<p><strong>ಔರಾದ್: </strong>ಮದುವೆ, ಮುಂಜಿಯಂತಹ ಶುಭ ಕಾರ್ಯಗಳಲ್ಲಿ ಹಾಡು, ನೃತ್ಯದ ಮೂಲಕ ಜನಮನ ತಣಿಸುವ ಜಿಲ್ಲೆಯ ಆರ್ಕೆಸ್ಟ್ರಾ ಕಲಾವಿದರ ಧ್ವನಿ ಅಡಗಿಸಿದ ಕೋವಿಡ್ ಅವರ ಬದುಕಿಗೆ ವಿಘ್ನ ತಂದಿದೆ.</p>.<p>ಕೋವಿಡ್ನಿಂದಾಗಿ ಮದುವೆ ಯಂತಹ ದೊಡ್ಡ ಸಮಾರಂಭಗಳಿಗೆ ನಿರ್ಬಂಧ ಬಿದ್ದ ಹಿನ್ನಲೆಯಲ್ಲಿ ಆರ್ಕೆಸ್ಟ್ರಾ ನಂಬಿ ಬದುಕುತ್ತಿರುವ ನೂರಾರು ಕಲಾವಿದರ ಪಾಡು ಮೂರಾಬಟ್ಟೆಯಂತಾಗಿದೆ.</p>.<p>‘ನಾವು ಐದು ಜನ ಕಲಾವಿದರು ಕೂಡಿಕೊಂಡು ವಚನಶ್ರೀ ಮ್ಯುಜಿಕಲ್ ಆರ್ಕೆಸ್ಟ್ರಾ ಕಟ್ಟಿಕೊಂಡು ಬದುಕು ಸಾಗಿಸುತ್ತಿದ್ದೇವು. ಆದರೆ, ಕೋವಿಡ್ ನಮ್ಮ ಧ್ವನಿ ಕಸಿದುಕೊಂಡಿದೆ. ಕಳೆದ ವರ್ಷವೂ ಮದುವೆ ಸಮಾರಂಭದ ವೇಳೆ ಲಾಕ್ಡೌನ್ ಆಗಿ ನಮಗೆ ಕೆಲಸ ಸಿಕ್ಕಿಲ್ಲ. ಈ ವರ್ಷವೂ ಅದೇ ಪರಿಸ್ಥಿತಿ ಇದೆ. ಎರಡು ಲಕ್ಷ ಸಾಲ ಮಾಡಿ ಮ್ಯುಜಿಕಲ್ ಸಾಮಗ್ರಿ ತಂದಿದ್ದೇವೆ. ಅದು ತೀರಿಸುವ ಮೊದಲೇ ಅಘಾತ ನೀಡಿದೆ’ ಎಂದು ಕಲಾವಿದ ಅಮರ ಮುಕ್ತೆದಾರ ಅಸಹಾಯಕತೆ ವ್ಯಕ್ತಪಡಿಸಿದ್ದಾರೆ.</p>.<p>‘ಪ್ರತಿ ವರ್ಷ ಬೇಸಿಗೆಯಲ್ಲಿ 20 ರಿಂದ 25 ಕಾರ್ಯಕ್ರಮ ಕೊಡುತ್ತಿದ್ದೆವು. ಒಂದು ಕಾರ್ಯಕ್ರಮಕ್ಕೆ ₹12 ರಿಂದ ₹15 ಸಾವಿರ ಕೊಡುತ್ತಿದ್ದರು. ಒಂದು ಬೇಸಿಗೆಯಲ್ಲಿ ಒಬ್ಬೊಬ್ಬ ಕಲಾವಿದ ₹1 ಲಕ್ಷ ಹಣ ಮಾಡಿಕೊಳ್ಳುತ್ತಿದ್ದರು. ಆದರೆ ಎರಡು ವರ್ಷದಿಂದ ಒಂದೂ ಕಾರ್ಯಕ್ರಮ ಕೊಡಲು ಸಾಧ್ಯವಾಗದೆ ನಿತ್ಯದ ಬದುಕಿಗೂ ಸಂಕಷ್ಟ ತಂದಿದೆ’ ಎಂದು ಅವರು ತಿಳಿಸಿದ್ದಾರೆ.