ಹಿರಿಯೂರು: ನಗರದ ಕಾದಂಬರಿಕಾರ ಡಿ.ಸಿ.ಪಾಣಿ ಅವರ ದೇಹಕ್ಕೆ ಮಂಗಳವಾರ ಬೆಳಗಾವಿಯ ಜೀವನ್ ರೇಖಾ ಆಸ್ಪತ್ರೆಯಲ್ಲಿ ಎರಡನೇ ಬಾರಿಗೆ ಕೋವಿಡ್–19 ಪ್ರಾಯೋಗಿಕ ಲಸಿಕೆಯನ್ನು ಸೇರಿಸಲಾಗಿದೆ.
ಡಾ.ಅಜಯ್ ಅವರು ವಿಶೇಷ ಫಾರ್ಮಾಜೆಟ್ ಮಷಿನ್ ಮೂಲಕ ಪ್ರಾಯೋಗಿಕ ಲಸಿಕೆಯನ್ನು ದೇಹದೊಳಗೆ ಸೇರಿಸಿದರು.
‘ಆ.16ರಂದು ಮೊದಲ ಲಸಿಕೆ ಹಾಕಲಾಗಿತ್ತು. ಮೊದಲ ಹಂತದ ಲಸಿಕಾ ಪ್ರಯೋಗ ಯಶಸ್ವಿಯಾಗಿದೆ’ ಎಂದು ಜೀವನ್ ರೇಖಾ ಆಸ್ಪತ್ರೆ ನಿರ್ದೇಶಕ ಡಾ.ಅಮಿತ್ ಭಾತೆ ತಿಳಿಸಿದ್ದಾರೆ.
‘2–3 ತಿಂಗಳಲ್ಲಿ ಲಸಿಕೆ ಸಿದ್ಧವಾಗುವ ಎಲ್ಲ ಸಾಧ್ಯತೆಗಳಿವೆ. ಜನರನ್ನು ಭೀತಿಗೊಳಿಸಿರುವ ಕೋವಿಡ್–19 ಸಂಕಷ್ಟ ಬಹುಬೇಗ ಅಂತ್ಯ ಕಾಣಲಿದೆ’ ಎಂದು ‘ಪ್ರಜಾವಾಣಿ’ ಜತೆ ಮಾತನಾಡಿದ ಪಾಣಿ ವಿಶ್ವಾಸ ವ್ಯಕ್ತಪಡಿಸಿದರು.