ಕೋವಿಡ್ ಸೆಂಟರ್‌ನಲ್ಲಿ ರಕ್ಷಾ ಬಂಧನ ಆಚರಣೆ

ಬೀದರ್: ಇಲ್ಲಿಯ ಶಹಾಪುರ ಗೇಟ್ ಬಳಿಯ ಶಾಹೀನ್ ಹಾಸ್ಟೆಲ್‍ನಲ್ಲಿ ಇರುವ ಕೋವಿಡ್ ಕೇರ್ ಸೆಂಟರ್‌ನಲ್ಲಿ ಕೇಂದ್ರದ ಮಹಿಳಾ ಸಿಬ್ಬಂದಿ ರಕ್ಷಾ ಬಂಧನ ಪ್ರಯುಕ್ತ ಸೋಂಕಿತರಿಗೆ ರಾಖಿ ಕಟ್ಟಿದರು.

ಕೇಂದ್ರದಲ್ಲಿ ಇರುವ ವಾರ್ತಾ ಮತ್ತು ಸಾರ್ವಜನಿಕ ಸಂಪರ್ಕ ಇಲಾಖೆಯ ಸಿಬ್ಬಂದಿ ವಿಜಯಕೃಷ್ಣ ಸೋಲಪುರ ಅವರಿಗೆ ಕೇಂದ್ರದ ಮೇಲ್ವಿಚಾರಕಿ ಡಾ. ನಿಶಾ ಫಾತಿಮಾ, ಮನ್ನಳ್ಳಿ ಪ್ರಾಥಮಿಕ ಆರೋಗ್ಯ ಕೇಂದ್ರದ ಶುಶ್ರೂಷಾಧಿಕಾರಿ ಶಕುಂತಲಾ ಶಿರೋಮಣಿ ಹಾಗೂ ಮೀನಾಕುಮಾರಿ ಸುನೀಲ ಅವರು ರಾಖಿ ಕಟ್ಟಿ ಶುಭ ಕೋರಿದರು.

ಕೇಂದ್ರದ ಭದ್ರತಾ ವ್ಯವಸ್ಥಾಪಕ ಅಬ್ದುಲ್ ವಾಜಿದ್, ಎಂ.ಡಿ. ಇರ್ಫಾನ್ ಇದ್ದರು.