ಗುಡಿಬಂಡೆ: ಸೋಮೇನಹಳ್ಳಿ ಭಾಗದಲ್ಲಿ ಬಿರುಗಾಳಿ, ಗುಡುಗು, ಮಿಂಚು ಸಹಿತ ಸುಮಾರು 26 ಮಿ.ಮೀ. ಮಳೆಯಾಗಿದೆ.
ಸೋಮೇನಹಳ್ಳಿಯಲ್ಲಿ ಚರಂಡಿಗಳು ಕಟ್ಟಿಕೊಂಡಿದ್ದರಿಂದ ಮಳೆ ನೀರು ರಸ್ತೆ ಮೇಲೆ ಹರಿಯಿತು. ಇದರಿಂದ ಚರಂಡಿಗಳಲ್ಲಿದ್ದ ತ್ಯಾಜ್ಯ ರಸ್ತೆ ಮೇಲೆ ಚೆಲ್ಲಾಡಿತು.
ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ, ಸರ್ಕಾರಿ ಪ್ರೌಢಶಾಲೆ ಆವರಣದಿಂದ ನೀರು ಹೆಚ್ಚಾಗಿ ಬಂದು ಸಿಮೆಂಟ್ ರಸ್ತೆ ಮೇಲೆ ಹರಿಯಿತು. ಲಕ್ಷ್ಮಿವೆಂಕಟರಮಣಸ್ವಾಮಿ ದೇವಾಲಯದ ಮುಂಭಾಗದಲ್ಲಿರುವ ಕಲ್ಯಾಣಿಗೆ ಸ್ವಲ್ಪ ಮಟ್ಟಿಗೆ ನೀರು ಬಂದಿದೆ.
ಸೋಮೇನಹಳ್ಳಿ ಹೋಬಳಿ ವ್ಯಾಪ್ತಿಯ ಸೋಮೇಶ್ವರ, ಗೆಗ್ಗಿಲರಾಳ್ಳಹಳ್ಳಿ, ಮದ್ದರೆಡ್ಡಿಹಳ್ಳಿ, ವೀರರಾವುತನಹಳ್ಳಿ, ದಿನ್ನೇಮೇಲಿನಹಳ್ಳಿ, ಚಿಂತಕಾಯಲಹಳ್ಳಿ ಮುಂತಾದ ಗ್ರಾಮಗಳಲ್ಲಿ ಮಳೆಯಾಗಿದೆ.