ಚಾಮರಾಜನಗರ: ಶೂಟಿಂಗ್ ಪ್ರತಿಭೆಗೆ ಬೇಕಿದೆ ಪ್ರೋತ್ಸಾಹ

ಶೂಟಿಂಗ್‌ ಪರಿಕರಗಳು ಸಿದ್ಧತೆ ಅಭ್ಯಾಸ ಸೇರಿದಂತೆ ಸಾಕಷ್ಟು ಖರ್ಚು ಇರುತ್ತದೆ. ಒಂದು ರೈಫಲ್‌ಗೆ ₹3 ಲಕ್ಷದಿಂದ ₹4 ಲಕ್ಷ ಬೆಲೆಯಿದೆ. ರಮೇಶ್‌ ಅವರ ಬಳಿ ಈಗ ಮೂರು ರೈಫಲ್‌ಗಳಿವೆ.  ಕೆ‍ಪಿಸಿಸಿ ಅಧ್ಯಕ್ಷ ಹಾಗೂ ಡಿಸಿಎಂ ಡಿ.ಕೆ.ಶಿವಕುಮಾರ್‌ ಅವರಿಗೆ ರಮೇಶ್‌ ಬಾಬು ಅವರ ಸಾಧನೆ ತಿಳಿದಾಗ ರೈಫಲ್‌ ಖರೀದಿಗೆ ನೆರವು ನೀಡುವ ಭರವಸೆ ನೀಡಿದ್ದರು. ಅವರು ಕೊಟ್ಟ ಭರವಸೆ ಇನ್ನೂ ಈಡೇರಿಲ್ಲ.  ‘ಈ ಕ್ರೀಡೆಗೆ ಪ್ರೋತ್ಸಾಹ ಖಂಡಿತವಾಗಿಯೂ ಬೇಕು. ಸಂಸ್ಥೆಗಳು ವ್ಯಕ್ತಿಗಳಿಂದ ನೆರವು ಸಿಕ್ಕಿದರೆ ಇನ್ನಷ್ಟು ಸಾಧನೆ ಮಾಡಬಹುದು. ಪ್ರೋತ್ಸಾಹದ ನಿರೀಕ್ಷೆಯಲ್ಲಿ ನಾನಿದ್ದೇನೆ’ ಎಂದು ರಮೇಶ್‌ ಹೇಳಿದರು.  ‘ಈಗಾಗಲೇ ಆಸಕ್ತಿಯುಳ್ಳ ಮಕ್ಕಳಿಗೆ ಉಚಿತವಾಗಿ ಶೂಟಿಂಗ್‌ ಹೇಳಿಕೊಡುತ್ತಿದ್ದೇನೆ. ವ್ಯವಸ್ಥಿತ ತರಬೇತಿಗೆ ಜಿಲ್ಲೆಯಲ್ಲೊಂದು ಶೂಟಿಂಗ್‌ ಕ್ಲಬ್‌ ಸ್ಥಾಪನೆ ಮಾಡಬೇಕು ಎಂಬ ಆಸೆಯೂ ಇದೆ’ ಎಂದು ತಮ್ಮ ಕನಸನ್ನು ಬಿಚ್ಚಿಟ್ಟರು.