ಚಿಕ್ಕಮಗಳೂರು | ಕಾಲು ಸಂಕ: ತಪ್ಪದ ಅಪಾಯದ ನಡಿಗೆ

ಕಳಸ: ತಾಲ್ಲೂಕಿನ ಕೆಲವು ತೂಗುಸೇತುವೆ 10 ವರ್ಷದ ಹಿಂದೆ ನಿರ್ಮಾಣ ಆಗಿವೆ. ಆದರೆ ನಿರ್ವಹಣೆ ಕೊರತೆಯಿಂದ ಅವು ಶಿಥಿಲಗೊಂಡಿವೆ. ಕಲ್ಲುಗ್ಗೋಡು, ಅನಾಮಗೆ, ವಸಿಷ್ಠ ಆಶ್ರಮ ಬಳಿ ಇರುವ ಸೇತುವೆ ಬಳಸುವ ನೂರಾರು ಗ್ರಾಮಸ್ಥರಿಗೆ ಈ ತೂಗು ಸೇತುವೆ ಬಗ್ಗೆ ಚಿಂತೆಯಾಗಿದೆ. ಜಿಲ್ಲಾ ಪಂಚಾಯಿತಿ ಈ ಸೇತುವೆಗಳ ನಿರ್ವಹಣೆ ಬಗ್ಗೆ ಸರ್ವೆ ನಡೆಸಿದೆ. ಆದರೆ, ಈವರೆಗೂ ಬಣ್ಣ ಬಳಿಯುವ ಹಾಗೂ ದುರಸ್ತಿ ಕಾಮಗಾರಿ ಶುರು ಮಾಡಿಲ್ಲ. ಶಾಲಾ ಮಕ್ಕಳು, ಕೃಷಿಕರಿಗೆ ಬೇರೆ ಸಂಪರ್ಕ ವ್ಯವಸ್ಥೆ ಇಲ್ಲದೆ ಈ ತೂಗು ಸೇತುವೆ ಮೇಲೆಯೇ ಸಂಚರಿಸುತ್ತಿದ್ದಾರೆ.