<p><strong>ಕಳಸ</strong>: ತಾಲ್ಲೂಕಿನಲ್ಲಿ ಕಳೆದ ವರ್ಷ ಜನವರಿಯಿಂದ– ಜೂನ್ ಅಂತ್ಯದವರೆಗೆ (6 ತಿಂಗಳು) ಸುರಿದ ಮಳೆಗೆ ಹೋಲಿಸಿದರೆ ಈ ಬಾರಿ ಅದರ ಪ್ರಮಾಣ ಮೂರು ಪಟ್ಟು ಹೆಚ್ಚಳವಾಗಿದೆ.</p>.<p>2023ರಲ್ಲಿ ಜನವರಿಯಿಂದ ಜೂನ್ ಅಂತ್ಯದವರೆಗೆ ಒಟ್ಟು 29 ಸೆಂ.ಮೀ (11.6 ಇಂಚು) ಮಳೆ ಆಗಿತ್ತು. ಈ ಬಾರಿ ಇದೇ ಅವಧಿಯಲ್ಲಿ 81.6 ಸೆಂ.ಮೀ (32.6 ಇಂಚು) ಮಳೆಯಾಗಿದೆ.</p>.<p>2023ರ ಜನವರಿಯಿಂದ ಮಾರ್ಚ್ವರೆಗೆ ಕೇವಲ 0.26 ಸೆಂ.ಮೀ ಮಾತ್ರ ಮಳೆಯಾಗಿತ್ತು. ಆದರೆ, ಈ ಬಾರಿ ಇದೇ ಅವಧಿಯಲ್ಲಿ 4.24 ಸೆಂ.ಮೀ ಮಳೆಯಾಗಿದೆ. ಜನವರಿ– ಮಾರ್ಚ್ ನಡುವಿನ ಮೂರು ತಿಂಗಳ ಅವಧಿಯಲ್ಲಿ ಉತ್ತಮ ಮಳೆ ಲಭಿಸಿರುವುದರಿಂದ ತೋಟಗಾರಿಕಾ ಬೆಳೆಗಳಾದ ಕಾಫಿ, ಅಡಿಕೆ, ಕಾಳುಮೆಣಸಿಗೆ ವರದಾನವಾಗಿದೆ.</p>.<p>2023ರ ಏಪ್ರಿಲ್ನಿಂದ ಜೂನ್ವರೆಗೆ 28.8 ಸೆಂ.ಮೀ(11.5 ಇಂಚು) ಮಳೆ ಆಗಿತ್ತು. ಇದರಿಂದ ಕಾಫಿ ಅಡಿಕೆ ಮತ್ತು ಕಾಳುಮೆಣಸಿಗೆ ನೀರಿನ ಕೊರತೆ ಎದುರಾಗಿತ್ತು. ಈ ವರ್ಷ ಏಪ್ರಿಲ್ನಿಂದ ಜೂನ್ವರೆಗೆ 77.4 ಸೆಂ.ಮೀ.(31 ಇಂಚು) ಮಳೆಯಾಗಿದೆ. ಇದರಿಂದ ಬೇಸಿಗೆಯ ತಾಪದ ನಡುವೆಯೂ ಅಡಿಕೆ, ಕಾಫಿ ಮತ್ತು ಕಾಳುಮೆಣಸಿಗೆ ಅಗತ್ಯವಿರುವ ತೇವಾಂಶ ಲಭಿಸಿದಂತಾಗಿದೆ.</p>.<p>ಕಳೆದ ವರ್ಷ ಜನವರಿಯಿಂದ ಡಿಸೆಂಬರ್ವರೆಗೆ ಒಟ್ಟು 235 ಸೆಂ.ಮೀ(94 ಇಂಚು) ಮಳೆಯಾಗಿತ್ತು. ಈ ವರ್ಷ ಈಗಾಗಲೇ ಅಂದರೆ 6 ತಿಂಗಳಲ್ಲೇ ಸರಾಸರಿ ಇದರ ಅರ್ಧದಷ್ಟು ಮಳೆ ಸುರಿದಿದೆ. ಕಳಸದ ವಾರ್ಷಿಕ ವಾಡಿಕೆ ಮಳೆ ಪ್ರಮಾಣ 300 ಸೆಂ.ಮೀ (120 ಇಂಚು), ಹವಾಮಾನ ಇಲಾಖೆಯ ಮುನ್ಸೂಚನೆಯಂತೆ ಈ ಬಾರಿ ವಾಡಿಕೆಗಿಂತ ಹೆಚ್ಚಿನ ಮಳೆಯಾಗುವ ಸಾಧ್ಯತೆಗಳು ದಟ್ಟವಾಗಿದೆ.</p>.<p>ಈಗಾಗಲೇ ಸಾಕಷ್ಟು ಮಳೆ ಲಭಿಸಿರುವುದರಿಂದ ಇನ್ನೂ ಭಾರಿ ಮಳೆ ಮುಂದುವರಿದರೆ ಅದರಿಂದ ತೇವಾಂಶ ಹೆಚ್ಚಿ, ಬೆಳೆಗಳು ಹಾನಿಯಾಗುವ ಅಪಾಯವೂ ಇದೆ. ಈಗಾಗಲೇ ತಾಲ್ಲೂಕಿನ ಅಲ್ಲಲ್ಲಿ ಕಾಫಿಗೆ ಕಪ್ಪುಕೊಳೆ ರೋಗ ಕಾಣಿಸಿಕೊಂಡಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕಳಸ</strong>: ತಾಲ್ಲೂಕಿನಲ್ಲಿ ಕಳೆದ ವರ್ಷ ಜನವರಿಯಿಂದ– ಜೂನ್ ಅಂತ್ಯದವರೆಗೆ (6 ತಿಂಗಳು) ಸುರಿದ ಮಳೆಗೆ ಹೋಲಿಸಿದರೆ ಈ ಬಾರಿ ಅದರ ಪ್ರಮಾಣ ಮೂರು ಪಟ್ಟು ಹೆಚ್ಚಳವಾಗಿದೆ.