<p><strong>ಮಂಗಳೂರು: </strong>ಎರಡು ಶಿಶುಗಳಲ್ಲಿ ದೇಹದಿಂದ ಹೊರಬಂದಿದ್ದ ಬೆನ್ನುಮೂಳೆಯನ್ನು ದೇಹದಲ್ಲಿ ಸೇರಿಸುವ ಶಸ್ತ್ರಚಿಕಿತ್ಸೆಯನ್ನು ಇಲ್ಲಿನ ಫಾದರ್ ಮುಲ್ಲರ್ ವೈದ್ಯಕೀಯ ಕಾಲೇಜಿನಲ್ಲಿ ಯಶಸ್ವಿಯಾಗಿ ಮಾಡಲಾಗಿದೆ.</p>.<p>30 ವಾರದಲ್ಲಿ ಜನಿಸಿದ್ದ 1ಕೆ.ಜಿ. 700 ಗ್ರಾಂ ತೂಕವಿದ್ದ ಒಂದು ಮಗು ಹಾಗೂ 2 ಕೆ.ಜಿ. 600 ಗ್ರಾಂ ತೂಕವಿದ್ದ ಇನ್ನೊಂದು ಮಗುವಿನಲ್ಲಿ ‘ಮೈಲ್ಮೆನಿಂಗೋಕೊಯಿಲ್’ ಎನ್ನುವ ವಿಚಿತ್ರ ಸ್ಥಿತಿ ಕಂಡು ಬಂದಿತ್ತು. ಈ ಪ್ರಕರಣದಲ್ಲಿ ಬೆನ್ನುಮೂಳೆಯು ದೇಹದಿಂದ ಹೊರಗೆ ಬಂದಿರುತ್ತದೆ. ಹಾಗೆಯೇ ಬಿಟ್ಟಲ್ಲಿ ದೈಹಿಕ ತೊಂದರೆ ಕಾಣಿಸಿಕೊಳ್ಳುವ ಸಾಧ್ಯತೆಗಳು ಹೆಚ್ಚಾಗಿರುತ್ತವೆ.</p>.<p>ಎರಡೂ ಶಿಶುಗಳನ್ನು ಆಸ್ಪತ್ರೆಯ ನೂತನ ಶಿಶು ಆರೈಕೆ ಘಟಕದಲ್ಲಿ ದಾಖಲು ಮಾಡಿಕೊಳ್ಳಲಾಗಿತ್ತು. ವೈದ್ಯರ ನಾಲ್ಕು ತಂಡಗಳು ಕೂಲಂಕಷವಾಗಿ ಚರ್ಚಿಸಿ, ಶಿಶುಗಳಿಗೆ ಶಸ್ತ್ರಚಿಕಿತ್ಸೆ ನಡೆಸಲು ನಿರ್ಧರಿಸಿದವು. ಸಿಟಿ ಮತ್ತು ಎಂಆರ್ಐ ಸ್ಕ್ಯಾನ್ ಮೂಲಕ ಬೆನ್ನಮೂಳೆಯ ಸ್ಥಿತಿಯನ್ನು ಪರಿಶೀಲಿಸಲಾಯಿತು.</p>.<p>ನ್ಯೂರೋಸರ್ಜರಿ, ಶಿಶು ಆರೈಕೆ ವಿಭಾಗ, ಪ್ಲಾಸ್ಟಿಕ್ ಸರ್ಜರಿ ಹಾಗೂ ಅರವಳಿಕೆ ತಜ್ಞರ ತಂಡ ಯಶಸ್ವಿಯಾಗಿ ಶಸ್ತ್ರಚಿಕಿತ್ಸೆ ಪೂರ್ಣಗೊಳಿಸಿದ್ದು, ಬೆನ್ನಮೂಳೆಯನ್ನು ದೇಹದಲ್ಲಿ ಸೇರ್ಪಡೆ ಮಾಡಲಾಗಿದೆ. ಏಳು ಗಂಟೆಯ ಸುದೀರ್ಘ ಶಸ್ತ್ರಚಿಕಿತ್ಸೆ ನಡೆಸಲಾಗಿದ್ದು, ಶಿಶುಗಳು ಚೇತರಿಸಿಕೊಳ್ಳುತ್ತಿವೆ.</p>.