ತಿಂಗಳಲ್ಲಿ 80 ಸಾವಿರ ಮೀಟರ್‌ಗಳ ಬದಲು

ಬೆಂಗಳೂರು: ಕಾವೇರಿ ನೀರಿನ ಸೋರಿಕೆ ಪ್ರಮಾಣವನ್ನು ಕಡಿಮೆ ಮಾಡಲು ನೀರಿನ ಮೀಟರ್ಗಳನ್ನು (ಜಲಮಾಪನ) ಬದಲಿಸಲು ಜಲಮಂಡಲಿ ಮುಂದಾಗಿದೆ.

ನಗರದಲ್ಲಿ 8 ಲಕ್ಷ ಗೃಹ ಬಳಕೆದಾರರು ಇದ್ದಾರೆ. ಸುಮಾರು 1 ಲಕ್ಷ ಸಾವಿರ ವಾಣಿಜ್ಯ ಬಳಕೆದಾರರು ಇದ್ದಾರೆ. ಈ ಪೈಕಿ 3.30 ಲಕ್ಷ ಗೃಹ ಬಳಕೆದಾರರು ಈಗಲೂ ಸಿಂಗಲ್ ಜೆಟ್ ಮೀಟರ್ಗಳನ್ನು ಹೊಂದಿದ್ದಾರೆ. ಸಿಂಗಲ್ ಜೆಟ್ ಮೀಟರ್ಗಳನ್ನು ಬದಲಿಸಿ ಮಲ್ಟಿ ಜೆಟ್ ಮೀಟರ್ಗಳನ್ನು ಅಳವಡಿಸಲು ಮಂಡಳಿ ನಿರ್ಧರಿಸಿದೆ. 80 ಸಾವಿರ ಮೀಟರ್ಗಳನ್ನು ತಿಂಗಳೊಳಗೆ ಬದಲಿಸಲಿದೆ.

‘ಬೆಂಗಳೂರು ದಕ್ಷಿಣ, ಪಶ್ಚಿಮ ಹಾಗೂ ಕೇಂದ್ರ ವಿಭಾಗಗಳಲ್ಲಿ ‘ಲೆಕ್ಕಕ್ಕೆ ಸಿಗದ ನೀರಿನ ನಿಯಂತ್ರಣ ಯೋಜನೆ’ ಜಾರಿಯಲ್ಲಿದೆ. ಈ ಮೂರು ವಿಭಾಗಗಳಲ್ಲಿ 2.5 ಲಕ್ಷ ಸಿಂಗಲ್ ಜೆಟ್ ನೀರಿನ ಮೀಟರ್ಗಳು ಇವೆ. ಈ ಮೀಟರ್ಗಳನ್ನು ಯೋಜನೆಯ ಗುತ್ತಿಗೆ ವಹಿಸಿಕೊಂಡ ಕಂಪೆನಿಯೇ ಬದಲಿಸಬೇಕಿದೆ. ಹೀಗಾಗಿ ಉಳಿದ 80 ಸಾವಿರ ಮೀಟರ್ಗಳನ್ನು ಬದಲಿಸಲಾಗುತ್ತಿದೆ. ಒಂದು ತಿಂಗಳಲ್ಲಿ ಈ ಕಾರ್ಯ ಪೂರ್ಣಗೊಳಿಸುವಂತೆ ಎಂಜಿನಿಯರ್ಗಳಿಗೆ ಸೂಚನೆ ನೀಡಲಾಗಿದೆ’ ಎಂದು ಜಲಮಂಡಳಿಯ ಮುಖ್ಯ ಎಂಜಿನಿಯರ್ (ನಿರ್ವಹಣೆ) ಕೆಂಪರಾಮಯ್ಯ ತಿಳಿಸಿದರು.

‘ಈ ಮೊದಲು ಗೃಹ ಬಳಕೆಗಳಿಗೆ ಸಿಂಗಲ್ ಜೆಟ್ ಮೀಟರ್ಗಳನ್ನು ಅಳವಡಿಸಲಾಗುತ್ತಿತ್ತು. 2008ರಿಂದ ಹೊಸ ಸಂಪರ್ಕಗಳಿಗೆ ಮಲ್ಟಿ ಜೆಟ್ ಮೀಟರ್ಗಳನ್ನು ಬಳಸಲು ಆರಂಭಿಸಲಾಯಿತು. ನೀರಿನ ಸೋರಿಕೆ ತಡೆಗಟ್ಟಲು ಹಳೆಯ ಮೀಟರ್ಗಳನ್ನು ಈಗ ಬದಲಿಸಲಾಗುತ್ತಿದೆ’ ಎಂದು ಅವರು ಹೇಳಿದರು.

