<p><strong>ಬೆಂಗಳೂರು: </strong>ಮಳೆಗೆ ಕುಸಿದು ಬಿದ್ದ ಕಾಂಪೌಂಡ್, ಜೌಗುಗಟ್ಟಿದ ನೆಲ, ಹಾದಿಗೆ ಅಡ್ಡವಾದ ಕಲ್ಲು, ಮಣ್ಣು, ಗಿಡಗಳು, ಬಳ್ಳಿಯಂತೆ ಕೆಳಗಿಳಿದ ಅಪಾಯಕಾರಿ ವಿದ್ಯುತ್ ತಂತಿಗಳು, ಅಲ್ಲಲ್ಲಿ ಹರಡಿರುವ ಖಾಲಿ ನೀರಿನ ಬಾಟಲಿಗಳು, ಜೇಡಗಟ್ಟಿದ ಬಲೆಯ ಬಾಗಿಲುಗಳು...<br /> <br /> ಇವೆಲ್ಲ ಇದೆ ಎಂದಾದಲ್ಲಿ ಸಂದೇಹವೇ ಬೇಡ. ಅದು ವಿಶ್ವೇಶ್ವರಯ್ಯ ವಿಶ್ವವಿದ್ಯಾಲಯ ಎಂಜಿನಿಯರಿಂಗ್ ಕಾಲೇಜು (ಯುವಿಸಿಇ). <br /> <br /> `ಯುವಿಸಿಇ ಕಾಲೇಜನ್ನು ರಾಜ್ಯದಲ್ಲೇ ವಿಶಿಷ್ಟ ಎಂಜಿನಿಯರಿಂಗ್ ಶಿಕ್ಷಣ ಕೇಂದ್ರವನ್ನಾಗಿ ರೂಪಿಸಲು 100 ಕೋಟಿ ರೂಪಾಯಿಗಳನ್ನು ನೀಡಲಾಗುವುದು. ಈಗಾಗಲೇ ಈ ಬಗ್ಗೆ ಪ್ರಧಾನಮಂತ್ರಿ ಮನಮೋಹನ್ಸಿಂಗ್ ಅವರಿಗೆ ಪತ್ರ ಬರೆಯಲಾಗಿದೆ~ ಎಂದು ಪ್ರಸ್ತುತ ಕೇಂದ್ರ ಕಾರ್ಪೊರೇಟ್ ವ್ಯವಹಾರಗಳ ಸಚಿವರಾಗಿರುವ, ಈ ಘೋಷಣೆ ಹೊರಡಿಸುವಾಗ ಕಾನೂನು ಸಚಿವರಾಗಿದ್ದ ಎಂ. ವೀರಪ್ಪ ಮೊಯಿಲಿ ಅವರು ಕಾಲೇಜಿನ ಹಳೇ ವಿದ್ಯಾರ್ಥಿಗಳ ಸಂಘದ ಕಾರ್ಯಕ್ರಮದಲ್ಲಿ ಹೇಳಿಕೆ ನೀಡಿ, ಅಲ್ಲಿ ಸೇರಿದ್ದ ಸಹಸ್ರಾರು ವಿದ್ಯಾರ್ಥಿಗಳಿಂದ ಚಪ್ಪಾಳೆ ಗಿಟ್ಟಿಸಿಕೊಂಡಿದ್ದರು. <br /> <br /> ಆದರೆ ಈ ಘೋಷಣೆ ಹೊರಡಿಸಿ ವರ್ಷ ಕಳೆಯುತ್ತಾ ಬಂದರೂ ಇನ್ನೂ ಯಾವುದೇ ಅಭಿವೃದ್ಧಿ ಕೆಲಸಗಳು ಇಲ್ಲಿ ನಡೆದಿಲ್ಲ. ಬದಲಾಗಿ ಕಾಲೇಜಿನ ಕಟ್ಟಡಗಳು ಇನ್ನಷ್ಟು ಶಿಥಿಲಾವಸ್ಥೆ ತಲುಪಿವೆ.