<p>‘ಈ ಶಸ್ತ್ರಚಿಕಿತ್ಸೆಯು ಸವಾಲಾಗಿತ್ತು. ಪ್ರತಿ ಹಂತದಲ್ಲೂ ಉತ್ತಮ ಚಿಕಿತ್ಸೆ ನೀಡುವ ಮೂಲಕ ಶಸ್ತ್ರಚಿಕಿತ್ಸೆಯನ್ನು ಯಶಸ್ವಿಯಾಗಿ ನಿಭಾಯಿಸಲಾಗಿದೆ. ಶಿಶುಗಳ ಪಾಲಕರೂ ಪರಿಸ್ಥಿತಿಯನ್ನು ಅರ್ಥಮಾಡಿಕೊಂಡು ಶಸ್ತ್ರಚಿಕಿತ್ಸೆಗೆ ಸಹಕಾರ ನೀಡಿದ್ದಾರೆ. ವೈದ್ಯರ ತಂಡವೂ ಉತ್ತಮ ಕೆಲಸ ಮಾಡಿದೆ' ಎಂದು ಆಸ್ಪತ್ರೆಯ ನ್ಯೂರೋ ಸರ್ಜನ್ ಡಾ.ಗ್ರೋವರ್ ಲೋಬೊ ತಿಳಿಸಿದ್ದಾರೆ.</p>.<p>ಡಾ.ಪ್ರವೀಣ್, ಡಾ.ಮಾರಿಯೊ, ಡಾ.ಬಾಲಕೃಷ್ಣ, ಡಾ.ವಿಷ್ಮಾ, ಡಾ.ಅನಂತ ಹಾಗೂ ಡಾ.ಅರವಿಂದ ರಾವ್ ಅವರನ್ನು ಒಳಗೊಂಡ ತಂಡ ಈ ಶಸ್ತ್ರಚಿಕಿತ್ಸೆಯನ್ನು ಮಾಡಿದೆ. ಫಾದರ್ ಮುಲ್ಲರ್ ಚಾರಿಟಬಲ್ ಸಂಸ್ಥೆಗಳ ನಿರ್ದೇಶಕ ಫಾ. ರಿಚರ್ಡ್ ಕುವೆಲ್ಲೊ, ಆಸ್ಪತ್ರೆಯ ಆಡಳಿತಾಧಿಕಾರಿ ಫಾ. ರುಡಾಲ್ಫ್ ಡೇಸಾ ಅವರು ವೈದ್ಯರ ತಂಡವನ್ನು ಅಭಿನಂದಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮಂಗಳೂರು: </strong>ಎರಡು ಶಿಶುಗಳಲ್ಲಿ ದೇಹದಿಂದ ಹೊರಬಂದಿದ್ದ ಬೆನ್ನುಮೂಳೆಯನ್ನು ದೇಹದಲ್ಲಿ ಸೇರಿಸುವ ಶಸ್ತ್ರಚಿಕಿತ್ಸೆಯನ್ನು ಇಲ್ಲಿನ ಫಾದರ್ ಮುಲ್ಲರ್ ವೈದ್ಯಕೀಯ ಕಾಲೇಜಿನಲ್ಲಿ ಯಶಸ್ವಿಯಾಗಿ ಮಾಡಲಾಗಿದೆ.</p>.<p>30 ವಾರದಲ್ಲಿ ಜನಿಸಿದ್ದ 1ಕೆ.ಜಿ. 700 ಗ್ರಾಂ ತೂಕವಿದ್ದ ಒಂದು ಮಗು ಹಾಗೂ 2 ಕೆ.ಜಿ. 600 ಗ್ರಾಂ ತೂಕವಿದ್ದ ಇನ್ನೊಂದು ಮಗುವಿನಲ್ಲಿ ‘ಮೈಲ್ಮೆನಿಂಗೋಕೊಯಿಲ್’ ಎನ್ನುವ ವಿಚಿತ್ರ ಸ್ಥಿತಿ ಕಂಡು ಬಂದಿತ್ತು. ಈ ಪ್ರಕರಣದಲ್ಲಿ ಬೆನ್ನುಮೂಳೆಯು ದೇಹದಿಂದ ಹೊರಗೆ ಬಂದಿರುತ್ತದೆ. ಹಾಗೆಯೇ ಬಿಟ್ಟಲ್ಲಿ ದೈಹಿಕ ತೊಂದರೆ ಕಾಣಿಸಿಕೊಳ್ಳುವ ಸಾಧ್ಯತೆಗಳು ಹೆಚ್ಚಾಗಿರುತ್ತವೆ.</p>.