ಕಲ್ಯಾಣ ಕ್ರಾಂತಿ ವಿಜಯೋತ್ಸವ ಕರಪತ್ರ ಬಿಡುಗಡೆ

ಪಟ್ಟಣದ ಹಿರೇಮಠ ಸಂಸ್ಥಾನದಲ್ಲಿ ಬುಧವಾರ ಆಯೋಜಿಸಿದ್ದ ಮರಣವೇ ಮಹಾನವಮಿ, ಕಲ್ಯಾಣ ಕ್ರಾಂತಿ ವಿಜಯೋತ್ಸವ ಕರಪತ್ರ ಬಿಡುಗಡೆ ಕಾರ್ಯಕ್ರಮದ ನೇತೃತ್ವ ವಹಿಸಿ ಅವರು ಮಾತನಾಡಿದರು.

ಪ್ರತಿ ವರ್ಷದಂತೆ ಈ ವರ್ಷವೂ ಪಟ್ಟಣದ ಚನ್ನಬಸವಾಶ್ರಮದಲ್ಲಿ ಹಿರೇಮಠ ಸಂಸ್ಥಾನದಿಂದ ಅಕ್ಕನ ಬಳಗದ ಸಹಯೋಗದಲ್ಲಿ ಒಂಬತ್ತು ದಿನಗಳ ಕಾಲ ವೈವಿಧ್ಯಮಯ ಕಾರ್ಯಕ್ರಮ ಜರುಗಲಿವೆ. ಗುರುವಾರ ಸಂಜೆ 5.30ಕ್ಕೆ ಡಾ.ಶೈಲಜಾ ಅನಿಲ್ ತಳವಾಡೆ ಅವರು ಕಾರ್ಯಕ್ರಮ ಉದ್ಘಾಟಿಸಲಿದ್ದಾರೆ. ಪ್ರತಿದಿನ ಉಪನ್ಯಾಸ ನಡೆಯಲಿದ್ದು, ಮಹಿಳಾ ಸಾಹಿತಿಗಳು, ಉಪನ್ಯಾಸಕರು ಬಸವಾದಿ ಶರಣೆಯರ ಕುರಿತು ಉಪನ್ಯಾಸ ನೀಡಲಿದ್ದಾರೆ ಎಂದರು.

ಇದರೊಂದಿಗೆ ಧರ್ಮಗ್ರಂಥ ಪಾರಾಯಣ, ಹಿರಿಯ ಸಾಧಕರ ಸನ್ಮಾನ, ಸಂಗೀತ ಸೇರಿ ವಿವಿಧ ಅರ್ಥಪೂರ್ಣ ಕಾರ್ಯಕ್ರಮಗಳು ನೆರವೇರಲಿವೆ. ಪ್ರತಿದಿನ ಸಂಜೆ 5.30ರಿಂದ 7 ಗಂಟೆ ವರೆಗೆ ಕಾರ್ಯಕ್ರಮ ನಡೆಯಲಿವೆ. ಭಕ್ತರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಬೇಕು‌ ಎಂದು ಮನವಿ ಮಾಡಿದರು.

ಅನುಭವ ಮಂಟಪ ಟ್ರಸ್ಟ್ ಅಧ್ಯಕ್ಷ ಬಸವಲಿಂಗ ಪಟ್ಟದ್ದೇವರು ಸಾನ್ನಿಧ್ಯ ವಹಿಸಿದರು. ಮರಣವೇ ಮಹಾನವಮಿ, ಕಲ್ಯಾಣ ಕ್ರಾಂತಿ ವಿಜಯೋತ್ಸವ ಸಮಿತಿ ಅಧ್ಯಕ್ಷೆ ಚಂದ್ರಕಲಾ ಡಿಗ್ಗೆ ಅವರು ಕರಪತ್ರ ಬಿಡುಗಡೆಗೊಳಿಸಿದರು.

ತಾಲ್ಲೂಕು ಕದಳಿ ಮಹಿಳಾ ವೇದಿಕೆ ಅಧ್ಯಕ್ಷೆ ಮಲ್ಲಮ್ಮ ನಾಗನಕೇರೆ, ಪ್ರಮುಖರಾದ ಸುನಿತಾ ಮಮ್ಮಾ, ನಿರ್ಮಲಾ ಜಮಾದಾರ್, ಪಾರ್ವತಿ ಧೂಮ್ಮನಸೂರೆ, ರೇಖಾ ಮಹಾಜನ್, ಪ್ರಿಯಾ ದಶಮುಖೆ, ಅಂಬಿಕಾ ಬೆಲ್ದಾಳ, ಸವಿತಾ ಭೂರೆ, ಪ್ರಭಾ ಚನ್ನಪ್ಪ ಕರಕಾಳೆ, ಜಗದೇವಿ ಶಿವಕುಮಾರ ಮೂಲಗೆ, ರೂಪಾ ಸಂಜೀವಕುಮಾರ ಬಿಡವೆ ಸೇರಿದಂತೆ ಹಲವರು ಇದ್ದರು.