<br /> <br /> `ತಾಂತ್ರಿಕವಾಗಿ ಈ ವಿಭಾಗ ಬೆಂಗಳೂರು ವಿಶ್ವವಿದ್ಯಾಲಯಕ್ಕೆ ಒಳಪಟ್ಟಿದೆ. ಅಲ್ಲದೇ ಈ ಕಟ್ಟಡದ ಸ್ವಚ್ಛತಾ ಕಾರ್ಯವನ್ನು ಸೆಂಟ್ರಲ್ ಕಾಲೇಜಿನ ಸಿಬ್ಬಂದಿ ಮಾಡಬೇಕು. ನಾವೇನಿದ್ದರೂ ಶೈಕ್ಷಣಿಕ ಚಟುವಟಿಕೆಗಳನ್ನು ಮಾಡುತ್ತೇವೆ. ಆದರೂ ಈ ವಿಭಾಗಗಳನ್ನು ದುರಸ್ತಿ ಮಾಡುವಂತೆ ಹಲವು ಬಾರಿ ವಿ.ವಿ.ಗೆ ಪತ್ರ ಬರೆಯಲಾಗಿದೆ. ಇನ್ನೂ ಎಷ್ಟು ಬಾರಿ ಪತ್ರ ಬರೆಯಬೇಕು?~ ಎಂದು ಆಕ್ರೋಶ ವ್ಯಕ್ತಪಡಿಸುತ್ತಾರೆ ಯುವಿಸಿಇ ಪ್ರಾಂಶುಪಾಲ ಡಾ.ಕೆ.ಆರ್.ವೇಣುಗೋಪಾಲ್.<br /> <br /> ಸಮಸ್ಯೆ ಇಷ್ಟಕ್ಕೇ ಬಗೆ ಹರಿಯುವುದಿಲ್ಲ. ವಿಭಾಗಕ್ಕೆ ಈ ದುಃಸ್ಥಿತಿ ಒದಗಿ ಬಂದಿರುವುದರಿಂದ ಇಲ್ಲಿರುವ ಪ್ರಾಧ್ಯಾಪಕರ ಕೋಣೆಗಳಲ್ಲಿ ಯಾವ ಪ್ರಾಧ್ಯಾಪಕರೂ ಇರಲು ಬಯಸುವುದಿಲ್ಲ. ಈ ವಿಭಾಗದ ಪ್ರಾಧ್ಯಾಪಕರೊಬ್ಬರು ನಮಗೆ ಬೇಕೆಂದಾಗ ಲಭ್ಯವಾಗುವುದೇ ಇಲ್ಲ. <br /> <br /> ಸೆಂಟ್ರಲ್ ಕಾಲೇಜಿನ ವಿದ್ಯಾರ್ಥಿಗಳಿಗೇ ಪಾಠ ಮಾಡುತ್ತಾ ಇರುತ್ತಾರೆ. ಅದಕ್ಕೆ ಈ ಸಮಸ್ಯೆಯೂ ಒಂದು ಕಾರಣ ಎಂದು ವಿದ್ಯಾರ್ಥಿಯೊಬ್ಬರು ಆರೋಪಿಸಿದರು.<br /> <br /> ಇಂಥ ಪರಿಸ್ಥಿತಿಯಲ್ಲಿ ನಾವು ರಸಾಯನಶಾಸ್ತ್ರದ ಪ್ರಾಯೋಗಿಕ ತರಗತಿಗಳನ್ನು ನಡೆಸಲು ಹೇಗೆ ಸಾಧ್ಯವಾಗುತ್ತದೆ? ಈ ವಾತಾವರಣ ನಮಗೆ ಸರಿ ಹೊಂದುತ್ತಿಲ್ಲ ಎಂದೂ ದೂರಿದರು. `ಇಂಥ ಪರಿಸ್ಥಿತಿ ಇರುವುದರಿಂದಲೇ ಈ ಬಾರಿ ನಮ್ಮ ಕಾಲೇಜಿಗೆ ಪ್ರವೇಶ ಪಡೆಯುವ ವಿದ್ಯಾರ್ಥಿಗಳ ಸಂಖ್ಯೆಯಲ್ಲಿ ಕುಸಿತವಾಗಿದೆ. ಪರಿಸ್ಥಿತಿ ಹೀಗೇ ಮುಂದುವರೆದರೆ ವಿದ್ಯಾರ್ಥಿಗಳು ಏಕೆ ಬರುತ್ತಾರೆ? ಒಂದು ಕಾಲದಲ್ಲಿ ಹಲವಾರು ಖ್ಯಾತ ಎಂಜಿನಿಯರ್ಗಳು, ಬಾಹ್ಯಾಕಾಶ ತಜ್ಞರು, ರಕ್ಷಣಾ ತಜ್ಞರನ್ನು ಸೃಷ್ಟಿಸಿದ ಕಾಲೇಜು ಇಂದು ಈ ಸ್ಥಿತಿಗೆ ಬಂದು ನಿಂತಿದೆ~ ಎಂದು ಪ್ರಾಧ್ಯಾಪಕರೊಬ್ಬರು ಆತಂಕ ವ್ಯಕ್ತಪಡಿಸಿದರು.