<p><strong>ಚಿಂತಾಮಣಿ</strong>: ಇಲ್ಲಿನ ನಗರಸಭೆಯ 2024-25ನೇ ಸಾಲಿಗೆ ₹78 ಲಕ್ಷ ಉಳಿತಾಯ ಬಜೆಟನ್ನು ಆಡಳಿತಾಧಿಕಾರಿ ಹಾಗೂ ಜಿಲ್ಲಾಧಿಕಾರಿ ಪಿ.ಎನ್.ರವೀಂದ್ರ ಮಂಗಳವಾರ ಮಂಡಿಸಿದರು.</p>.<p>ಅಂದಾಜು ಆದಾಯ ₹86,92,51,000, ಅಂದಾಜು ವೆಚ್ಚ ₹86,14, 51,000 ಹಾಗೂ ₹78 ಲಕ್ಷ ಉಳಿತಾಯ ತೋರಿಸಲಾಗಿದೆ.</p>.<p>ಬಜೆಟ್ನಲ್ಲಿ ಕುಡಿಯುವ ನೀರು, ಬೀದಿದೀಪ, ರಸ್ತೆ ಹಾಗೂ ಚರಂಡಿ ನಿರ್ವಹಣೆ, ಉದ್ಯಾನ ಹಸಿರೀಕರಣ, ಸಾರ್ವಜನಿಕ ಸೌಲಭ್ಯ, ಪರಿಶಿಷ್ಟ ಜಾತಿ ಮತ್ತು ಪಂಗಡ ಹಾಗೂ ಹಿಂದುಳಿದವರ ಅಭಿವೃದ್ಧಿಗೂ ಅನುದಾನ ಮೀಸಲಿಡಲಾಗಿದೆ.</p>.<p>ಬಜೆಟ್ ಮಂಡನೆಗೂ ಮುನ್ನ ನೀರಿನ ಸಮಸ್ಯೆ ಬಗೆಹರಿಸುವಂತೆ ಸದಸ್ಯರು ಒತ್ತಾಯಿಸಿದರು. ಪೌರಕಾರ್ಮಿಕರಿಗೆ ಬಾಕಿ ವೇತನ ಮತ್ತಿತರ ಸೌಲಭ್ಯಗಳನ್ನು ಒದಗಿಸುವಂತೆ ಸದಸ್ಯರು ಮನವಿ ಮಾಡಿದರು.</p>.<p>ಕಳೆದ ವರ್ಷದ ಬಜೆಟ್ನಲ್ಲಿ ಬೀದಿ ದೀಪ, ಕುಡಿಯುವ ನೀರು, ರಸ್ತೆ, ಚರಂಡಿ ನಿಗದಿಪಡಿಸಿದ್ದ ಆದಾಯ, ಖರ್ಚು, ಉಳಿತಾಯ ವಿವರಗಳನ್ನು ನೀಡಬೇಕು. ನಗರದ ಹಲವಾರು ಕಡೆ ಬೀದಿದೀಪಗಳಿಗೆ ಅಗತ್ಯ ಪರಿಕರಗಳಿಲ್ಲ ಎಂದು ಸದಸ್ಯ ಅಕ್ಷಯಕುಮಾರ್ ಹೇಳಿದರು.</p>.<p>ಆದಾಯ: ನಗರಸಭೆಯ ಸಿಬ್ಬಂದಿಯ ವೇತನ ಅನುದಾನ ₹3.75ಕೋಟಿ, ಅಂಗಡಿ ಮಳಿಗೆಗಳಿಂದ ಬಾಡಿಗೆ 2.10 ಕೋಟಿ, ನಗರಸಭೆ ನಿಧಿ ಮಳಿಗೆಗಳಿಂದ ₹65 ಲಕ್ಷ, ಹೊಸ ಬಡಾವಣೆ ಅಭಿವೃದ್ಧಿ ಶುಲ್ಕ ₹50 ಲಕ್ಷ, ಸಾರ್ವಜನಿಕ ಶೌಚಾಲಯ ಮತ್ತು ಪೆಟ್ರೋಲ್ ಬಂಕ್ ಬಾಡಿಗೆ ₹1.50 ಕೋಟಿ ನಿರೀಕ್ಷಿಸಲಾಗಿದೆ.