‘ಎಲ್ಲ ಮೀಟರ್ಗಳ ಬದಲಿಸಿದ ಬಳಿಕ ದಿನಕ್ಕೆ 2 ಕೋಟಿ ಲೀಟರ್ ನೀರು ಉಳಿತಾಯವಾಗಲಿದೆ’ ಎಂದು ಅವರು ವಿವರಿಸಿದರು. ‘ಮೀಟರ್ ಬದಲಿಸುವ ಸಂದರ್ಭದಲ್ಲಿ ಮಂಡಳಿ ಗ್ರಾಹಕರಿಂದ ಯಾವುದೇ ಶುಲ್ಕ ವಸೂಲಿ ಮಾಡುವುದಿಲ್ಲ. ಪ್ರತಿ ತಿಂಗಳು ಮಂಡಳಿ ‘ಜಲಮಾಪನ ಸೇವಾ ಶುಲ್ಕ’ ವಸೂಲಿ ಮಾಡುತ್ತಿದೆ. ಈ ಹಣವನ್ನು ಬಳಸಿ ಮೀಟರ್ಗಳನ್ನು ಮಂಡಳಿ ಬದಲಿಸಲಿದೆ’ ಎಂದು ಅವರು ಸ್ಪಷ್ಟಪಡಿಸಿದರು.

ಮಲ್ಟಿ ಜೆಟ್ ಮೀಟರ್ಗಳೆಂದರೆ.... ಸಿಂಗಲ್ ಜೆಟ್ ಮೀಟರ್ನಲ್ಲಿ ನೀರಿನ ಹರಿವಿನ ಪ್ರಮಾಣ ನಿಖರವಾಗಿ ಗೊತ್ತಾಗುವುದಿಲ್ಲ. ಉದಾಹರಣೆಗೆ ಮನೆಗೆ 100 ಲೀಟರ್ ನೀರು ಪೂರೈಕೆಯಾದರೆ 2–3 ಲೀಟರ್ ನೀರು ಲೆಕ್ಕಕ್ಕೆ ಸಿಗುವುದಿಲ್ಲ. ಇದರಿಂದ ಮಂಡಳಿಗೆ ನೀರಿನ ಆದಾ ಯದಲ್ಲಿ ಖೋತಾ ಆಗುತ್ತದೆ. ಮೀಟರ್ ಹಳೆಯದಾಗುತ್ತಾ ಬಂದಂತೆ ಮಾಪನ ಸಾಮರ್ಥ್ಯ ಕಡಿಮೆಯಾಗುತ್ತದೆ. ಏಳೆಂಟು ವರ್ಷ ಗಳಲ್ಲಿ ಇದನ್ನು ಬದಲಿಸಬೇಕಾ ಗುತ್ತದೆ. ಆದರೆ, ಮಲ್ಟಿ ಜೆಟ್ ಮೀಟರ್ ಹಾಗಲ್ಲ. ಈ ಮೀಟರ್ ನೀರಿನ ಹರಿವಿನ ನಿಖರ ಮಾಪನ ಮಾಡು ತ್ತದೆ. ಇದರ ಆಯಸ್ಸು ಸಹ ಜಾಸ್ತಿ. ಇದನ್ನು ಗೃಹ ಬಳಕೆದಾರರು ಹಾಗೂ ಸಣ್ಣ ಪ್ರಮಾಣದ ವಾಣಿಜ್ಯ ಬಳಕೆ ದಾರರ ನೀರಿನ ಮಾಪನಕ್ಕೆ ಬಳಸಲಾಗುತ್ತದೆ ಎಂದು ಜಲಮಂಡ ಳಿಯ ಅಧಿಕಾರಿಗಳು ಮಾಹಿತಿ ನೀಡಿದರು.

ಅಂಕಿ ಅಂಶಗಳು (₹ ಗಳಲ್ಲಿ) 800 ಸಿಂಗಲ್ ಜೆಟ್ ಮೀಟರ್ ಬೆಲೆ 900 ಮಲ್ಟಿ ಜೆಟ್ ಮೀಟರ್ ಬೆಲೆ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ತಿಂಗಳಲ್ಲಿ 80 ಸಾವಿರ ಮೀಟರ್‌ಗಳ ಬದಲು

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

ಗುರು ಪೂರ್ಣಿಮೆ: ಮಂತ್ರಾಲಯಕ್ಕೆ ಹರಿದು ಬಂದ ಭಕ್ತರು

Wimbledon 2025: ಅರಿನಾ ಸಬಲೆಂಕಾಗೆ ಆಘಾತ ನೀಡಿದ ಅಮಂಡಾ ಅನಿಸಿಮೋವಾ

IND vs ENG 2nd Test: ಆತಿಥೇಯರಿಗೆ ರೂಟ್ ಆಸರೆ

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ದಾಖಲೆಯ 14ನೇ ಬಾರಿ ಸೆಮಿಗೆ ಜೊಕೊವಿಚ್‌

ಮಂಗಳೂರಿನಲ್ಲಿ ರಾಜ್ಯ ರ‍್ಯಾಂಕಿಂಗ್ TT:ಮಹಿಳಾ ಸಿಂಗಲ್ಸ್ ಪ್ರಶಸ್ತಿ ಗೆದ್ದ ತೃಪ್ತಿ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

ಗುರು ಪೂರ್ಣಿಮೆ: ಮಂತ್ರಾಲಯಕ್ಕೆ ಹರಿದು ಬಂದ ಭಕ್ತರು