<br /> <br /> ಒಡೆದ ಕಾಂಪೌಂಡ್: ರಸಾಯನಶಾಸ್ತ್ರ ಪ್ರಯೋಗಾಲಯದ ಪರಿಸ್ಥಿತಿ ಹೀಗಾದರೆ, ಇದಕ್ಕಿಂತಲೂ ಭಿನ್ನವಾದುದು ಈ ಕಾಲೇಜಿನ ಕಾಂಪೌಂಡ್ ಕತೆ. ನೃಪತುಂಗ ರಸ್ತೆಯ (ಸಾರ್ವಜನಿಕ ಶಿಕ್ಷಣ ಇಲಾಖೆಯ ಕಟ್ಟಡದ ಎದುರಿನ ಭಾಗ) ಬಳಿ ಕಟ್ಟಿದ್ದ ಕಾಂಪೌಂಡ್ ಕುಸಿದು ಹೋಗಿ ಹಲವು ತಿಂಗಳುಗಳೇ ಗತಿಸಿವೆ. <br /> <br /> ಇದನ್ನೂ ವಿ.ವಿ.ಯ ಕಟ್ಟಡ ವಿಭಾಗ ರಿಪೇರಿ ಮಾಡುವ ಗೋಜಿಗೆ ಹೋಗಿಲ್ಲ. ಸುಮಾರು 30 ಅಡಿಗಳಷ್ಟು ಉದ್ದದವರೆಗೆ ಕಾಂಪೌಂಡ್ ಕುಸಿದಿದ್ದರಿಂದ ಯಾರು ಬೇಕಾದರೂ ಇಲ್ಲಿ ಪ್ರವೇಶಿಸಬಹುದಾಗಿದೆ. ಈ ಬಗ್ಗೆಯೂ ವಿ.ವಿ.ಯ ನಿರ್ಲಕ್ಷ್ಯ ಧೋರಣೆ ಮುಂದುವರೆದಿದೆ. <br /> </p>.<p><strong>ಕೆಲಸ ಮಾಡಲಿ</strong><br /> ನಾಗರಿಕ ಪ್ರಜ್ಞೆಯ ಬಗ್ಗೆ ಭಾಷಣ ಬಿಗಿಯುವ ಕುಲಪತಿ ಡಾ.ಎನ್.ಪ್ರಭುದೇವ್ ತಮ್ಮ ಅಧೀನದಲ್ಲಿ ಬರುವ ಯುವಿಸಿಇ ಕಾಲೇಜಿನತ್ತ ಮೊದಲು ಗಮನಹರಿಸಲಿ. ಕಾಲೇಜಿನ ಒಂದು ಭಾಗದ ಕಾಂಪೌಂಡ್ ಕುಸಿದಿದ್ದರಿಂದ ಕಾಲೇಜು ದಾರಿಹೋಕರ ಮೂತ್ರಾಲಯವಾಗಿ ಪರಿವರ್ತನೆ ಹೊಂದಿದೆ. ಈ ಬಗ್ಗೆ ನಾವು ಗಮನಕ್ಕೆ ತಂದರೂ, ಸ್ವಯಂಘೋಷಿತ `ನಾಗರಿಕ ಪ್ರಜ್ಞೆ ಮೂಡಿಸುವ~ ಕುಲಪತಿ ಇತ್ತ ಗಮನ ಹರಿಸಿಲ್ಲ. ಪ್ರಯೋಗಾಲಯ ಸೇರಿದಂತೆ ಇನ್ನಿತರ ಹಲವು ಸಮಸ್ಯೆಗಳ ಬಗ್ಗೆ ಗಮನ ಸೆಳೆದರೂ ಅವುಗಳನ್ನು ಸರಿಪಡಿಸುವ ಕಾರ್ಯ ಮಾಡಿಲ್ಲ.<br /> <strong>-ಡಾ.ಕೆ.ವಿ.ಆಚಾರ್ಯ, ಸಿಂಡಿಕೇಟ್ ಸದಸ್ಯ, ಬೆಂಗಳೂರು ವಿ.ವಿ.</strong></p>.<p><strong>ವಿಶಿಷ್ಟ ಶಿಕ್ಷಣ ಕೇಂದ್ರವಾಗಿ ಅಭಿವೃದ್ಧಿ</strong><br /> `ಕಾಲೇಜನ್ನು ಆದಷ್ಟು ಬೇಗ ವಿಶಿಷ್ಟ ಶೈಕ್ಷಣಿಕ ಕೇಂದ್ರವನ್ನಾಗಿ (ಸೆಂಟರ್) ಮೇಲ್ದರ್ಜೆಗೇರಿಸಲು ಸಚಿವ ವೀರಪ್ಪ ಮೊಯಿಲಿ ಅವರು ಕೇಂದ್ರಕ್ಕೆ ಪತ್ರ ಬರೆದಿದ್ದಾರೆ. ಆದರೆ ಪ್ರಧಾನಮಂತ್ರಿಗಳ ನಿರ್ಧಾರದ ಬಗ್ಗೆ ನಮಗಿನ್ನೂ ಮಾಹಿತಿ ಬಂದಿಲ್ಲ. ಇದು ಮೇಲ್ದರ್ಜೆಗೆ ಏರಿದ ಮೇಲೆ ಇಲ್ಲಿ ಉತ್ತಮ ಸೌಕರ್ಯಗಳು ಬರಲಿವೆ. ಈ ಕಾಲೇಜಿಗೆ ತನ್ನದೇ ಆದ ಇತಿಹಾಸ ಇದ್ದುದರಿಂದಲೇ ವಿಟಿಯುಗೆ ಸೇರಿಸುವ ಬದಲು ನಾವೇ ಇಟ್ಟುಕೊಂಡಿದ್ದೇವೆ.~<br /> -<strong>ಡಾ.ಎನ್.ಪ್ರಭುದೇವ್, ಬೆಂಗಳೂರು ವಿ.ವಿ. ಕುಲಪತಿ</strong><br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು: </strong>ಮಳೆಗೆ ಕುಸಿದು ಬಿದ್ದ ಕಾಂಪೌಂಡ್, ಜೌಗುಗಟ್ಟಿದ ನೆಲ, ಹಾದಿಗೆ ಅಡ್ಡವಾದ ಕಲ್ಲು, ಮಣ್ಣು, ಗಿಡಗಳು, ಬಳ್ಳಿಯಂತೆ ಕೆಳಗಿಳಿದ ಅಪಾಯಕಾರಿ ವಿದ್ಯುತ್ ತಂತಿಗಳು, ಅಲ್ಲಲ್ಲಿ ಹರಡಿರುವ ಖಾಲಿ ನೀರಿನ ಬಾಟಲಿಗಳು, ಜೇಡಗಟ್ಟಿದ ಬಲೆಯ ಬಾಗಿಲುಗಳು...<br /> <br /> ಇವೆಲ್ಲ ಇದೆ ಎಂದಾದಲ್ಲಿ ಸಂದೇಹವೇ ಬೇಡ. ಅದು ವಿಶ್ವೇಶ್ವರಯ್ಯ ವಿಶ್ವವಿದ್ಯಾಲಯ ಎಂಜಿನಿಯರಿಂಗ್ ಕಾಲೇಜು (ಯುವಿಸಿಇ). <br /> <br /> `ಯುವಿಸಿಇ ಕಾಲೇಜನ್ನು ರಾಜ್ಯದಲ್ಲೇ ವಿಶಿಷ್ಟ ಎಂಜಿನಿಯರಿಂಗ್ ಶಿಕ್ಷಣ ಕೇಂದ್ರವನ್ನಾಗಿ ರೂಪಿಸಲು 100 ಕೋಟಿ ರೂಪಾಯಿಗಳನ್ನು ನೀಡಲಾಗುವುದು. ಈಗಾಗಲೇ ಈ ಬಗ್ಗೆ ಪ್ರಧಾನಮಂತ್ರಿ ಮನಮೋಹನ್ಸಿಂಗ್ ಅವರಿಗೆ ಪತ್ರ ಬರೆಯಲಾಗಿದೆ~ ಎಂದು ಪ್ರಸ್ತುತ ಕೇಂದ್ರ ಕಾರ್ಪೊರೇಟ್ ವ್ಯವಹಾರಗಳ ಸಚಿವರಾಗಿರುವ, ಈ ಘೋಷಣೆ ಹೊರಡಿಸುವಾಗ ಕಾನೂನು ಸಚಿವರಾಗಿದ್ದ ಎಂ. ವೀರಪ್ಪ ಮೊಯಿಲಿ ಅವರು ಕಾಲೇಜಿನ ಹಳೇ ವಿದ್ಯಾರ್ಥಿಗಳ ಸಂಘದ ಕಾರ್ಯಕ್ರಮದಲ್ಲಿ ಹೇಳಿಕೆ ನೀಡಿ, ಅಲ್ಲಿ ಸೇರಿದ್ದ ಸಹಸ್ರಾರು ವಿದ್ಯಾರ್ಥಿಗಳಿಂದ ಚಪ್ಪಾಳೆ ಗಿಟ್ಟಿಸಿಕೊಂಡಿದ್ದರು. <br /> <br /> ಆದರೆ ಈ ಘೋಷಣೆ ಹೊರಡಿಸಿ ವರ್ಷ ಕಳೆಯುತ್ತಾ ಬಂದರೂ ಇನ್ನೂ ಯಾವುದೇ ಅಭಿವೃದ್ಧಿ ಕೆಲಸಗಳು ಇಲ್ಲಿ ನಡೆದಿಲ್ಲ. ಬದಲಾಗಿ ಕಾಲೇಜಿನ ಕಟ್ಟಡಗಳು ಇನ್ನಷ್ಟು ಶಿಥಿಲಾವಸ್ಥೆ ತಲುಪಿವೆ.<br /> <br /> `ತಾಂತ್ರಿಕವಾಗಿ ಈ ವಿಭಾಗ ಬೆಂಗಳೂರು ವಿಶ್ವವಿದ್ಯಾಲಯಕ್ಕೆ ಒಳಪಟ್ಟಿದೆ. ಅಲ್ಲದೇ ಈ ಕಟ್ಟಡದ ಸ್ವಚ್ಛತಾ ಕಾರ್ಯವನ್ನು ಸೆಂಟ್ರಲ್ ಕಾಲೇಜಿನ ಸಿಬ್ಬಂದಿ ಮಾಡಬೇಕು. ನಾವೇನಿದ್ದರೂ ಶೈಕ್ಷಣಿಕ ಚಟುವಟಿಕೆಗಳನ್ನು ಮಾಡುತ್ತೇವೆ. ಆದರೂ ಈ ವಿಭಾಗಗಳನ್ನು ದುರಸ್ತಿ ಮಾಡುವಂತೆ ಹಲವು ಬಾರಿ ವಿ.ವಿ.ಗೆ ಪತ್ರ ಬರೆಯಲಾಗಿದೆ. ಇನ್ನೂ ಎಷ್ಟು ಬಾರಿ ಪತ್ರ ಬರೆಯಬೇಕು?~ ಎಂದು ಆಕ್ರೋಶ ವ್ಯಕ್ತಪಡಿಸುತ್ತಾರೆ ಯುವಿಸಿಇ ಪ್ರಾಂಶುಪಾಲ ಡಾ.ಕೆ.ಆರ್.ವೇಣುಗೋಪಾಲ್.<br /> <br /> ಸಮಸ್ಯೆ ಇಷ್ಟಕ್ಕೇ ಬಗೆ ಹರಿಯುವುದಿಲ್ಲ. ವಿಭಾಗಕ್ಕೆ ಈ ದುಃಸ್ಥಿತಿ ಒದಗಿ ಬಂದಿರುವುದರಿಂದ ಇಲ್ಲಿರುವ ಪ್ರಾಧ್ಯಾಪಕರ ಕೋಣೆಗಳಲ್ಲಿ ಯಾವ ಪ್ರಾಧ್ಯಾಪಕರೂ ಇರಲು ಬಯಸುವುದಿಲ್ಲ. ಈ ವಿಭಾಗದ ಪ್ರಾಧ್ಯಾಪಕರೊಬ್ಬರು ನಮಗೆ ಬೇಕೆಂದಾಗ ಲಭ್ಯವಾಗುವುದೇ ಇಲ್ಲ. <br /> <br /> ಸೆಂಟ್ರಲ್ ಕಾಲೇಜಿನ ವಿದ್ಯಾರ್ಥಿಗಳಿಗೇ ಪಾಠ ಮಾಡುತ್ತಾ ಇರುತ್ತಾರೆ. ಅದಕ್ಕೆ ಈ ಸಮಸ್ಯೆಯೂ ಒಂದು ಕಾರಣ ಎಂದು ವಿದ್ಯಾರ್ಥಿಯೊಬ್ಬರು ಆರೋಪಿಸಿದರು.