ಗುಂಡ್ಲುಪೇಟೆ: ಮಾರುಕಟ್ಟೆಗೆ ಪಿಒಪಿ ಗಣೇಶ ಲಗ್ಗೆ

ಮಣ್ಣಿನ ಗಣಪತಿ ಮೂರ್ತಿಗಳ ತಯಾರಿಕೆಗೆ ಮಾನವ ಶ್ರಮ ಹೆಚ್ಚು. ಮೂರು ತಿಂಗಳಿಗೂ ಮುನ್ನವೇ ಮಣ್ಣು ತಂದು ಹದವಾಗಿ ಕೊಳೆಸಿ ಪ್ರಯಾಸದಿಂದ ಮೂರ್ತಿಗಳನ್ನು ತಯಾರಿಸಬೆಕು. ಮೂರ್ತಿ ತಯಾರಿಕೆಗೆ ತಗುಲುವ ವೆಚ್ಚ ಸಮಯ ಶ್ರಮ ಹೆಚ್ಚು. ಆದರೆ ಪಿಒಪಿ ಮೂರ್ತಿ ತಯಾರಿ ಬಹಳ ಸುಲಭ. ಗಂಟೆಗಳಲ್ಲಿ ಮೂರ್ತಿಗಳನ್ನು ತಯಾರಿಸಿ ಮಾರಾಟಕ್ಕೆ ಇರಿಸಬಹುದು. ಮೂರ್ತಿಗಳು ಸುಂದರವಾಗಿ ಹಾಗೂ ಹಗುರವಾಗಿ ಮೂಡಿಬರುವ ಕಾರಣ ಪಿಒಪಿ ಮೂರ್ತಿಗಳತ್ತ ಜನರೂ ಆಕರ್ಷಿತರಾಗುತ್ತಾರೆ ಎಂದು ಮಣ್ಣಿನಲ್ಲಿ ಗಣಪತಿ ತಯಾರಿಸುವ ಶಿಲ್ಪಿ ತಿಳಿಸಿದರು.