<p><strong>ಬೀದರ್:</strong> `ಕಾಲಾ ಜಾಮೂನ್~ ಎಂದೇ ಗುರುತಿಸಲಾಗುವ ನೇರಳೆ ಹಣ್ಣು ನಗರದ ಮಾರುಕಟ್ಟೆಗೆ ಲಗ್ಗೆ ಇಟ್ಟಿದೆ. ಬಾಯಲ್ಲಿ ನೀರೂರಿಸುವ ಈ ಹಣ್ಣಿನ ಬೆಲೆ ಕೇಳಿಯೇ ಗ್ರಾಹಕರು ಬೆಚ್ಚಿ ಬೀಳುವಂತಾಗಿದೆ.</p>.<p>ಕಳೆದ ವರ್ಷ ಕೆ.ಜಿ.ಗೆ 100 ರೂಪಾಯಿ ಇದ್ದ ದಪ್ಪ ಹಾಗೂ ಸಿಹಿಯಾದ ನೇರಳೆ ಹಣ್ಣು ಈ ಬಾರಿ ಕೆ.ಜಿ.ಗೆ ರೂ. 200 ನಂತೆ ಮಾರಾಟ ಆಗುತ್ತಿದೆ. `ಚೌಕಾಶಿ~ ಮಾಡಿದರೂ ಬೆಲೆ 150ಗೆ ಕಡಿಮೆಯೇನಿಲ್ಲ.</p>.<p>ನಾಲ್ಕೈದು ದಿನಗಳಿಂದಷ್ಟೆ ನಗರದಲ್ಲಿ ನೇರಳೆ ಹಣ್ಣು ಕಾಣಿಸಿಕೊಳ್ಳಲಾರಂಭಿಸಿದೆ. ಸುಗ್ಗಿ ಈಗ ತಾನೆ ಶುರು ಆಗಿರುವುದರಿಂದ ಬೆಲೆ ಜಾಸ್ತಿ ಆಗಿದೆ. ಮಳೆಯ ಅಭಾವ ಹಾಗೂ ಹೆಚ್ಚಿನ ಪ್ರಮಾಣದಲ್ಲಿ ನೇರಳೆ ಬೆಳೆಯದೇ ಇರುವುದು ಕೂಡ ಇದಕ್ಕೆ ಕಾರಣವಾಗಿದೆ ಎಂದು ತಿಳಿಸುತ್ತಾರೆ ವ್ಯಾಪಾರಿ ಮಹಮ್ಮದ್ ಪಾಶಾ. </p>.<p>`ಕಾಲಾ ಜಾಮೂನ್~ ಎಂದೇ ಕರೆಯಲಾಗುವ ನೇರಳೆ ಔರಾದ್ ತಾಲ್ಲೂಕಿನ ವಿವಿಧ ಪ್ರದೇಶ, ಬೀದರ್ ತಾಲ್ಲೂಕಿನ ಜನವಾಡ ಮತ್ತಿತರ ಕಡೆಗಳಲ್ಲಿ ಹೆಚ್ಚು ಬೆಳೆಯಲಾಗುತ್ತದೆ. ನೇರಳೆ ಸಾಮಾನ್ಯವಾಗಿ ಮಕ್ಕಳಿಂದ ಹಿಡಿದು ವೃದ್ಧರವರೆಗೆ ಎಲ್ಲರಿಗೂ ಪ್ರಿಯವಾದ ಹಣ್ಣು.</p>.<p>ಪ್ರತಿ ದಿನ ನೇರಳೆ ಸೇವಿಸುವುದರಿಂದ ಸಕ್ಕರೆ ಕಾಯಿಲೆ ಮತ್ತು ರಕ್ತದೊತ್ತಡ ನಿಯಂತ್ರಿಸಬಹುದಾಗಿದೆ. ಇದೇ ಕಾರಣಕ್ಕಾಗಿ ಸಕ್ಕರೆ ಕಾಯಿಲೆ ಮತ್ತು ರಕ್ತದೊತ್ತಡದಿಂದ ಬಳಲುತ್ತಿರುವವರು ಹೆಚ್ಚಿನ ಪ್ರಮಾಣದಲ್ಲಿ ನೇರಳೆ ಹಣ್ಣು ಖರೀದಿಸುತ್ತಾರೆ. ಗರ್ಭಿಣಿಯರಿಗೂ ನೇರಳೆ ಅಚ್ಚುಮೆಚ್ಚು ಎಂದು ನುಡಿಯುತ್ತಾರೆ.</p>.<p>ದಪ್ಪ ನೇರಳೆ ಹಣ್ಣು ಬಲು ರುಚಿಯಾಗಿರುತ್ತದೆ. ಉಪ್ಪಿನೊಂದಿಗೆ ಸೇವಿಸಿದರಂತೂ ಇದರ ರುಚಿ ಮತ್ತಷ್ಟು ಇಮ್ಮಡಿಯಾಗುತ್ತದೆ. ಈ ಹಣ್ಣನ್ನು ಮೂರು ದಿನಗಳವರೆಗೆ ಸುರಕ್ಷಿತವಾಗಿ ಇಡಬಹುದಾಗಿದೆ ಎಂದು ಹೇಳುತ್ತಾರೆ.