ಔರಾದ್: ‘ಶರಣರಲ್ಲಿ ಅಕ್ಕಮಹಾದೇವಿ ವಚನಗಳು ಶ್ರೇಷ್ಠವಾಗಿವೆ’ ಎಂದು ಉಪನ್ಯಾಸಕಿ ಸುಧಾ ಕೌಟಗೆ ಹೇಳಿದರು.
ತಾಲ್ಲೂಕಿನ ಸಂತಪುರ ಸಿದ್ಧರಾಮೇಶ್ವರ ಕಾಲೇಜಿನಲ್ಲಿ ಈಚೆಗೆ ನಡೆದ ಅಕ್ಕಮಹಾದೇವಿ ಜಯಂತಿ ಕಾರ್ಯಕ್ರಮದಲ್ಲಿ ಅವರು ಉಪನ್ಯಾಸ ನೀಡಿದರು.
‘ಅಕ್ಕನ ಒಂದೊಂದು ವಚನ ಗಳ ಸಾಲು ಬಹಳ ಅದ್ಭುತ ವೈಚಾರಿಕತೆಯಿಂದ ಕೂಡಿವೆ. ಅಂದಿನ ಸಮಾಜದಲ್ಲಿನ ಮೌಢ್ಯತೆ, ಜಾತಿಯತೆ, ಕಂದಾಚಾರಗಳನ್ನು ತಮ್ಮ ಬರವಣಿಗೆ ಮೂಲಕ ಸಮಾಜವನ್ನು ಜಾಗೃತಗೊಳಿಸಿದರು’ ಎಂದರು.
ಕನ್ನಡ ಸಾಹಿತ್ಯದಲ್ಲಿ ಅಕ್ಕನ ವಚನಗಳಿಗೆ ವಿಶೇಷತೆ ಇದೆ. ಮಹಿಳಾ ಸಾಹಿತಿಗಳಿಗೆ ಅವರು ಪ್ರೇರಣೆ ಆಗಲಿದ್ದಾರೆ’ ಎಂದು ತಿಳಿಸಿದರು.
ಪ್ರಾಂಶುಪಾಲ ನವೀಲಕುಮಾರ ಉತ್ಕಾರ್ ಮಾತನಾಡಿ, ‘ಅಕ್ಕನವರ ಜೀವನ ಇಡೀ ಮಹಿಳಾ ಕುಲಕ್ಕೆ ಗೌರವ. ಇಂದಿನ ವಿದ್ಯಾರ್ಥಿನಿಯರು ಅವರ ವಚನಗಳು ಓದಿ ಅವರ ಬಗ್ಗೆ ಒಂದಿಷ್ಟು ತಿಳಿದುಕೊಳ್ಳಬೇಕು’ ಎಂದರು.
ಉಪನ್ಯಾಸಕ ಕಲ್ಲಪ್ಪ ಬುಟ್ಟೆ, ಭೂಷಣ ಪಾಟೀಲ, ವನದೇವಿ ಎಕ್ಕೆಳೆ, ಯೋಹಾನ್ ಬರುರಕರ್ ಇದ್ದರು.
