ಹೊಸದುರ್ಗ: ಹೊಸದುರ್ಗ ಟೌನ್‌ಪುರದ ರಸ್ತೆಯಲ್ಲಿ ಈಚೆಗೆ ಮನೆಯ ಬೀಗ ಒಡೆದು ಬೀರುವಿನಲ್ಲಿದ್ದ ₹ 90,000 ಮೌಲ್ಯದ 30 ಗ್ರಾಂ ಚಿನ್ನವನ್ನು ಕಳ್ಳರು ದೋಚಿದ್ದಾರೆ.
ಪಟ್ಟಣದ ಅಲಂಕಾರ್ ಬಾರ್‌ನಲ್ಲಿ ಕ್ಯಾಷಿಯರ್ ಆಗಿ ಕೆಲಸ ಮಾಡುತ್ತಿದ್ದ ಅರುಣ್ ಅವರು ಬುಧವಾರ ಮನೆಗೆ ಬೀಗ ಹಾಕಿ ಪತ್ನಿ ಮನೆಗೆ ಹೋಗಿದ್ದರು. ಗುರುವಾರ ಮನೆಗೆ ಬಂದು ನೋಡಿದಾಗ ಬಾಗಿಲು ತೆರೆದಿತ್ತು. ಬೀರುವಿನಲ್ಲಿದ್ದ 25 ಗ್ರಾಂನ ಬಂಗಾರದ ನೆಕ್ಲೆಸ್, 5 ಗ್ರಾಂನ ಬಂಗಾರದ ಓಲೆಯನ್ನು ಕಳ್ಳರು ಕದ್ದಿದ್ದಾರೆ.
ಈ ಕುರಿತು ಹೊಸದುರ್ಗ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