</p>.<p>2023ರಲ್ಲಿ ಜನವರಿಯಿಂದ ಜೂನ್ ಅಂತ್ಯದವರೆಗೆ ಒಟ್ಟು 29 ಸೆಂ.ಮೀ (11.6 ಇಂಚು) ಮಳೆ ಆಗಿತ್ತು. ಈ ಬಾರಿ ಇದೇ ಅವಧಿಯಲ್ಲಿ 81.6 ಸೆಂ.ಮೀ (32.6 ಇಂಚು) ಮಳೆಯಾಗಿದೆ.</p>.<p>2023ರ ಜನವರಿಯಿಂದ ಮಾರ್ಚ್ವರೆಗೆ ಕೇವಲ 0.26 ಸೆಂ.ಮೀ ಮಾತ್ರ ಮಳೆಯಾಗಿತ್ತು. ಆದರೆ, ಈ ಬಾರಿ ಇದೇ ಅವಧಿಯಲ್ಲಿ 4.24 ಸೆಂ.ಮೀ ಮಳೆಯಾಗಿದೆ. ಜನವರಿ– ಮಾರ್ಚ್ ನಡುವಿನ ಮೂರು ತಿಂಗಳ ಅವಧಿಯಲ್ಲಿ ಉತ್ತಮ ಮಳೆ ಲಭಿಸಿರುವುದರಿಂದ ತೋಟಗಾರಿಕಾ ಬೆಳೆಗಳಾದ ಕಾಫಿ, ಅಡಿಕೆ, ಕಾಳುಮೆಣಸಿಗೆ ವರದಾನವಾಗಿದೆ.</p>.<p>2023ರ ಏಪ್ರಿಲ್ನಿಂದ ಜೂನ್ವರೆಗೆ 28.8 ಸೆಂ.ಮೀ(11.5 ಇಂಚು) ಮಳೆ ಆಗಿತ್ತು. ಇದರಿಂದ ಕಾಫಿ ಅಡಿಕೆ ಮತ್ತು ಕಾಳುಮೆಣಸಿಗೆ ನೀರಿನ ಕೊರತೆ ಎದುರಾಗಿತ್ತು. ಈ ವರ್ಷ ಏಪ್ರಿಲ್ನಿಂದ ಜೂನ್ವರೆಗೆ 77.4 ಸೆಂ.ಮೀ.(31 ಇಂಚು) ಮಳೆಯಾಗಿದೆ. ಇದರಿಂದ ಬೇಸಿಗೆಯ ತಾಪದ ನಡುವೆಯೂ ಅಡಿಕೆ, ಕಾಫಿ ಮತ್ತು ಕಾಳುಮೆಣಸಿಗೆ ಅಗತ್ಯವಿರುವ ತೇವಾಂಶ ಲಭಿಸಿದಂತಾಗಿದೆ.</p>.<p>ಕಳೆದ ವರ್ಷ ಜನವರಿಯಿಂದ ಡಿಸೆಂಬರ್ವರೆಗೆ ಒಟ್ಟು 235 ಸೆಂ.ಮೀ(94 ಇಂಚು) ಮಳೆಯಾಗಿತ್ತು. ಈ ವರ್ಷ ಈಗಾಗಲೇ ಅಂದರೆ 6 ತಿಂಗಳಲ್ಲೇ ಸರಾಸರಿ ಇದರ ಅರ್ಧದಷ್ಟು ಮಳೆ ಸುರಿದಿದೆ. ಕಳಸದ ವಾರ್ಷಿಕ ವಾಡಿಕೆ ಮಳೆ ಪ್ರಮಾಣ 300 ಸೆಂ.ಮೀ (120 ಇಂಚು), ಹವಾಮಾನ ಇಲಾಖೆಯ ಮುನ್ಸೂಚನೆಯಂತೆ ಈ ಬಾರಿ ವಾಡಿಕೆಗಿಂತ ಹೆಚ್ಚಿನ ಮಳೆಯಾಗುವ ಸಾಧ್ಯತೆಗಳು ದಟ್ಟವಾಗಿದೆ.</p>.<p>ಈಗಾಗಲೇ ಸಾಕಷ್ಟು ಮಳೆ ಲಭಿಸಿರುವುದರಿಂದ ಇನ್ನೂ ಭಾರಿ ಮಳೆ ಮುಂದುವರಿದರೆ ಅದರಿಂದ ತೇವಾಂಶ ಹೆಚ್ಚಿ, ಬೆಳೆಗಳು ಹಾನಿಯಾಗುವ ಅಪಾಯವೂ ಇದೆ. ಈಗಾಗಲೇ ತಾಲ್ಲೂಕಿನ ಅಲ್ಲಲ್ಲಿ ಕಾಫಿಗೆ ಕಪ್ಪುಕೊಳೆ ರೋಗ ಕಾಣಿಸಿಕೊಂಡಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