</p>.<p><strong>ಬಾಳೆಗೂ ಬರದ ಬಿಸಿ:</strong> ಈ ಬಾರಿ ಬಾಳೆ ಹಣ್ಣಿಗೂ ಬರದ ಬಿಸಿ ತಟ್ಟಿದೆ. ಕಳೆದ ಮೂರು ತಿಂಗಳಿಂದ ಬಾಳೆ ನಗರದ ಮಾರುಕಟ್ಟೆಗೆ ಬಂದಿದ್ದು ಅತ್ಯಲ್ಪ. ಕಳೆದ ಒಂದು ವಾರದಿಂದ ವಿವಿಧೆಡೆಯಿಂದ ಬಾಳೆ ಹಣ್ಣು ಬರಲಾರಂಭಿಸಿದ್ದು, ಬೆಲೆ ಮಾತ್ರ ತುಟ್ಟಿ ಆಗಿದೆ.</p>.<p>ಕಳೆದ ವರ್ಷ ಡಜನ್ಗೆ ರೂ. 20 ಇದ್ದ ಬಾಳೆ ಹಣ್ಣು ಈಗ ರೂ. 30 ಆಗಿದೆ. 80 ರಿಂದ 100 ರೂಪಾಯಿಗೆ ಕೆ.ಜಿ. ಆಗಿದ್ದ ಸೇಬು ಹಣ್ಣಿನ ಬೆಲೆ 160 ರೂಪಾಯಿ ಆಗಿದೆ. ಸಮರ್ಪಕ ಮಳೆ ಆಗದಿರುವುದು, ಹಣ್ಣಿನ ಕೊರತೆಯೇ ಈ ರೀತಿ ಬೆಲೆ ಏರಿಕೆ ಆಗಲು ಕಾರಣವಾಗಿದೆ ಎಂದು ತಿಳಿಸುತ್ತಾರೆ ಮತ್ತೊಬ್ಬರು ವ್ಯಾಪಾರಿ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೀದರ್:</strong> `ಕಾಲಾ ಜಾಮೂನ್~ ಎಂದೇ ಗುರುತಿಸಲಾಗುವ ನೇರಳೆ ಹಣ್ಣು ನಗರದ ಮಾರುಕಟ್ಟೆಗೆ ಲಗ್ಗೆ ಇಟ್ಟಿದೆ. ಬಾಯಲ್ಲಿ ನೀರೂರಿಸುವ ಈ ಹಣ್ಣಿನ ಬೆಲೆ ಕೇಳಿಯೇ ಗ್ರಾಹಕರು ಬೆಚ್ಚಿ ಬೀಳುವಂತಾಗಿದೆ.</p>.<p>ಕಳೆದ ವರ್ಷ ಕೆ.ಜಿ.ಗೆ 100 ರೂಪಾಯಿ ಇದ್ದ ದಪ್ಪ ಹಾಗೂ ಸಿಹಿಯಾದ ನೇರಳೆ ಹಣ್ಣು ಈ ಬಾರಿ ಕೆ.ಜಿ.ಗೆ ರೂ. 200 ನಂತೆ ಮಾರಾಟ ಆಗುತ್ತಿದೆ. `ಚೌಕಾಶಿ~ ಮಾಡಿದರೂ ಬೆಲೆ 150ಗೆ ಕಡಿಮೆಯೇನಿಲ್ಲ.</p>.<p>ನಾಲ್ಕೈದು ದಿನಗಳಿಂದಷ್ಟೆ ನಗರದಲ್ಲಿ ನೇರಳೆ ಹಣ್ಣು ಕಾಣಿಸಿಕೊಳ್ಳಲಾರಂಭಿಸಿದೆ. ಸುಗ್ಗಿ ಈಗ ತಾನೆ ಶುರು ಆಗಿರುವುದರಿಂದ ಬೆಲೆ ಜಾಸ್ತಿ ಆಗಿದೆ. ಮಳೆಯ ಅಭಾವ ಹಾಗೂ ಹೆಚ್ಚಿನ ಪ್ರಮಾಣದಲ್ಲಿ ನೇರಳೆ ಬೆಳೆಯದೇ ಇರುವುದು ಕೂಡ ಇದಕ್ಕೆ ಕಾರಣವಾಗಿದೆ ಎಂದು ತಿಳಿಸುತ್ತಾರೆ ವ್ಯಾಪಾರಿ ಮಹಮ್ಮದ್ ಪಾಶಾ. </p>.