</p>.<p>ನಗರಸಭೆಯ ನೀರಿನ ತೆರಿಗೆ ₹2.10 ಕೋಟಿ, ಒಳಚರಂಡಿ ಸಂಪರ್ಕ ಮತ್ತು ಸೇವಾ ಶುಲ್ಕ ₹1.5 ಕೋಟಿ, ನಲ್ಮ್ ಯೋಜನೆಯ ಅನುದಾನ ₹2.75ಕೋಟಿ, ನಗರಸಭೆಗೆ ಬ್ಯಾಂಕ್ ಬಡ್ಡಿಯಿಂದ ₹50 ಲಕ್ಷ, ಆಸ್ತಿ ತೆರಿಗೆ ₹10 ಕೋಟಿ, ಆಸ್ತಿ ತೆರಿಗೆ ದಂಡ ₹75 ಲಕ್ಷ, ಕಸ ಸಂಗ್ರಹಣೆ ಶುಲ್ಕ ₹40 ಲಕ್ಷ ಆದಾಯವನ್ನು ನಿರೀಕ್ಷಿಸಲಾಗಿದೆ.</p>.<p>ವೆಚ್ಚ: ನೌಕರರ ವೇತನ ₹5.32ಕೋಟಿ, ಲೋಕೋಪಯೋಗಿ ಕಾಮಗಾರಿಗೆ ₹20 ಲಕ್ಷ, ಬೀದಿದೀಪ ನಿರ್ವಹಣಾ ವೆಚ್ಚ ₹40 ಲಕ್ಷ, ನೈರ್ಮಲ್ಯ ಮತ್ತು ಘನತ್ಯಾಜ್ಯ ವೆಚ್ಚ ₹98 ಲಕ್ಷ, ಕುಡಿಯುವ ನೀರಿನ ನಿರ್ವಹಣೆಗಾಗಿ ₹3.70ಕೋಟಿ, ಒಳಚರಂಡಿ ನಿರ್ವಹಣೆ ವೆಚ್ಚ ₹55 ಲಕ್ಷ, ನಗರದ ಸಿಸಿ, ಡಾಂಬರು ಮತ್ತಿತರ ರಸ್ತೆಗಳ ಅಭಿವೃದ್ಧಿಗೆ ₹9 ಕೋಟಿ, ರಸ್ತೆ ಪಕ್ಕದ ಚರಂಡಿಗಳ ನಿರ್ಮಾಣಕ್ಕೆ ₹2ಕೋಟಿ ಖರ್ಚನ್ನು ಅಂದಾಜಿಸಲಾಗಿದೆ.</p>.<p>ನಗರದಲ್ಲಿ ಹೊಸ ಬೀದಿದೀಪ ಅಳವಡಿಕೆಗೆ ₹40 ಲಕ್ಷ, ಸಣ್ಣ ಸೇತುವೆ, ಮೋರಿಗಳ ನಿರ್ಮಾಣಕ್ಕಾಗಿ ₹2.20ಕೋಟಿ, ನೈರ್ಮಲ್ಯ ಮತ್ತು ಘನತ್ಯಾಜ್ಯ ಯಂತ್ರ, ಸಲಕರಣೆಗಳ ಖರೀದಿಗಾಗಿ ₹3.35ಕೋಟಿ, ಹೊಸದಾಗಿ ಕೊಳವೆಬಾವಿ, ಪೈಪ್ಲೈನ್, ಪಂಪ್ ಮೋಟಾರುಗಳಿಗಾಗಿ ₹3.30ಕೋಟಿ, ಒಳಚರಂಡಿ ಅಭಿವೃದ್ಧಿಗೆ ₹3.50 ಕೋಟಿ, ಪಾರ್ಕ್ ಅಭಿವೃದ್ಧಿಗೆ ₹50 ಲಕ್ಷ, ಎಸ್ಟಿಪಿ ಅಭಿವೃದ್ಧಿಗೆ ₹35 ಲಕ್ಷ ನಿಗದಿಪಡಿಸಲಾಗಿದೆ.</p>.<p>2024-25ನೇ ಸಾಲಿನಲ್ಲಿ ವಿವಿಧ ಉದ್ದೇಶಗಳಿಗಾಗಿ ಸರ್ಕಾರದಿಂದ ₹53.81ಕೋಟಿ ಅನುದಾನ ನಿರೀಕ್ಷಿಸಲಾಗಿದೆ. ಸಚಿವ ಡಾ.ಎಂ.ಸಿ.ಸುಧಾಕರ್ ಯುಜಿಡಿ ಅಭಿವೃದ್ಧಿಗಾಗಿ ಜಿಲ್ಲೆಗೆ ₹100 ಕೋಟಿ ಮಂಜೂರು ಮಾಡಿಸಿದ್ದು ಅದರಲ್ಲಿ ಚಿಂತಾಮಣಿಗೆ ₹40 ಕೋಟಿ ದೊರೆಯಲಿದೆ ಎಂದು ಪೌರಾಯುಕ್ತ ಜಿ.ಎನ್.ಚಲಪತಿ ತಿಳಿಸಿದರು.</p>.<p>ಸದಸ್ಯರು ಚರ್ಚೆಯಲ್ಲಿ ಪಾಲ್ಗೊಂಡಿದ್ದರು. ನಗರಸಭೆಯ ವಿವಿಧ ವಿಭಾಗಗಳ ಅಧಿಕಾರಿಗಳು ಉಪಸ್ಥಿತರಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಚಿಂತಾಮಣಿ</strong>: ಇಲ್ಲಿನ ನಗರಸಭೆಯ 2024-25ನೇ ಸಾಲಿಗೆ ₹78 ಲಕ್ಷ ಉಳಿತಾಯ ಬಜೆಟನ್ನು ಆಡಳಿತಾಧಿಕಾರಿ ಹಾಗೂ ಜಿಲ್ಲಾಧಿಕಾರಿ ಪಿ.ಎನ್.ರವೀಂದ್ರ ಮಂಗಳವಾರ ಮಂಡಿಸಿದರು.</p>.<p>ಅಂದಾಜು ಆದಾಯ ₹86,92,51,000, ಅಂದಾಜು ವೆಚ್ಚ ₹86,14, 51,000 ಹಾಗೂ ₹78 ಲಕ್ಷ ಉಳಿತಾಯ ತೋರಿಸಲಾಗಿದೆ.</p>.<p>ಬಜೆಟ್ನಲ್ಲಿ ಕುಡಿಯುವ ನೀರು, ಬೀದಿದೀಪ, ರಸ್ತೆ ಹಾಗೂ ಚರಂಡಿ ನಿರ್ವಹಣೆ, ಉದ್ಯಾನ ಹಸಿರೀಕರಣ, ಸಾರ್ವಜನಿಕ ಸೌಲಭ್ಯ, ಪರಿಶಿಷ್ಟ ಜಾತಿ ಮತ್ತು ಪಂಗಡ ಹಾಗೂ ಹಿಂದುಳಿದವರ ಅಭಿವೃದ್ಧಿಗೂ ಅನುದಾನ ಮೀಸಲಿಡಲಾಗಿದೆ.</p>.