ಹಿಂದೂ ಮುಸ್ಲಿಂ ಸೇರಿ ರಂಜಾನ್, ಹನುಮ ಜಯಂತಿ ಆಚರಣೆ: ಭಾವೈಕ್ಯ ಸಾರುವ ರಕ್ಷಾಳ

ಬುಧವಾರ, ಜೂನ್ 26, 2019
28 °C

ಹಿಂದೂ ಮುಸ್ಲಿಂ ಸೇರಿ ರಂಜಾನ್, ಹನುಮ ಜಯಂತಿ ಆಚರಣೆ: ಭಾವೈಕ್ಯ ಸಾರುವ ರಕ್ಷಾಳ

Published:
Updated:
Prajavani

ಔರಾದ್:  ತಾಲ್ಲೂಕಿನ ರಕ್ಷಾಳ (ಬಿ) ಗ್ರಾಮದಲ್ಲಿ ಹಿಂದೂ ಮುಸ್ಲಿಮರು ಸೇರಿ ರಂಜಾನ್, ಹನುಮ ಜಯಂತಿ ಆಚರಿಸುವ ರೂಢಿ ಇದೆ.

ಈ ಊರಲ್ಲಿ ಒಂದೇ ಛಾವಣಿ ಅಡಿ ಒಂದು ಕಡೆ ಹನುಮಾನ ದೇವಾಲಯ ಇದ್ದರೆ ಮತ್ತೊಂದು ಕಡೆ ಅರಬಸಾಬ್ ಅವರ ಸಮಾಧಿ ಇದೆ. ಪ್ರತಿ ವರ್ಷ ನವೆಂಬರ್‌ನಲ್ಲಿ ನಡೆಯುವ ಸಂದಲ್ ಕಾರ್ಯಕ್ರಮ ಬಹಳ ವೈಶಿಷ್ಟ್ಯದಿಂದ ಕೂಡಿರುತ್ತದೆ. ಗ್ರಾಮದ ಪೊಲೀಸ್ ಪಾಟೀಲ ಅವರ ಮನೆಯಿಂದಲೇ ಸಂದಲ್ ಮೆರವಣಿಗೆ ಹೊರಡುತ್ತದೆ. ರಕ್ಷಾಳ ಸುತ್ತಲಿನ ಗ್ರಾಮಗಳ ವಿವಿಧ ಸಮುದಾಯದ ಜನ ಪಾಲ್ಗೊಂಡು ತಮ್ಮ ಇಷ್ಟಾರ್ಥ ಪೂರೈಸುತ್ತಾರೆ.

ಅರಬಸಾಬ್ ಅವರ ಸಮಾಧಿ ಪಕ್ಕದಲ್ಲಿರುವ ಹನುಮಾನ ಮಂದಿರ ಇದ್ದು, ಹನುಮಾನ್ ಜಯಂತಿ ಅದ್ಧೂರಿಯಾಗಿ ಆಚರಿಸಲಾಗುತ್ತದೆ. ಮುಸ್ಲಿಂ ಸಮುದಾಯದವರು ಮೆರವಣಿಗೆ ಸೇರಿದಂತೆ ಇತರೆ ಧಾರ್ಮಿಕ ಕಾರ್ಯಕ್ರಮಗಳಲ್ಲಿ ಭಕ್ತಿಭಾವದಿಂದ ಪಾಲ್ಗೊಳ್ಳುತ್ತಾರೆ. ದಾಸೋಹ ಮಾಡುತ್ತಾರೆ. ರಂಜಾನ್ ಹಬ್ಬದ ದಿನದಂದು ಮುಸ್ಲಿಮರು ತಮ್ಮ ಅಕ್ಕ–ಪಕ್ಕದ ಹಿಂದುಗಳನ್ನು ಕರೆದು ಊಟ ಬಡಿಸುತ್ತಾರೆ. ಹಿಂದುಗಳು ಸಹ ಇಫ್ತಾರ್ ಕೂಟ ಆಯೋಜಿಸುವ ಪದ್ಧತಿ ಹಲವು ವರ್ಷಗಳಿಂದ ನಡೆದುಕೊಂಡು ಬಂದಿದೆ.

‘ಈ ಊರು ಹುಟ್ಟಿಕೊಂಡಿದಾಗಿನಿಂದಲೂ ಅರಬಸಾಬ್ ಮಸೀದಿ ಮತ್ತು ಹನುಮಾನ ಮಂದಿರ ಒಂದೇ ಕಡೆ ಇದೆ. ಎರಡರ ನಡುವೆ ಒಂದೇ ಗೋಡೆ ಇದೆ. ಮೊದಲು ಪತ್ರಗಳಿದ್ದವು. ನಂತರ ಊರಿನ ಜನ ಸೇರಿ ಛಾವಣಿ ಹಾಕಿದ್ದೇವೆ. ಎಂದೂ ಜಾತಿ ಧರ್ಮದ ಜಗಳ ಆಗಿಲ್ಲ’ ಎಂದು ರಕ್ಷಾಳ ಗ್ರಾಮದ ಹಿರಿಯರು ಹೇಳುತ್ತಾರೆ.

‘ರಕ್ಷಾಳ ಹಿಂದೂ ಮುಸ್ಲಿಂ ಭಾವೈಕತೆಗೆ ಹೆಸರು ಪಡೆದಿದೆ. ಇಲ್ಲಿಯ ವ್ಯಾಪಾರಿ ರಫಿಕ್ ಎಂಬುವರು ಪ್ರತಿ ವರ್ಷ ಪಂಢರಪುರಗೆ ಹೋಗುವ ಭಕ್ತರಿಗೆ ಪ್ರಸಾದ ವ್ಯವಸ್ಥೆ ಮಾಡುತ್ತಾರೆ’ ಎಂದು ಶಿಕ್ಷಕ ರಾಜಕುಮಾರ ಮೇತ್ರೆ ಹೇಳುತ್ತಾರೆ.
 

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 12

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !