ನೀಲಕಂಠೇಶ್ವರ ದೇವಾಲಯ ಜೀರ್ಣೋದ್ಧಾರ, ಕಳಶ ಪ್ರತಿಷ್ಠಾಪನೆ

ಗಣಪತಿ ಪೂಜೆ, ವೇದ-ಮಂತ್ರ ಘೊಷ, ಹೋಮ, ಆಂಜನೇಯಸ್ವಾಮಿ, ಕಾಳಿಕಾ ಮಾತೆ ಮತ್ತು ನೀಲಕಂಠೇಶ್ವರ ಸ್ವಾಮಿಗೆ ಅಭಿಷೇಕ, ವಿಶೇಷ ಪೂಜೆ ಹಾಗೂ ಮಹಾ ಮಂಗಳಾರತಿ ಕಾರ್ಯಕ್ರಮ ನಡೆಯಿತು.

ನಂತರ ನಂದಿಧ್ವಜ, ಮಂಗಳವಾದ್ಯದೊಂದಿಗೆ ಗ್ರಾಮದ ಪ್ರಮುಖ ಬೀದಿಗಳಲ್ಲಿ ನೂತನ ಪಂಚಕಳಶ ಹಾಗೂ ಪೂರ್ಣಕುಂಭದ ಮೆರವಣಿಗೆ ನಡೆಯಿತು.

ಕಾಲುವೆಹಳ್ಳಿ ಗ್ರಾಮದ ಎಂ.ರೇಣುಕಸ್ವಾಮಿ ಕಳಶ ಪ್ರತಿಷ್ಠಾಪನಾ ಕಾರ್ಯ ನೆರವೇರಿಸಿದರು. ನಾಯಕನಹಟ್ಟಿ ಸಂಸ್ಕೃತ ಪಾಠಶಾಲೆಯ ವಿದ್ವಾನ್ ವೀರೇಶ್ ಹಿರೇಮಠ, ದಾವಣಗೆರೆ ಜಿಲ್ಲೆಯ ಜಗಳೂರು ತಾಲ್ಲೂಕಿನ ಮುಸ್ಟೂರು ಓಂಕಾರೇಶ್ವರ ಮಠದ ರುದ್ರಮುನಿ ಸ್ವಾಮೀಜಿ, ರೈತ ಮುಖಂಡ ಕೆ.ಪಿ.ಭೂತಯ್ಯ, ಗಾದ್ರಿಪಾಲಯ್ಯ, ಓಬಣ್ಣ, ರಾಘವೇಂದ್ರ, ನಾಗರಾಜ, ತಿಪ್ಪೇಸ್ವಾಮಿ, ಗಾದ್ರಯ್ಯ, ಮಂಜುನಾಥ್, ರಂಗಸ್ವಾಮಿ ಭಾಗವಹಿಸಿದ್ದರು.