<p>ಬಜೆಟ್ ಮಂಡನೆಗೂ ಮುನ್ನ ನೀರಿನ ಸಮಸ್ಯೆ ಬಗೆಹರಿಸುವಂತೆ ಸದಸ್ಯರು ಒತ್ತಾಯಿಸಿದರು. ಪೌರಕಾರ್ಮಿಕರಿಗೆ ಬಾಕಿ ವೇತನ ಮತ್ತಿತರ ಸೌಲಭ್ಯಗಳನ್ನು ಒದಗಿಸುವಂತೆ ಸದಸ್ಯರು ಮನವಿ ಮಾಡಿದರು.</p>.<p>ಕಳೆದ ವರ್ಷದ ಬಜೆಟ್ನಲ್ಲಿ ಬೀದಿ ದೀಪ, ಕುಡಿಯುವ ನೀರು, ರಸ್ತೆ, ಚರಂಡಿ ನಿಗದಿಪಡಿಸಿದ್ದ ಆದಾಯ, ಖರ್ಚು, ಉಳಿತಾಯ ವಿವರಗಳನ್ನು ನೀಡಬೇಕು. ನಗರದ ಹಲವಾರು ಕಡೆ ಬೀದಿದೀಪಗಳಿಗೆ ಅಗತ್ಯ ಪರಿಕರಗಳಿಲ್ಲ ಎಂದು ಸದಸ್ಯ ಅಕ್ಷಯಕುಮಾರ್ ಹೇಳಿದರು.</p>.<p>ಆದಾಯ: ನಗರಸಭೆಯ ಸಿಬ್ಬಂದಿಯ ವೇತನ ಅನುದಾನ ₹3.75ಕೋಟಿ, ಅಂಗಡಿ ಮಳಿಗೆಗಳಿಂದ ಬಾಡಿಗೆ 2.10 ಕೋಟಿ, ನಗರಸಭೆ ನಿಧಿ ಮಳಿಗೆಗಳಿಂದ ₹65 ಲಕ್ಷ, ಹೊಸ ಬಡಾವಣೆ ಅಭಿವೃದ್ಧಿ ಶುಲ್ಕ ₹50 ಲಕ್ಷ, ಸಾರ್ವಜನಿಕ ಶೌಚಾಲಯ ಮತ್ತು ಪೆಟ್ರೋಲ್ ಬಂಕ್ ಬಾಡಿಗೆ ₹1.50 ಕೋಟಿ ನಿರೀಕ್ಷಿಸಲಾಗಿದೆ.</p>.<p>ನಗರಸಭೆಯ ನೀರಿನ ತೆರಿಗೆ ₹2.10 ಕೋಟಿ, ಒಳಚರಂಡಿ ಸಂಪರ್ಕ ಮತ್ತು ಸೇವಾ ಶುಲ್ಕ ₹1.5 ಕೋಟಿ, ನಲ್ಮ್ ಯೋಜನೆಯ ಅನುದಾನ ₹2.75ಕೋಟಿ, ನಗರಸಭೆಗೆ ಬ್ಯಾಂಕ್ ಬಡ್ಡಿಯಿಂದ ₹50 ಲಕ್ಷ, ಆಸ್ತಿ ತೆರಿಗೆ ₹10 ಕೋಟಿ, ಆಸ್ತಿ ತೆರಿಗೆ ದಂಡ ₹75 ಲಕ್ಷ, ಕಸ ಸಂಗ್ರಹಣೆ ಶುಲ್ಕ ₹40 ಲಕ್ಷ ಆದಾಯವನ್ನು ನಿರೀಕ್ಷಿಸಲಾಗಿದೆ.</p>.