<p>`ಕಾಲಾ ಜಾಮೂನ್~ ಎಂದೇ ಕರೆಯಲಾಗುವ ನೇರಳೆ ಔರಾದ್ ತಾಲ್ಲೂಕಿನ ವಿವಿಧ ಪ್ರದೇಶ, ಬೀದರ್ ತಾಲ್ಲೂಕಿನ ಜನವಾಡ ಮತ್ತಿತರ ಕಡೆಗಳಲ್ಲಿ ಹೆಚ್ಚು ಬೆಳೆಯಲಾಗುತ್ತದೆ. ನೇರಳೆ ಸಾಮಾನ್ಯವಾಗಿ ಮಕ್ಕಳಿಂದ ಹಿಡಿದು ವೃದ್ಧರವರೆಗೆ ಎಲ್ಲರಿಗೂ ಪ್ರಿಯವಾದ ಹಣ್ಣು.</p>.<p>ಪ್ರತಿ ದಿನ ನೇರಳೆ ಸೇವಿಸುವುದರಿಂದ ಸಕ್ಕರೆ ಕಾಯಿಲೆ ಮತ್ತು ರಕ್ತದೊತ್ತಡ ನಿಯಂತ್ರಿಸಬಹುದಾಗಿದೆ. ಇದೇ ಕಾರಣಕ್ಕಾಗಿ ಸಕ್ಕರೆ ಕಾಯಿಲೆ ಮತ್ತು ರಕ್ತದೊತ್ತಡದಿಂದ ಬಳಲುತ್ತಿರುವವರು ಹೆಚ್ಚಿನ ಪ್ರಮಾಣದಲ್ಲಿ ನೇರಳೆ ಹಣ್ಣು ಖರೀದಿಸುತ್ತಾರೆ. ಗರ್ಭಿಣಿಯರಿಗೂ ನೇರಳೆ ಅಚ್ಚುಮೆಚ್ಚು ಎಂದು ನುಡಿಯುತ್ತಾರೆ.</p>.<p>ದಪ್ಪ ನೇರಳೆ ಹಣ್ಣು ಬಲು ರುಚಿಯಾಗಿರುತ್ತದೆ. ಉಪ್ಪಿನೊಂದಿಗೆ ಸೇವಿಸಿದರಂತೂ ಇದರ ರುಚಿ ಮತ್ತಷ್ಟು ಇಮ್ಮಡಿಯಾಗುತ್ತದೆ. ಈ ಹಣ್ಣನ್ನು ಮೂರು ದಿನಗಳವರೆಗೆ ಸುರಕ್ಷಿತವಾಗಿ ಇಡಬಹುದಾಗಿದೆ ಎಂದು ಹೇಳುತ್ತಾರೆ.</p>.<p><strong>ಬಾಳೆಗೂ ಬರದ ಬಿಸಿ:</strong> ಈ ಬಾರಿ ಬಾಳೆ ಹಣ್ಣಿಗೂ ಬರದ ಬಿಸಿ ತಟ್ಟಿದೆ. ಕಳೆದ ಮೂರು ತಿಂಗಳಿಂದ ಬಾಳೆ ನಗರದ ಮಾರುಕಟ್ಟೆಗೆ ಬಂದಿದ್ದು ಅತ್ಯಲ್ಪ. ಕಳೆದ ಒಂದು ವಾರದಿಂದ ವಿವಿಧೆಡೆಯಿಂದ ಬಾಳೆ ಹಣ್ಣು ಬರಲಾರಂಭಿಸಿದ್ದು, ಬೆಲೆ ಮಾತ್ರ ತುಟ್ಟಿ ಆಗಿದೆ.</p>.<p>ಕಳೆದ ವರ್ಷ ಡಜನ್ಗೆ ರೂ. 20 ಇದ್ದ ಬಾಳೆ ಹಣ್ಣು ಈಗ ರೂ. 30 ಆಗಿದೆ. 80 ರಿಂದ 100 ರೂಪಾಯಿಗೆ ಕೆ.ಜಿ. ಆಗಿದ್ದ ಸೇಬು ಹಣ್ಣಿನ ಬೆಲೆ 160 ರೂಪಾಯಿ ಆಗಿದೆ. ಸಮರ್ಪಕ ಮಳೆ ಆಗದಿರುವುದು, ಹಣ್ಣಿನ ಕೊರತೆಯೇ ಈ ರೀತಿ ಬೆಲೆ ಏರಿಕೆ ಆಗಲು ಕಾರಣವಾಗಿದೆ ಎಂದು ತಿಳಿಸುತ್ತಾರೆ ಮತ್ತೊಬ್ಬರು ವ್ಯಾಪಾರಿ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
