ಯಳಂದೂರು | ಹೂವು ಕೊರತೆ, ದುಂಬಿ, ಜೇನ್ನೊಣ ಅತಂತ್ರ

ಯಳಂದೂರು : ಬಿಸಿಲ ಧಗೆ ಧಗಧಗಿಸುತ್ತಿದೆ. ಬಿಸಿಗಾಳಿ ಬೀಸುತ್ತಿದೆ. ಅತಿಯಾದ ಶಾಖದಿಂದ ಹೂವಿನ ಗಿಡಗಳು, ಹೂವು ಅರಳಿಸುವ ಕಾಡು ಸಸ್ಯಗಳು ಬಾಡಿ ಇಲ್ಲವೇ ಒಣಗಿ ಹೋಗುತ್ತಿದ್ದು, ದುಂಬಿ ಮತ್ತು ಜೇನ್ನೊಣಗಳಿಗೆ ಮಕರಂದ ಹೀರಲು ಹೂವುಗಳು ಇಲ್ಲದಂತಾಗಿದೆ. ಹೀಗಾಗಿ, ದುಂಬಿ ಜೇನ್ನೊಣಗಳು ತಂಪು ಅರಸಿ ಆಲೆಮನೆ ಮತ್ತು ನೀರಿನ ಜೌಗು ಪ್ರದೇಶಗಳತ್ತ ವಲಸೆ ಹೋಗುತ್ತಿವೆ.

. ಕಬ್ಬಿನ ಹಾಲು, ಜೋನಿ ಬೆಲ್ಲಕ್ಕೆ ನೊಣದ ದಂಡು ಮುತ್ತುತ್ತಿದೆ. ಇದರಿಂದ ಇಲ್ಲಿ ದುಡಿಯುವ ಶ್ರಮಿಕರ ನೆಮ್ಮದಿಗೂ ಭಂಗ ಉಂಟಾಗಿದೆ. ಪ್ರತಿದಿನ ಜೇನ್ನೊಣಗಳ ಜೊತೆ ಹೊಂದಾಣಿಕೆ ಮಾಡಿಕೊಂಡು ಕಾಯಕ ಕಟ್ಟಬೇಕಾದ ಸ್ಥಿತಿ ಇದೆ!

. ‘ಹೂವಾಡುವ ಹಂತದಲ್ಲಿ ದುಂಬಿಗಳು ಮತ್ತು ಜೇನುನೊಣ, ಕೀಟಗಳು ಪರಾಗಸ್ಪರ್ಶ ಮಾಡಬೇಕು. ಇದರಿಂದ ಹೂ ಕಾಳು ಕಟ್ಟಿ ಇಳುವರಿ ತಂದುಕೊಡುತ್ತದೆ. ಆದರೆ, ಪ್ರಸಕ್ತ ವರ್ಷ ಉರಿಬಿಸಿಲ ಅಬ್ಬರ ಕೃಷಿಗೂ ಹಿನ್ನಡೆಯಾಗಿದೆ. ಮಕರಂದ ಸಂಗ್ರಹಿಸುವ ಜೀವ ಜಗತ್ತಿಗೂ ಕಂಟಕ ಎದುರಾಗಿದೆ. ಈರುಳ್ಳಿ ಮತ್ತು ಚೆಂಡು ಹೂ ಬೇಸಾಯಕ್ಕೆ ಕೀಟಗಳು ಅಷ್ಟಾಗಿ ಮುತ್ತುತ್ತಿಲ್ಲ. ಕೆಲವರು ಬಾಳೆ ಮತ್ತಿತರ ಬೆಳೆಗಳಿಗೆ ಕೀಟನಾಶಕ ಬಳಸುತ್ತಿದ್ದು ವಾಸನೆಗೆ ಹೆದರಿ ಜೇನು ನೊಣಗಳು ಸುರಕ್ಷಿತ ತಾಣ ಸೇರಿವೆ’ ಎಂದು ರೈತರಾದ ಹೊನ್ನೂರು ಪ್ರಸನ್ನ ಹಾಗೂ ಮೆಲ್ಲಹಳ್ಳಿ ಗುರುಮಲ್ಲಪ್ಪ ‘ಪ್ರಜಾವಾಣಿ’ಗೆ ತಿಳಿಸಿದರು.

. ಪ್ರಸಕ್ತ ಸಾಲಿನಲ್ಲಿ ಸಣ್ಣ ಈರುಳ್ಳಿ, ಟೊಮೆಟೊ ಬೆಳೆಗಾರರ ಸಂಖ್ಯೆ ಕುಸಿದಿದೆ. ಬಿತ್ತನೆಯೂ ನಡೆದಿಲ್ಲ. ಹೆಚ್ಚಾದ ಉಷ್ಣಾಂಶದಿಂದ ನೀರಿನ ಕೊರತೆಯೂ ಕಾಡಿದೆ. ಇದು ಇಳುವರಿ ಮೇಲೆ ಪರಿಣಾಮ ಬೀರಲಿದೆ ಎಂಬ ಆತಂಕ ರೈತರದ್ದು.