<p>ವೆಚ್ಚ: ನೌಕರರ ವೇತನ ₹5.32ಕೋಟಿ, ಲೋಕೋಪಯೋಗಿ ಕಾಮಗಾರಿಗೆ ₹20 ಲಕ್ಷ, ಬೀದಿದೀಪ ನಿರ್ವಹಣಾ ವೆಚ್ಚ ₹40 ಲಕ್ಷ, ನೈರ್ಮಲ್ಯ ಮತ್ತು ಘನತ್ಯಾಜ್ಯ ವೆಚ್ಚ ₹98 ಲಕ್ಷ, ಕುಡಿಯುವ ನೀರಿನ ನಿರ್ವಹಣೆಗಾಗಿ ₹3.70ಕೋಟಿ, ಒಳಚರಂಡಿ ನಿರ್ವಹಣೆ ವೆಚ್ಚ ₹55 ಲಕ್ಷ, ನಗರದ ಸಿಸಿ, ಡಾಂಬರು ಮತ್ತಿತರ ರಸ್ತೆಗಳ ಅಭಿವೃದ್ಧಿಗೆ ₹9 ಕೋಟಿ, ರಸ್ತೆ ಪಕ್ಕದ ಚರಂಡಿಗಳ ನಿರ್ಮಾಣಕ್ಕೆ ₹2ಕೋಟಿ ಖರ್ಚನ್ನು ಅಂದಾಜಿಸಲಾಗಿದೆ.</p>.<p>ನಗರದಲ್ಲಿ ಹೊಸ ಬೀದಿದೀಪ ಅಳವಡಿಕೆಗೆ ₹40 ಲಕ್ಷ, ಸಣ್ಣ ಸೇತುವೆ, ಮೋರಿಗಳ ನಿರ್ಮಾಣಕ್ಕಾಗಿ ₹2.20ಕೋಟಿ, ನೈರ್ಮಲ್ಯ ಮತ್ತು ಘನತ್ಯಾಜ್ಯ ಯಂತ್ರ, ಸಲಕರಣೆಗಳ ಖರೀದಿಗಾಗಿ ₹3.35ಕೋಟಿ, ಹೊಸದಾಗಿ ಕೊಳವೆಬಾವಿ, ಪೈಪ್ಲೈನ್, ಪಂಪ್ ಮೋಟಾರುಗಳಿಗಾಗಿ ₹3.30ಕೋಟಿ, ಒಳಚರಂಡಿ ಅಭಿವೃದ್ಧಿಗೆ ₹3.50 ಕೋಟಿ, ಪಾರ್ಕ್ ಅಭಿವೃದ್ಧಿಗೆ ₹50 ಲಕ್ಷ, ಎಸ್ಟಿಪಿ ಅಭಿವೃದ್ಧಿಗೆ ₹35 ಲಕ್ಷ ನಿಗದಿಪಡಿಸಲಾಗಿದೆ.</p>.<p>2024-25ನೇ ಸಾಲಿನಲ್ಲಿ ವಿವಿಧ ಉದ್ದೇಶಗಳಿಗಾಗಿ ಸರ್ಕಾರದಿಂದ ₹53.81ಕೋಟಿ ಅನುದಾನ ನಿರೀಕ್ಷಿಸಲಾಗಿದೆ. ಸಚಿವ ಡಾ.ಎಂ.ಸಿ.ಸುಧಾಕರ್ ಯುಜಿಡಿ ಅಭಿವೃದ್ಧಿಗಾಗಿ ಜಿಲ್ಲೆಗೆ ₹100 ಕೋಟಿ ಮಂಜೂರು ಮಾಡಿಸಿದ್ದು ಅದರಲ್ಲಿ ಚಿಂತಾಮಣಿಗೆ ₹40 ಕೋಟಿ ದೊರೆಯಲಿದೆ ಎಂದು ಪೌರಾಯುಕ್ತ ಜಿ.ಎನ್.ಚಲಪತಿ ತಿಳಿಸಿದರು.</p>.<p>ಸದಸ್ಯರು ಚರ್ಚೆಯಲ್ಲಿ ಪಾಲ್ಗೊಂಡಿದ್ದರು. ನಗರಸಭೆಯ ವಿವಿಧ ವಿಭಾಗಗಳ ಅಧಿಕಾರಿಗಳು ಉಪಸ್ಥಿತರಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>