<br /> <br /> ಇಂಥ ಪರಿಸ್ಥಿತಿಯಲ್ಲಿ ನಾವು ರಸಾಯನಶಾಸ್ತ್ರದ ಪ್ರಾಯೋಗಿಕ ತರಗತಿಗಳನ್ನು ನಡೆಸಲು ಹೇಗೆ ಸಾಧ್ಯವಾಗುತ್ತದೆ? ಈ ವಾತಾವರಣ ನಮಗೆ ಸರಿ ಹೊಂದುತ್ತಿಲ್ಲ ಎಂದೂ ದೂರಿದರು. `ಇಂಥ ಪರಿಸ್ಥಿತಿ ಇರುವುದರಿಂದಲೇ ಈ ಬಾರಿ ನಮ್ಮ ಕಾಲೇಜಿಗೆ ಪ್ರವೇಶ ಪಡೆಯುವ ವಿದ್ಯಾರ್ಥಿಗಳ ಸಂಖ್ಯೆಯಲ್ಲಿ ಕುಸಿತವಾಗಿದೆ. ಪರಿಸ್ಥಿತಿ ಹೀಗೇ ಮುಂದುವರೆದರೆ ವಿದ್ಯಾರ್ಥಿಗಳು ಏಕೆ ಬರುತ್ತಾರೆ? ಒಂದು ಕಾಲದಲ್ಲಿ ಹಲವಾರು ಖ್ಯಾತ ಎಂಜಿನಿಯರ್ಗಳು, ಬಾಹ್ಯಾಕಾಶ ತಜ್ಞರು, ರಕ್ಷಣಾ ತಜ್ಞರನ್ನು ಸೃಷ್ಟಿಸಿದ ಕಾಲೇಜು ಇಂದು ಈ ಸ್ಥಿತಿಗೆ ಬಂದು ನಿಂತಿದೆ~ ಎಂದು ಪ್ರಾಧ್ಯಾಪಕರೊಬ್ಬರು ಆತಂಕ ವ್ಯಕ್ತಪಡಿಸಿದರು.<br /> <br /> ಒಡೆದ ಕಾಂಪೌಂಡ್: ರಸಾಯನಶಾಸ್ತ್ರ ಪ್ರಯೋಗಾಲಯದ ಪರಿಸ್ಥಿತಿ ಹೀಗಾದರೆ, ಇದಕ್ಕಿಂತಲೂ ಭಿನ್ನವಾದುದು ಈ ಕಾಲೇಜಿನ ಕಾಂಪೌಂಡ್ ಕತೆ. ನೃಪತುಂಗ ರಸ್ತೆಯ (ಸಾರ್ವಜನಿಕ ಶಿಕ್ಷಣ ಇಲಾಖೆಯ ಕಟ್ಟಡದ ಎದುರಿನ ಭಾಗ) ಬಳಿ ಕಟ್ಟಿದ್ದ ಕಾಂಪೌಂಡ್ ಕುಸಿದು ಹೋಗಿ ಹಲವು ತಿಂಗಳುಗಳೇ ಗತಿಸಿವೆ. <br /> <br /> ಇದನ್ನೂ ವಿ.ವಿ.ಯ ಕಟ್ಟಡ ವಿಭಾಗ ರಿಪೇರಿ ಮಾಡುವ ಗೋಜಿಗೆ ಹೋಗಿಲ್ಲ. ಸುಮಾರು 30 ಅಡಿಗಳಷ್ಟು ಉದ್ದದವರೆಗೆ ಕಾಂಪೌಂಡ್ ಕುಸಿದಿದ್ದರಿಂದ ಯಾರು ಬೇಕಾದರೂ ಇಲ್ಲಿ ಪ್ರವೇಶಿಸಬಹುದಾಗಿದೆ. ಈ ಬಗ್ಗೆಯೂ ವಿ.ವಿ.ಯ ನಿರ್ಲಕ್ಷ್ಯ ಧೋರಣೆ ಮುಂದುವರೆದಿದೆ. <br /> </p>.