ಲಂಚ: ಪುರಸಭೆ ಮುಖ್ಯಾಧಿಕಾರಿ ಎಸಿಬಿ ಬಲೆಗೆ 

ಕಚೇರಿಯಲ್ಲಿ ಮಂಜುನಾಥ್‌ ಅವರು ಲತಾ ಎಂಬವರಿಂದ ₹ 10 ಸಾವಿರ ಪಡೆಯುವಾಗ ಸಿಕ್ಕಿಬಿದ್ದಿದ್ದಾರೆ.
ಕಡೂರಿನ ವೆಂಕಟೇಶ್ವರನಗರದ ರಘು ಪತ್ನಿ ಲತಾ ಅವರು ದಾನವಾಗಿ ಬಂದಿದ್ದ ನಿವೇಶವನ್ನು ಖಾತೆ ಮಾಡಿಕೊಡಲು ಪುರಸಭೆ ಕಚೇರಿಗೆ ಅರ್ಜಿ ಸಲ್ಲಿಸಿದ್ದರು. ಮುಖ್ಯಾಧಿಕಾರಿ ಮಂಜುನಾಥ್‌ ಅವರು ಖಾತೆ ಮಾಡಿಕೊಡಲು ₹ 25 ಸಾವಿರ ಲಂಚಕ್ಕೆ ಬೇಡಿಕೆ ಇಟ್ಟಿದ್ದರು. ಅರ್ಜಿದಾರರು ನಿರಾಕರಿಸಿದಾಗ ₹ 10 ಸಾವಿರ ಕೊಡುವಂತೆ ಬೇಡಿಕೆ ಇಟ್ಟಿದ್ದರು.

ಲತಾ ಅವರು ಚಿಕ್ಕಮಗಳೂರಿನಲ್ಲಿ ಭ್ರಷ್ಟಾಚಾರ ನಿಗ್ರಹ ದಳ (ಎಸಿಬಿ) ಠಾಣೆಯಲ್ಲಿ ದೂರು ದಾಖಲಿಸಿದ್ದರು.
ಡಿವೈಎಸ್ಪಿ ಸಿ.ಆರ್‌.ಗೀತಾ, ಇನ್‌ಸ್ಪೆಕ್ಟರ್‌ ಎನ್‌. ಮಂಜುನಾಥ್‌, ಕೆ.ಜಿ. ರಾಥೋಡ್‌ ತಂಡ ಕಾರ್ಯಾಚರಣೆ ನಡೆಸಿದ್ದರು.
ಆರೋಪಿ ಮಂಜುನಾಥ್‌ ಅವರನ್ನು ಕೋರ್ಟ್‌ಗೆ ಹಾಜರುಪಡಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.