ಕೊಳ್ಳೇಗಾಲ: ತಂಬಾಕು ಉತ್ಪನ್ನಗಳ ಬಳಕೆ ಅವ್ಯಾಹತ

ಬೀಡಿ ಸಿಗರೇಟುಗಳನ್ನು ಸೇದಿ ಅವುಗಳ ತುಂಡುಗಳನ್ನು ಸಾರ್ವಜನಿಕ ಸ್ಥಳಗಳಲ್ಲಿ ಎಸೆಯುತ್ತಾರೆ. ಗುಟ್ಕಾ ಪಾನ್ ತಿಂದು ರಸ್ತೆಗೆ ಹಾಗೂ ಗೋಡೆಗಳ ಮೇಲೆ ಉಗಿಯುವವರೂ ಇದ್ದಾರೆ. ಇದರಿಂದ ಸ್ವಚ್ಛತೆಯೂ ಹಾಳಾಗುತ್ತಿದೆ.  ತಂಬಾಕು ಉತ್ಪನ್ನಗಳ ಬಳಕೆಯಿಂದ ಆಗುವ ದುಷ್ಪರಿಣಾಮಗಳ ಬಗ್ಗೆ ತಾಲ್ಲೂಕು ಆಡಳಿತ ನಗರಸಭೆ ಜಾಗೃತಿ ಮೂಡಿಸುತ್ತಿದ್ದರೂ ಜನರಲ್ಲಿ ಅರಿವು ಮೂಡುತ್ತಿಲ್ಲ. ಅರಿವು ಕಾರ್ಯಕ್ರಮವನ್ನು ಇನ್ನಷ್ಟು ಹೆಚ್ಚಿಸಬೇಕು ಎಂಬ ಒತ್ತಾಯ ಸಾರ್ವಜನಿಕರದ್ದು.