<p>ಎರಡೂ ಶಿಶುಗಳನ್ನು ಆಸ್ಪತ್ರೆಯ ನೂತನ ಶಿಶು ಆರೈಕೆ ಘಟಕದಲ್ಲಿ ದಾಖಲು ಮಾಡಿಕೊಳ್ಳಲಾಗಿತ್ತು. ವೈದ್ಯರ ನಾಲ್ಕು ತಂಡಗಳು ಕೂಲಂಕಷವಾಗಿ ಚರ್ಚಿಸಿ, ಶಿಶುಗಳಿಗೆ ಶಸ್ತ್ರಚಿಕಿತ್ಸೆ ನಡೆಸಲು ನಿರ್ಧರಿಸಿದವು. ಸಿಟಿ ಮತ್ತು ಎಂಆರ್ಐ ಸ್ಕ್ಯಾನ್ ಮೂಲಕ ಬೆನ್ನಮೂಳೆಯ ಸ್ಥಿತಿಯನ್ನು ಪರಿಶೀಲಿಸಲಾಯಿತು.</p>.<p>ನ್ಯೂರೋಸರ್ಜರಿ, ಶಿಶು ಆರೈಕೆ ವಿಭಾಗ, ಪ್ಲಾಸ್ಟಿಕ್ ಸರ್ಜರಿ ಹಾಗೂ ಅರವಳಿಕೆ ತಜ್ಞರ ತಂಡ ಯಶಸ್ವಿಯಾಗಿ ಶಸ್ತ್ರಚಿಕಿತ್ಸೆ ಪೂರ್ಣಗೊಳಿಸಿದ್ದು, ಬೆನ್ನಮೂಳೆಯನ್ನು ದೇಹದಲ್ಲಿ ಸೇರ್ಪಡೆ ಮಾಡಲಾಗಿದೆ. ಏಳು ಗಂಟೆಯ ಸುದೀರ್ಘ ಶಸ್ತ್ರಚಿಕಿತ್ಸೆ ನಡೆಸಲಾಗಿದ್ದು, ಶಿಶುಗಳು ಚೇತರಿಸಿಕೊಳ್ಳುತ್ತಿವೆ.</p>.<p>‘ಈ ಶಸ್ತ್ರಚಿಕಿತ್ಸೆಯು ಸವಾಲಾಗಿತ್ತು. ಪ್ರತಿ ಹಂತದಲ್ಲೂ ಉತ್ತಮ ಚಿಕಿತ್ಸೆ ನೀಡುವ ಮೂಲಕ ಶಸ್ತ್ರಚಿಕಿತ್ಸೆಯನ್ನು ಯಶಸ್ವಿಯಾಗಿ ನಿಭಾಯಿಸಲಾಗಿದೆ. ಶಿಶುಗಳ ಪಾಲಕರೂ ಪರಿಸ್ಥಿತಿಯನ್ನು ಅರ್ಥಮಾಡಿಕೊಂಡು ಶಸ್ತ್ರಚಿಕಿತ್ಸೆಗೆ ಸಹಕಾರ ನೀಡಿದ್ದಾರೆ. ವೈದ್ಯರ ತಂಡವೂ ಉತ್ತಮ ಕೆಲಸ ಮಾಡಿದೆ' ಎಂದು ಆಸ್ಪತ್ರೆಯ ನ್ಯೂರೋ ಸರ್ಜನ್ ಡಾ.ಗ್ರೋವರ್ ಲೋಬೊ ತಿಳಿಸಿದ್ದಾರೆ.</p>.<p>ಡಾ.ಪ್ರವೀಣ್, ಡಾ.ಮಾರಿಯೊ, ಡಾ.ಬಾಲಕೃಷ್ಣ, ಡಾ.ವಿಷ್ಮಾ, ಡಾ.ಅನಂತ ಹಾಗೂ ಡಾ.ಅರವಿಂದ ರಾವ್ ಅವರನ್ನು ಒಳಗೊಂಡ ತಂಡ ಈ ಶಸ್ತ್ರಚಿಕಿತ್ಸೆಯನ್ನು ಮಾಡಿದೆ. ಫಾದರ್ ಮುಲ್ಲರ್ ಚಾರಿಟಬಲ್ ಸಂಸ್ಥೆಗಳ ನಿರ್ದೇಶಕ ಫಾ. ರಿಚರ್ಡ್ ಕುವೆಲ್ಲೊ, ಆಸ್ಪತ್ರೆಯ ಆಡಳಿತಾಧಿಕಾರಿ ಫಾ. ರುಡಾಲ್ಫ್ ಡೇಸಾ ಅವರು ವೈದ್ಯರ ತಂಡವನ್ನು ಅಭಿನಂದಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
