇ ಬಂದಿದ್ದಾರೆ.

*ಇತ್ತೀಚಿನವರೆಗೂ ವೀರಶೈವ ಪಂಚಾಚಾರ್ಯರು ಬಸವಣ್ಣನವರ ಫೋಟೊ ಹಾಕಿದ ಕಾರ್ಯಕ್ರಮಕ್ಕೆ ಬರುತ್ತಿರಲಿಲ್ಲ.

*ತಾವೇ ಧಮ೯ ಸಂಸ್ಥಾಪಕರೆಂದೂ ಬಸವಣ್ಣ ತಮ್ಮ ಶಿಷ್ಯರೆಂದು ಸುಳ್ಳು ಗಳನ್ನು ಹೇಳುತ್ತಲೇ ಬಂದಿದ್ದಾರೆ. ಅದು ಅವರ ಕಟ್ಟುಕತೆ. ಅದಕ್ಕೆ ಯಾವುದೇ ಆಧಾರವಿಲ್ಲ.

*ಶರಣರ ಇಪ್ಪತ್ತೆರಡು ಸಾವಿರ ವಚನಗಳನ್ನು 17 ರಿಂದ 20ನೆಯ ಶತಮಾನದವರೆಗೆ 300 ವರ್ಷ ಮುಚ್ಚಿಟ್ಟದ್ದವರೇ ವೀರಶೈವರು.

*ಶರಣರ ವಚನಗಳನ್ನು ತಿದ್ದಿ ಕೆಲವು ಭ್ರಷ್ಟತೆಗಳನ್ನು ಅವುಗಳಲ್ಲಿ ತುರುಕಿದವರೇ ವೀರಶೈವರು. 648 ವಚನಗಳಲ್ಲಿ ಸಂಸ್ಕೃತ ಶ್ಲೋಕಗಳನ್ನು ಅನಗತ್ಯವಾಗಿ ಸೇರಿದ್ದಾರೆ. ಸುಮಾರು ಇನ್ನೂರು ವಚನಗಳಲ್ಲಿ 'ಲಿಂಗಾಯತ ' ಶಬ್ದವನ್ನು ತೆಗೆದು 'ವೀರಶೈವ ' ಶಬ್ದವನ್ನು ಸೇರಿಸಿದವರೇ ವೀರಶೈವರು.

*ಈಗ ಪಠ್ಯಪುಸ್ತಕ ವಿವಾದದಲ್ಲಿ ಅನಗತ್ಯವಾಗಿ ಮೂಗುತೂರಿಸಿ ತಮಗೆ ಅನುಕೂಲವಾಗುವಂತೆ ತಿದ್ದುಪಡಿ ಮಾಡಿಸಿಕೊಳ್ಳಲು ಮಹಾಂತಲಿಂಗ ಶಿವಾಚಾರ್ಯ ಮುಖಾಂತರ ಮುಖ್ಯಮಂತ್ರಿಗಳಿಗೆ ತಪ್ಪು ಮಾಹಿತಿ ನೀಡುವ ಪ್ರಯತ್ನಕ್ಕೆ ಕೈಹಾಕಿದ್ದಾರೆ. ಇದನ್ನು
ನಾವು ವಿರೋಧಿಸದಿದ್ದರೆ ಇದೇ ಸತ್ಯವೆಂದು ಭಾವಿಸಿ ತಿದ್ದುಪಡಿ ಮಾಡಲು ಅವಕಾಶ ನೀಡಿ ದಂತಾಗುತ್ತದೆ.