ಗುರುವಾರ , ಡಿಸೆಂಬರ್ 3, 2020
18 °C
ರಂಭಾಪುರಿ ಪೀಠದ ವೀರಸೋಮೇಶ್ವರ ಸ್ವಾಮೀಜಿ

ಮನುಷ್ಯ ಜೀವನ ಶ್ರೇಷ್ಠವಾದುದು

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಬಾಳೆಹೊನ್ನೂರು: ‘ಮನುಷ್ಯ ಜೀವನ ಶ್ರೇಷ್ಠವಾದುದು. ಮರೆಯು ವುದು ಮನುಷ್ಯನ ಸಹಜ ಸ್ವಭಾವ. ಸತ್ಕರ್ಮಗಳನ್ನು ಮತ್ತೆ ನೆನಪಿಸು ವುದು ಧರ್ಮ ಪೀಠಗಳ ಕರ್ತವ್ಯ. ಸೂರ್ಯೋದಯಕ್ಕೂ ಮುನ್ನ ದೈವ ಆರಾಧನೆ ಮಾಡುವುದು ಒಳ್ಳೆಯದು’ ಎಂದು ರಂಭಾಪುರಿ ಪೀಠದ ವೀರ ಸೋಮೇಶ್ವರ ಸ್ವಾಮೀಜಿ ತಿಳಿಸಿದರು.

ಪೀಠದಲ್ಲಿ 29ನೇ ವರ್ಷದ ಶರನ್ನವರಾತ್ರಿ ಆಚರಣೆಯ 8ನೇ ದಿನವಾದ ಶನಿವಾರ ಮಾತನಾಡಿದ ನೀಡಿದ ಅವರು, ‘ಪ್ರಕೃತಿಯಲ್ಲಿ ಪ್ರಾಣಿ ಪಕ್ಷಿಗಳು ಸಂತಸದಿಂದ ಇವೆ. ಆದರೆ ಮನುಷ್ಯ ನೆಮ್ಮದಿಯಿಂದ ಇಲ್ಲ. ಬೇಕು ಬೇಕೆಂಬ ಭಾವನೆ ದುಃಖ ತರುತ್ತದೆ. ಸಾಕು ಸಾಕು ಎನ್ನುವುದು ತೃಪ್ತಿ ತರುತ್ತದೆ. ದುರ್ವ್ಯಸನ ದುರ್ವ್ಯವಹಾರಗಳಿಗೆ ವ್ಯರ್ಥ ಕಾಲಹರಣ ಮಾಡಿ, ಅಮೂಲ್ಯ ಜೀವನ ಹಾಳು ಮಾಡಿಕೊಳ್ಳುತ್ತಾನೆ. ಅರ್ಥ ಮತ್ತು ಅಧಿಕಾರದ ಬೆನ್ನು
ಹತ್ತಿದ ಮನುಷ್ಯನಿಗೆ ಧರ್ಮದ ಉದಾತ್ತವಾದ ಮೌಲ್ಯಗಳು ಕಣ್ಣಿಗೆ ಕಾಣುವುದಿಲ್ಲ, ಕಿವಿಗೆ ಕೇಳುವುದಿಲ್ಲ. ಅರಮನೆ ಇರಲಿ ಗುಡಿಸಲೇ ಇರಲಿ ದುಡಿಯುವವರ ಬದುಕು ವಿಕಾಸಗೊಂಡು ಪಲ್ಲವಿಸುತ್ತದೆ’ ಎಂದರು.

ಎಡೆಯೂರು ಕ್ಷೇತ್ರದ ರೇಣುಕ ಶಿವಾಚಾರ್ಯ ಸ್ವಾಮೀಜಿ ಅವರು ಎಂ.ಶಿವಶಂಕರಯ್ಯ ರಚಿಸಿದ ‘ಶ್ರೀ ರಂಭಾಪುರಿ ಪೀಠದ ಸಾಂಸ್ಕೃತಿಕ ಅಧ್ಯಯನ’ ಕೃತಿ ಬಿಡುಗಡೆ ಮಾಡಿದರು.

ಯಸಳೂರು ತೆಂಕಲಗೋಡು ಬೃಹನ್ಮಠದ ಚನ್ನಸಿದ್ಧೇಶ್ವರ ಶಿವಾಚಾರ್ಯ ಸ್ವಾಮಿ, ಗುರುಪಾದಯ್ಯ ಸಾಲಿಮಠ ನಾಂದಿ, ಮೆಣಸುಕೂಡಿಗೆ ಪ್ರಸನ್ನಗೌಡ, ಸಿದ್ಧರಬೆಟ್ಟ ಕ್ಷೇತ್ರದ, ಸಂಗೊಳ್ಳಿ ಹಿರೇಮಠದ, ಬೇರುಗಂಡಿ ಬೃಹನ್ಮಠದ, ಸೂಡಿ ಜುಕ್ತಿ ಹಿರೇಮಠದ, ಜಕ್ಕಲಿ ಹಿರೇಮಠದ, ಕುಮಾರಪಟ್ಟಣ ಪುಣ್ಯಕೋಟಿಮಠದ ಸ್ವಾಮೀಜಿ, ವಾರ್ತಾ ಸಂಯೋಜನಾಧಿಕಾರಿ ಸಿ.ಎಚ್. ಬಾಳನಗೌಡ್ರ, ಬೆಳಗೊಳದ ಬಿ.ಎ. ಶಿವಶಂಕರ, ಶಿವಮೊಗ್ಗದ ಶಾಂತಾ ಆನಂದ, ಮಳಲಿ ನಾಗಭೂಷಣ ಶಿವಾಚಾರ್ಯ ಇದ್ದರು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು