ಕಟ್ಟಡ ಬೈಲಾ: ನಗರದ ಸದೃಢ ಬೆಳವಣಿಗೆಗೆ ಶಿಸ್ತಿನ ಚೌಕಟ್ಟು

ಬೈಲಾ ರೂಪಿಸುವ ಪ್ರಕ್ರಿಯೆ ಶುರುವಾಗಿ 15 ವರ್ಷಗಳಾಗಿವೆ. ಈಗ ಪಾಲಿಕೆ ಸಭೆಯಲ್ಲಿ ಅದರ ಕರಡು ಅನುಮೋದನೆಗೊಂಡು ಸರ್ಕಾರಕ್ಕೆ ಸಲ್ಲಿಕೆಯಾಗಿರುವುದು ಒಳ್ಳೆಯ ಬೆಳವಣಿಗೆ. ಪ್ರತಿ ಐದರಿಂದ 10 ವರ್ಷಗಳ ಅವಧಿಯಲ್ಲಿ ನಗರದ ಬೆಳವಣಿಗೆಯ ವೈಖರಿ ಬದಲಾಗುತ್ತದೆ.  ಈಗಿನ ಬೆಳವಣಿಗೆ ಹೇಗೆ ಆಗುತ್ತಿದೆ ಎಂಬುದನ್ನು ನೋಡಿಕೊಂಡು  ನಗರದ ಭವಿಷ್ಯದಲ್ಲಿ ಯಾವ ರೀತಿ ಅಭಿವೃದ್ಧಿ ಆಗಬೇಕು ಎಂಬುದನ್ನು ಗಮನದಲ್ಲಿ ಇಟ್ಟುಕೊಂಡು ಪಾಲಿಕೆ ಕಟ್ಟಡ ಉಪವಿಧಿಯನ್ನು ರೂಪಿಸಿದೆ. ಉಪ ವಿಧಿ  ನಗರದ ಅಭಿವೃದ್ಧಿಗೆ ಪೂರಕವಾಗಿರಲಿದೆ ಎಂಬ ವಿಶ್ವಾಸ ಇದೆ.