ಕರಾವಳಿ: ಸಂಗೀತ ಸೇವೆಯ 'ಗೀತಾ ತುಂಗ'

ಗೀತಾ ತುಂಗ ಅವರು ಕಳೆದ 32 ವರ್ಷದಿಂದ ಬ್ರಹ್ಮಾವರ ಮತ್ತು ಸಾಲಿಗ್ರಾಮದಲ್ಲಿ ಉಚಿತ ಸಂಗೀತ ತರಗತಿಗಳನ್ನು ನಡೆಸುತ್ತಿದ್ದು, ಅನೇಕ ಸಂಗೀತಗಾರರನ್ನು ಸಮಾಜಕ್ಕೆ ನೀಡಿದ್ದಾರೆ. ಬ್ರಹ್ಮಾವರದ ಉದ್ಯಮಿ ಹಾಗೂ ಸಂಗೀತಗಾರರಾಗಿದ್ದ ದಿ.ರಾಮ ಶೆಟ್ಟಿಗಾರ್ ಅವರ ತ್ಯಾಗರಾಜ ಸಂಗೀತ ಶಾಲೆಯಲ್ಲಿ ಸಂಗೀತಾಭ್ಯಾಸ ಮಾಡಿದ್ದರು. ಅವರ ಕಾಲಾನಂತರಅದೇ ಸಂಗೀತ ಶಾಲೆಯಲ್ಲಿ ಸಂಗೀತ ಗುರುವಾಗಿ ಉಚಿತವಾಗಿ ಸಂಗೀತವನ್ನು ಧಾರೆ ಎರೆಯುತ್ತಿದ್ದಾರೆ.

ಬ್ರಹ್ಮಾವರ ಸುತ್ತಮುತ್ತಲಿನ ಗ್ರಾಮೀಣ ಭಾಗದ ಸಂಗೀತಾಸಕ್ತರಿಗೆ ಮತ್ತು ಸಾಲಿಗ್ರಾಮದಲ್ಲಿರುವ ತಮ್ಮ ಮನೆಯಲ್ಲಿಯೇ ಪ್ರತಿ ಶನಿವಾರ ಮತ್ತು ಭಾನುವಾರ ಕರ್ನಾಟಕ ಸಂಗೀತ ಕಲಿಸಿಕೊಡುತ್ತಿದ್ದಾರೆ. ಅಲ್ಲದೇ, ಪ್ರೌಢಶಿಕ್ಷಣ ಇಲಾಖೆಯಿಂದ ನಡೆಸಲಾಗುವ ಸಂಗೀತದ ಜೂನಿಯರ್ ಮತ್ತು ಸೀನಿಯರ್ ಪರೀಕ್ಷೆ
ಗಳನ್ನು ಬರೆಯಲು ಪ್ರೋತ್ಸಾಹಿಸುತ್ತಿದ್ದಾರೆ. ಇಲಾಖೆ ನಡೆಸುವ ಪರೀಕ್ಷೆಗೆ ಕಳೆದ 11 ವರ್ಷದಿಂದ ಪರೀಕ್ಷಾ ಅಧಿಕಾರಿಯಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ.

ಪರಿಸರದ ಶಾಲೆಗಳಲ್ಲಿ ವಾರ್ಷಿಕೋತ್ಸವ, ಹಲವು ಭಜನಾ ತಂಡಗಳ ಕಾರ್ಯಕ್ರಮಗಳಲ್ಲಿ ಹಾಡುಗಾರಿಕೆ
ಯೊಂದಿಗೆ ಹಾರ್ಮೋನಿಯಂನ ಹಿನ್ನೆಲೆ ಸಂಗೀತ ನೀಡುವುದರಲ್ಲಿಯೂ ನಿಸ್ಸೀಮರಾದ ಇವರು,
ಹಲವು ವರ್ಷಗಳಿಂದಪ್ರತಿಭಾ ಕಾರಂಜಿ ಮತ್ತು ಸ್ಪರ್ಧಾ ಕಾರ್ಯಕ್ರಮಗಳಿಗೆ ತೀರ್ಪುಗಾರರಾಗಿ ಸಹಕರಿಸುತ್ತಿ
ದ್ದಾರೆ.ಶೈಕ್ಷಣಿಕ ಮೌಲ್ಯಗಳನ್ನು ಅಳವಡಿಸಿಕೊಂಡು ಬಡ ಮಕ್ಕಳಿಗೆ ಮಮತೆಯ ಅಂತಃಕರಣ ತೋರಿಸುತ್ತಾ ಗ್ರಾಮೀಣ ಸಂಗೀತ ಆಸಕ್ತರಿಗೆ ಉಚಿತವಾಗಿ ಸಂಗೀತಾಭ್ಯಾಸ ನೀಡುತ್ತಿದ್ದಾರೆ.

ಪ್ರಾಚೀನ ಕಲಾ ಶಿಕ್ಷಣಕ್ಕೆ ಮರುಜೀವ ನೀಡುವ ಕಾರ್ಯ ಮಾಡುತ್ತಿರುವ ಗೀತಾ ತುಂಗ ಆದರ್ಶಪ್ರಾಯರಾಗಿದ್ದಾರೆ. ಹೆಚ್ಚಿನ ಮಾಹಿತಿಗೆ (ಮೊ.9964213639)