ಬೀದರ್‌ | ಈಶಾನ್ಯ ಪದವೀಧರರ ಮತದಾರರ ಪಟ್ಟಿ: ಆಕ್ಷೇಪಣೆಗೆ ಕಾಲಾವಕಾಶ

‘ಕರಡು ಮತದಾರರ ಪಟ್ಟಿ ಜಿಲ್ಲೆಯ ಎಲ್ಲಾ ತಹಶೀಲ್ದಾರ್‌ ಕಚೇರಿ, ಉಪವಿಭಾಗಾಧಿಕಾರಿ ಕಚೇರಿ, ಜಿಲ್ಲಾ ಚುನಾವಣಾಧಿಕಾರಿ ಕಚೇರಿ ಹಾಗೂ ನಿಗದಿತ ಸ್ಥಳಗಳ ಸೂಚನಾ ಫಲಕದಲ್ಲಿ ಅಂಟಿಸಲಾಗಿದೆ. ಆಕ್ಷೇಪಣೆಗಳಿದ್ದಲ್ಲಿ ಸಂಬಂಧಿಸಿದವರು ಅರ್ಜಿ ಸಲ್ಲಿಸಬಹುದು’ ಎಂದು ಗುರುವಾರ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಜಿಲ್ಲೆಯಲ್ಲಿ ಒಟ್ಟು 25,489 ಮತದಾರರು ಹೆಸರು ನೋಂದಣಿ ಮಾಡಿಸಿದ್ದಾರೆ. ಇದರಲ್ಲಿ 15,829 ಪುರುಷ ಹಾಗೂ 9,660 ಮಹಿಳಾ ಮತದಾರರಿದ್ದಾರೆ. ಬಸವಕಲ್ಯಾಣ ತಾಲ್ಲೂಕಿನಿಂದ 2,739 ಪುರುಷ, 1,737 ಮಹಿಳಾ ಮತದಾರರು, ಹುಮನಾಬಾದ್‌ ತಾಲ್ಲೂಕಿನಲ್ಲಿ 3,194 ಪುರುಷ ಹಾಗೂ 2,419 ಮಹಿಳಾ ಮತದಾರರು, ಬೀದರ್‌ ದಕ್ಷಿಣದಿಂದ 950 ಪುರುಷ ಹಾಗೂ 559 ಮಹಿಳಾ ಮತದಾರರು, ಬೀದರ್‌ ತಾಲ್ಲೂಕಿನಿಂದ 4,498 ಪುರುಷ ಹಾಗೂ 3,100 ಮಹಿಳಾ ಮತದಾರರು, ಭಾಲ್ಕಿ ತಾಲ್ಲೂಕಿನಿಂದ 2,405 ಪುರುಷ ಹಾಗೂ 1,152 ಮಹಿಳಾ ಮತದಾರರು, ಔರಾದ್‌ ತಾಲ್ಲೂಕಿನಿಂದ 2,043 ಪುರುಷ ಹಾಗೂ 6,96 ಮಹಿಳಾ ಮತದಾರರು ನೋಂದಣಿಯಾಗಿದ್ದಾರೆ ಎಂದು ತಿಳಿಸಿದ್ದಾರೆ.