ಚಾಮರಾಜನಗರದಲ್ಲಿ 30 ಹೊಸ ಕೋವಿಡ್ ಪ್ರಕರಣ, 12 ಮಂದಿ ಸೋಂಕು‌ ಮುಕ್ತ

ಜಿಲ್ಲೆಯಲ್ಲಿ ಈವರೆಗೆ ವರದಿಯಾದ ಪ್ರಕರಣಗಳ ಸಂಖ್ಯೆ 2,649ಕ್ಕೆ ಏರಿದೆ. 2,060 ಮಂದಿ ಗುಣಮುಖರಾಗಿದ್ದಾರೆ. 536 ಸಕ್ರಿಯ ಪ್ರಕರಣಗಳಿವೆ. ಈ ಪೈಕಿ 157 ಮಂದಿ ಹೋಂ ಐಸೊಲೇಷನ್ ನಲ್ಲಿದ್ದಾರೆ. 13 ಮಂದಿ ಐಸಿಯುನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಕೋವಿಡ್ ಕಾರಣದಿಂದ 35 ಮಂದಿ ಹಾಗೂ ಸೋಂಕು ದೃಢ ಪಟ್ಟಿದ್ದರೂ ಬೇರೆ ಕಾರಣಗಳಿಂದ 18 ಮಂದಿ ಮೃತಪಟ್ಟಿದ್ದಾರೆ.

ಭಾನುವಾರ 956 ಮಂದಿಯ ಗಂಟಲ ದ್ರವ ಮಾದರಿಗಳನ್ನು ಪರೀಕ್ಷೆಗೆ ಒಳಪಡಿಸಲಾಗಿದೆ. ಆರ್ ಟಿಪಿಸಿಆರ್ ಪ್ರಯೋಗಾಲಯದಲ್ಲಿ 313, ರ್ಯಾಪಿಡ್ ಆ್ಯಂಟಿಜೆನ್ ಮೂಲಕ 630, ಟ್ರು‌ನಾಟ್ ವಿಧಾನದಲ್ಲಿ 13 ಪರೀಕ್ಷೆಗಳನ್ನು ನಡೆಸಲಾಗಿದೆ. 927 ಮಂದಿಯ ವರದಿ ನೆಗೆಟಿವ್ ಬಂದಿದೆ. 29 ಮಂದಿಯಲ್ಲಿ ಸೋಂಕು ದೃಢ ಪಟ್ಟಿದೆ. ಒಂದು ಪ್ರಕರಣ ಮೈಸೂರಿನಲ್ಲಿ ವರದಿಯಾಗಿದೆ.

956 ಪರೀಕ್ಷೆಗಳನ್ನು ನಡೆಸಿದರೂ 29 ಪ್ರಕರಣಗಳು‌ ಮಾತ್ರ ದೃಢಪಟ್ಟಿರುವುದು ಗಮನಾರ್ಹ.