<p><strong>ಕೆಲಸ ಮಾಡಲಿ</strong><br /> ನಾಗರಿಕ ಪ್ರಜ್ಞೆಯ ಬಗ್ಗೆ ಭಾಷಣ ಬಿಗಿಯುವ ಕುಲಪತಿ ಡಾ.ಎನ್.ಪ್ರಭುದೇವ್ ತಮ್ಮ ಅಧೀನದಲ್ಲಿ ಬರುವ ಯುವಿಸಿಇ ಕಾಲೇಜಿನತ್ತ ಮೊದಲು ಗಮನಹರಿಸಲಿ. ಕಾಲೇಜಿನ ಒಂದು ಭಾಗದ ಕಾಂಪೌಂಡ್ ಕುಸಿದಿದ್ದರಿಂದ ಕಾಲೇಜು ದಾರಿಹೋಕರ ಮೂತ್ರಾಲಯವಾಗಿ ಪರಿವರ್ತನೆ ಹೊಂದಿದೆ. ಈ ಬಗ್ಗೆ ನಾವು ಗಮನಕ್ಕೆ ತಂದರೂ, ಸ್ವಯಂಘೋಷಿತ `ನಾಗರಿಕ ಪ್ರಜ್ಞೆ ಮೂಡಿಸುವ~ ಕುಲಪತಿ ಇತ್ತ ಗಮನ ಹರಿಸಿಲ್ಲ. ಪ್ರಯೋಗಾಲಯ ಸೇರಿದಂತೆ ಇನ್ನಿತರ ಹಲವು ಸಮಸ್ಯೆಗಳ ಬಗ್ಗೆ ಗಮನ ಸೆಳೆದರೂ ಅವುಗಳನ್ನು ಸರಿಪಡಿಸುವ ಕಾರ್ಯ ಮಾಡಿಲ್ಲ.<br /> <strong>-ಡಾ.ಕೆ.ವಿ.ಆಚಾರ್ಯ, ಸಿಂಡಿಕೇಟ್ ಸದಸ್ಯ, ಬೆಂಗಳೂರು ವಿ.ವಿ.</strong></p>.<p><strong>ವಿಶಿಷ್ಟ ಶಿಕ್ಷಣ ಕೇಂದ್ರವಾಗಿ ಅಭಿವೃದ್ಧಿ</strong><br /> `ಕಾಲೇಜನ್ನು ಆದಷ್ಟು ಬೇಗ ವಿಶಿಷ್ಟ ಶೈಕ್ಷಣಿಕ ಕೇಂದ್ರವನ್ನಾಗಿ (ಸೆಂಟರ್) ಮೇಲ್ದರ್ಜೆಗೇರಿಸಲು ಸಚಿವ ವೀರಪ್ಪ ಮೊಯಿಲಿ ಅವರು ಕೇಂದ್ರಕ್ಕೆ ಪತ್ರ ಬರೆದಿದ್ದಾರೆ. ಆದರೆ ಪ್ರಧಾನಮಂತ್ರಿಗಳ ನಿರ್ಧಾರದ ಬಗ್ಗೆ ನಮಗಿನ್ನೂ ಮಾಹಿತಿ ಬಂದಿಲ್ಲ. ಇದು ಮೇಲ್ದರ್ಜೆಗೆ ಏರಿದ ಮೇಲೆ ಇಲ್ಲಿ ಉತ್ತಮ ಸೌಕರ್ಯಗಳು ಬರಲಿವೆ. ಈ ಕಾಲೇಜಿಗೆ ತನ್ನದೇ ಆದ ಇತಿಹಾಸ ಇದ್ದುದರಿಂದಲೇ ವಿಟಿಯುಗೆ ಸೇರಿಸುವ ಬದಲು ನಾವೇ ಇಟ್ಟುಕೊಂಡಿದ್ದೇವೆ.~<br /> -<strong>ಡಾ.ಎನ್.ಪ್ರಭುದೇವ್, ಬೆಂಗಳೂರು ವಿ.ವಿ. ಕುಲಪತಿ</strong><br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