</p>.<p>‘ಜಿಲ್ಲೆಯಲ್ಲಿ ನಮ್ಮಂತಹ 10-15 ಆರ್ಕೆಸ್ಟ್ರಾ ತಂಡಗಳಿವೆ. ಪೂರ್ಣವಾಗಿ ಕಲೆ ಮೇಲೆ ನಂಬಿಕೊಂಡ ಕೆಲ ಕಲಾವಿದರ ಬದುಕಂತೂ ತುಂಬಾ ಶೋಚನೀಯವಾಗಿದೆ’ ಎಂದು ವಚನ ಗಾಯನ ಕಲಾವಿದ ಮನೋಹರ ಕಾಡೋದೆ ಹೇಳುತ್ತಾರೆ.</p>.<p>‘ಲಾಕ್ಡೌನ್ನಿಂದ ತೊಂದರೆ ಗೊಳಗಾದ ರೈತರು, ಬೀದಿ ಬದಿ ವ್ಯಾಪಾರಿಗಳು, ಆಟೊ ಚಾಲಕರು ಸೇರಿದಂತೆ ಹಲವರಿಗೆ ಸರ್ಕಾರ ಆರ್ಥಿಕ ಪ್ಯಾಕೇಜ್ ಘೋಷಣೆ ಮಾಡಿದೆ. ಆದರೆ ಕಲೆಯನ್ನೇ ನಂಬಿ ಬದುಕುತ್ತಿರುವ ನಮ್ಮಂತಹ ಕಲಾವಿದರಿಗೂ ಒಂದಿಷ್ಟು ನೆರವು ನೀಡಬೇಕು’ ಎಂದು ಅವರು ಸರ್ಕಾರಕ್ಕೆ ಮನವಿ ಮಾಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಔರಾದ್: </strong>ಮದುವೆ, ಮುಂಜಿಯಂತಹ ಶುಭ ಕಾರ್ಯಗಳಲ್ಲಿ ಹಾಡು, ನೃತ್ಯದ ಮೂಲಕ ಜನಮನ ತಣಿಸುವ ಜಿಲ್ಲೆಯ ಆರ್ಕೆಸ್ಟ್ರಾ ಕಲಾವಿದರ ಧ್ವನಿ ಅಡಗಿಸಿದ ಕೋವಿಡ್ ಅವರ ಬದುಕಿಗೆ ವಿಘ್ನ ತಂದಿದೆ.</p>.<p>ಕೋವಿಡ್ನಿಂದಾಗಿ ಮದುವೆ ಯಂತಹ ದೊಡ್ಡ ಸಮಾರಂಭಗಳಿಗೆ ನಿರ್ಬಂಧ ಬಿದ್ದ ಹಿನ್ನಲೆಯಲ್ಲಿ ಆರ್ಕೆಸ್ಟ್ರಾ ನಂಬಿ ಬದುಕುತ್ತಿರುವ ನೂರಾರು ಕಲಾವಿದರ ಪಾಡು ಮೂರಾಬಟ್ಟೆಯಂತಾಗಿದೆ.</p>.<p>‘ನಾವು ಐದು ಜನ ಕಲಾವಿದರು ಕೂಡಿಕೊಂಡು ವಚನಶ್ರೀ ಮ್ಯುಜಿಕಲ್ ಆರ್ಕೆಸ್ಟ್ರಾ ಕಟ್ಟಿಕೊಂಡು ಬದುಕು ಸಾಗಿಸುತ್ತಿದ್ದೇವು. ಆದರೆ, ಕೋವಿಡ್ ನಮ್ಮ ಧ್ವನಿ ಕಸಿದುಕೊಂಡಿದೆ. ಕಳೆದ ವರ್ಷವೂ ಮದುವೆ ಸಮಾರಂಭದ ವೇಳೆ ಲಾಕ್ಡೌನ್ ಆಗಿ ನಮಗೆ ಕೆಲಸ ಸಿಕ್ಕಿಲ್ಲ. ಈ ವರ್ಷವೂ ಅದೇ ಪರಿಸ್ಥಿತಿ ಇದೆ. ಎರಡು ಲಕ್ಷ ಸಾಲ ಮಾಡಿ ಮ್ಯುಜಿಕಲ್ ಸಾಮಗ್ರಿ ತಂದಿದ್ದೇವೆ. ಅದು ತೀರಿಸುವ ಮೊದಲೇ ಅಘಾತ ನೀಡಿದೆ’ ಎಂದು ಕಲಾವಿದ ಅಮರ ಮುಕ್ತೆದಾರ ಅಸಹಾಯಕತೆ ವ್ಯಕ್ತಪಡಿಸಿದ್ದಾರೆ.</p>.<p>‘ಪ್ರತಿ ವರ್ಷ ಬೇಸಿಗೆಯಲ್ಲಿ 20 ರಿಂದ 25 ಕಾರ್ಯಕ್ರಮ ಕೊಡುತ್ತಿದ್ದೆವು. ಒಂದು ಕಾರ್ಯಕ್ರಮಕ್ಕೆ ₹12 ರಿಂದ ₹15 ಸಾವಿರ ಕೊಡುತ್ತಿದ್ದರು. ಒಂದು ಬೇಸಿಗೆಯಲ್ಲಿ ಒಬ್ಬೊಬ್ಬ ಕಲಾವಿದ ₹1 ಲಕ್ಷ ಹಣ ಮಾಡಿಕೊಳ್ಳುತ್ತಿದ್ದರು. ಆದರೆ ಎರಡು ವರ್ಷದಿಂದ ಒಂದೂ ಕಾರ್ಯಕ್ರಮ ಕೊಡಲು ಸಾಧ್ಯವಾಗದೆ ನಿತ್ಯದ ಬದುಕಿಗೂ ಸಂಕಷ್ಟ ತಂದಿದೆ’ ಎಂದು ಅವರು ತಿಳಿಸಿದ್ದಾರೆ.</p>.<p>‘ಜಿಲ್ಲೆಯಲ್ಲಿ ನಮ್ಮಂತಹ 10-15 ಆರ್ಕೆಸ್ಟ್ರಾ ತಂಡಗಳಿವೆ. ಪೂರ್ಣವಾಗಿ ಕಲೆ ಮೇಲೆ ನಂಬಿಕೊಂಡ ಕೆಲ ಕಲಾವಿದರ ಬದುಕಂತೂ ತುಂಬಾ ಶೋಚನೀಯವಾಗಿದೆ’ ಎಂದು ವಚನ ಗಾಯನ ಕಲಾವಿದ ಮನೋಹರ ಕಾಡೋದೆ ಹೇಳುತ್ತಾರೆ.</p>.<p>‘ಲಾಕ್ಡೌನ್ನಿಂದ ತೊಂದರೆ ಗೊಳಗಾದ ರೈತರು, ಬೀದಿ ಬದಿ ವ್ಯಾಪಾರಿಗಳು, ಆಟೊ ಚಾಲಕರು ಸೇರಿದಂತೆ ಹಲವರಿಗೆ ಸರ್ಕಾರ ಆರ್ಥಿಕ ಪ್ಯಾಕೇಜ್ ಘೋಷಣೆ ಮಾಡಿದೆ. ಆದರೆ ಕಲೆಯನ್ನೇ ನಂಬಿ ಬದುಕುತ್ತಿರುವ ನಮ್ಮಂತಹ ಕಲಾವಿದರಿಗೂ ಒಂದಿಷ್ಟು ನೆರವು ನೀಡಬೇಕು’ ಎಂದು ಅವರು ಸರ್ಕಾರಕ್ಕೆ ಮನವಿ ಮಾಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
