ಚಿಕ್ಕಮಗಳೂರು | ರಾಷ್ಟ್ರೀಯ ಹೆದ್ದಾರಿಯಲ್ಲಿ ಇಲ್ಲ ಬೆಳಕಿನ ಭಾಗ್ಯ: ಹೆಚ್ಚಿದ ಅಪಘಾತ

ನಗರದಲ್ಲಿ ಲಾರಿಗಳ ನಿಲ್ದಾಣದಲ್ಲಿ ಸ್ಥಳಾವಕಾಶ ಕೊರತೆ ಇದೆ. ಆದ್ದರಿಂದ ಕೆಲ ಲಾರಿ ಮತ್ತಿತರ ವಾಹನಗಳಿಗೆ ದಂಟರಮಕ್ಕಿ ಕೆರೆ ಏರಿ ಹಾಗೂ ಹೆದ್ದಾರಿಯೇ ನಿಲ್ದಾಣವಾಗಿದೆ. ಬೀದಿ ದೀಪಗಳಿಲ್ಲದೆ ಅತಿ ವೇಗವಾಗಿ ಬರುವ ವಾಹನಗಳು ಕೆಲವೊಮ್ಮೆ ರಾತ್ರಿ ರಸ್ತೆ ಬದಿಯಲ್ಲಿ ವಾಹನಗಳಿಗೆ ಡಿಕ್ಕಿಯಾಗುವ ಸಾಧ್ಯತೆಯೂ ಇದೆ. ಬೇಲೂರು– ಹಿರೇಮಗಳೂರು ಸಂಪರ್ಕ ರಸ್ತೆಯಲ್ಲಿಯೂ ಇದೇ ಸ್ಥಿತಿ ಇದ್ದು ವರ್ಷದಲ್ಲಿ 17 ಅಪಘಾತ ಪ್ರಕರಣಗಳು ದಾಖಲಾಗಿವೆ. ನಗರದಲ್ಲಿ ಒಟ್ಟು 600 ಲಾರಿಗಳಿದ್ದು ದಂಟರಮಕ್ಕಿ ಬಳಿ 150 ಲಾರಿಗಳ ನಿಲ್ದಾಣಕ್ಕೆ ಮಾತ್ರ ಅವಕಾಶವಿದೆ. ಉಳಿದ ಲಾರಿಗಳು ರಸ್ತೆಯಲ್ಲೇ ನಿಲ್ಲಬೇಕಿದೆ ಎನ್ನುತ್ತಾರೆ ಲಾರಿ ಮಾಲೀಕರು.