. ‘ಕೃಷಿ ಭೂಮಿಯತ್ತ ದುಂಬಿ, ಜೇನು, ಕೀಟ ಆಕರ್ಷಿಸಲು ಯಾವುದೇ ರಾಸಾಯನಿಕ ಸಿಗದು. ಆದರೆ, ತೋಟ, ಹೊಲ, ಗದ್ದೆಗಳ ಬದುಗಳಲ್ಲಿ ನುಗ್ಗೆ, ಕುಂಬಳ, ಹೀರೇಕಾಯಿ, ಹಾಗಲಕಾಯಿ, ಚೆಂಡು ಹೂಗಳನ್ನು ಬೆಳೆದರೆ ದುಂಬಿ, ಜೇನ್ನೊಣಗಳನ್ನು ಆಕರ್ಷಿಸಬಹುದು’ ಎಂದು ತೋಟಗಾರಿಕಾ ಇಲಾಖೆ ಸಹಾಯಕ ನಿರ್ದೇಶಕ ಜಿ.ಎಸ್.ರಾಜು ‘ಪ್ರಜಾವಾಣಿ’ಗೆ ತಿಳಿಸಿದರು.

. ಕಬ್ಬಿನ ಹಾಲು, ಜೋನಿ ಬೆಲ್ಲಕ್ಕೆ ನೊಣದ ದಂಡು ಶ್ರಮಿಕರ ನೆಮ್ಮದಿಗೂ ಭಂಗ

. ಆಲೆಮನೆ ಮುತ್ತುವ ಜೇನ್ನೊಣ! ಈಗ ಆಲೆಮನೆಗಳಿಗೆ ತೆರಳಿದರೆ ಸಾವಿರಾರು ಜೇನ್ನೊಣಗಳು ಗುಂಯ್ ಗುಟ್ಟುವುದನ್ನು ಕಾಣಬಹುದು. ಇಲ್ಲಿ ಸದಾ ಸಿಗುವ ಸಿಹಿ ತಣ್ಣನೆ ನೀರು ಹಾಗೂ ನೆರಳು ಜೇನು ಸಂತತಿಗೆ ವರವಾಗಿದೆ. ಇದೇ ವೇಳೆ ಇಲ್ಲಿ ದುಡಿಯುವ ಕಾರ್ಮಿಕರಿಗೂ ಜೇನ್ನೊಣಗಳ ಜೊತೆ ಸಹಬಾಳ್ವೆ ಮಾಡುವುದು ಅನಿವಾರ್ಯ ಆಗಿದೆ. ‘ಮೈಕೈ ಮೇಲೆ ಕುಳಿತರೂ ನೊಣಗಳು ಅಷ್ಟಾಗಿ ತೊಂದರೆ ಕೊಡದು. ಆದರೆ ಸದಾ ಕೆಲಸದ ಸ್ಥಳದಲ್ಲಿ ಮುತ್ತುವುದರಿಂದ ಕೆಲಸ ನಿಧಾನವಾಗುತ್ತಿದೆ. ಕೆಲವೊಮ್ಮೆ ಕಚ್ಚಿದರೂ ಸಹಿಸಿಕೊಳ್ಳಬೇಕು. ಕೊಪ್ಪರಿಗೆ ಬೆಲ್ಲದ ಅಚ್ಚು ನೆಲಪೂರ್ತಿ ಜೇನು ಹುಳಗಳ ಸಾಮ್ರಾಜ್ಯವೇ ಮನೆ ಮಾಡಿದೆ. ಮಳೆ ಸುರಿದು ಪರಿಸರದಲ್ಲಿ ಹೂ ಗಿಡಗಳು ಕಾಣುವ ತನಕ ಈ ಸಮಸ್ಯೆ ಇರುತ್ತದೆ. ಜೇನ್ನೊಣಗಳಿಗೆ ಹೆದರಿದರೆ ದಿನದ ದುಡಿಮೆ ಮತ್ತು ಕೂಲಿ ಕೈತಪ್ಪುತ್ತದೆ’ ಎಂದು ಗೂಳಿಪುರ ಚಾಮುಂಡನಾಯಕ ತಿಳಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಯಳಂದೂರು | ಹೂವು ಕೊರತೆ, ದುಂಬಿ, ಜೇನ್ನೊಣ ಅತಂತ್ರ

ಚಿನಕುರುಳಿ | ಸೋಮವಾರ, 14 ಜುಲೈ 2025

ಚುರುಮುರಿ | ಭೋಜನ ಭಾಗ್ಯ

ಚೀನಾ ಅತಿಕ್ರಮಣ: ತೈವಾನ್ ವಾಯುಪ್ರದೇಶ ಪ್ರವೇಶಿಸಿದ 17 ಯುದ್ಧ ವಿಮಾನ

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

Lords Test: ಹೋರಾಡಿ ಸೋತ ಗಿಲ್‌ ಬಳಗ

ಜಪಾನ್‌ ಓಪನ್‌ ಬ್ಯಾಡ್ಮಿಂಟನ್‌ ಟೂರ್ನಿ: ಸಾತ್ವಿಕ್‌– ಚಿರಾಗ್‌ ಮೇಲೆ ನಿರೀಕ್ಷೆ

ರಾಜ್ಯ ರ‍್ಯಾಂಕಿಂಗ್‌ ಬ್ಯಾಡ್ಮಿಂಟನ್‌ ಟೂರ್ನಿ: ಇಶಾನ್‌, ಜೋಹನ್ನಾಗೆ ಪ್ರಶಸ್ತಿ

ಟಿ20 ತ್ರಿಕೋನ ಸರಣಿ: ದಕ್ಷಿಣ ಆಫ್ರಿಕಾ ಶುಭಾರಂಭ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಸೋಮವಾರ, 14 ಜುಲೈ 2025

ಚುರುಮುರಿ | ಭೋಜನ ಭಾಗ್ಯ

ಚೀನಾ ಅತಿಕ್ರಮಣ: ತೈವಾನ್ ವಾಯುಪ್ರದೇಶ ಪ್ರವೇಶಿಸಿದ 17 ಯುದ್ಧ ವಿಮಾನ

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