ನಕಲಿ ಉದ್ದಿಮೆ ಪರವಾನಗಿ ನೀಡಿ ವಂಚನೆ: ದಲ್ಲಾಳಿ ವಿರುದ್ಧ ಎಫ್‌ಐಆರ್ ದಾಖಲು

ಮಂಗಳೂರು: ಮಂಗಳೂರು ಮಹಾನಗರ ಪಾಲಿಕೆಯ ಉದ್ದಿಮೆ ಪರವಾನಗಿ ಶುಲ್ಕ ಪಾವತಿಸುವ ಸಲುವಾಗಿ ದಲ್ಲಾಳಿಯೊಬ್ಬರು ವ್ಯಾಪಾರಿಗಳಿಂದ ಹಣ ಪಡೆದು, ನಕಲಿ ದಾಖಲೆ ನೀಡಿ ವಂಚಿಸಿದ್ದು, ಈ ಬಗ್ಗೆ ಪಾಲಿಕೆ ಅಧಿಕಾರಿಗಳು ಕಂಕನಾಡಿ ನಗರ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.

. ಪಡೀಲ್ ಬಳಿಯ ಬಜಾಲ್ನ ಪಿಠೋಪಕರಣ ವರ್ಕ್ಶಾಪ್ನ ಮಾಲೀಕರೊಬ್ಬರಿಗೆ ನ್ಯಾಯಾಲಯಕ್ಕೆ ಸಲ್ಲಿಸಲು 15 ವರ್ಷಗಳ ಉದ್ದಿಮೆ ಪರವಾನಗಿ ದಾಖಲಾತಿಗಳು ಬೇಕಾಗಿದ್ದವು. ಅದನ್ನು ಪಡೆಯಲು ಅವರು ಪಾಲಿಕೆ ಕಚೇರಿಗೆ ತೆರಳಿದಾಗ ವಂಚನೆಗೆ ಒಳಗಾಗಿರುವುದು ಗೊತ್ತಾಗಿದೆ.

. ‘ವರ್ಕ್ಶಾಪ್ನ ಉದ್ದಿಮೆ ಪರವಾನಗಿ ದಾಖಲೆ ಪಡೆಯಲು ಪಾಲಿಕೆ ಕಚೇರಿಗೆ ಹೋಗಿದ್ದೆವು. ಈ ವರ್ಷದ ಉದ್ದಿಮೆ ಪರವಾನಗಿ ನವೀಕರಣ ಆಗಿಲ್ಲ ಎಂದು ಅಧಿಕಾರಿಗಳು ತಿಳಿಸಿದ್ದರು. ಏಜೆಂಟ್ ಮೂಲಕ ಶುಲ್ಕ ಕಟ್ಟಿ ಪರವಾನಗಿ ನವೀಕರಿಸಿದ್ದೇವೆ ಎಂದು ಉದ್ದಿಮೆ ಪರವಾನಗಿಯ ಪ್ರತಿಯನ್ನು ಅಧಿಕಾರಿಗಳಿಗೆ ತೋರಿಸಿದೆವು. ಪಾಲಿಕೆಯಿಂದ ನೀಡುವ ಉದ್ದಿಮೆ ಪರವಾನಗಿಯ ತರಹವೇ ಕಾಣುತ್ತಿದ್ದ ಆ ದಾಖಲೆ ನೋಡಿ ಸ್ವತಃ ಪಾಲಿಕೆ ಅಧಿಕಾರಿಗಳೂ ಅವಾಕ್ಕಾದರು. ಅದರೆ, ಪಾಲಿಕೆ ದಾಖಲೆಗಳಲ್ಲಿ ನಮ್ಮ ವರ್ಕ್ಶಾಪ್ನ ಉದ್ದಿಮೆ ಪರವಾನಗಿ ನವೀಕರಿಸಿದ ವಿವರ ದಾಖಲಾಗಿರಲಿಲ್ಲ’ ಎಂದು ಸಂತ್ರಸ್ತರೊಬ್ಬರು ‘ಪ್ರಜಾವಾಣಿ’ಗೆ ತಿಳಿಸಿದರು.

. ‘ವಂಚನೆ ಮಾಡಿರುವ ದಲ್ಲಾಳಿ ಅನೇಕ ವರ್ಷಗಳಿಂದ ನಮಗೆ ಉದ್ದಿಮೆ ಪರವಾನಗಿ ನವೀಕರಣ ಮಾಡಿಕೊಡುತ್ತಿದ್ದ. ಆದರೆ, ಈ ವರ್ಷ ನಕಲಿ ಉದ್ದಿಮೆ ಪರವಾನಗಿ ನೀಡಿ ವಂಚಿಸಿದ್ದಾನೆ. ಆತನ ವಿರುದ್ಧ ಪೊಲೀಸರಿಗೆ ದೂರು ನೀಡಿದ್ದೇವೆ’ ಎಂದರು.

. ಪಂಪ್ವೆಲ್ನ ಮಳಿಗೆಯೊಂದರ ಮಾಲೀಕರೂ ಅದೇ ದಲ್ಲಾಳಿಯಿಂದ ವಂಚನೆಗೆ ಒಳಗಾಗಿದ್ದಾರೆ.

. ‘ಪಡೀಲ್ ಬಜಾಲ್ನ ಪಿಠೋಪಕರಣ ವರ್ಕ್ಶಾಪ್ನ ಮಾಲೀಕರೊಬ್ಬರು ಉದ್ದಿಮೆ ಪರವಾನಗಿ ಕುರಿತ ದಾಖಲೆ ಪಡೆಯಲು ಬಂದಿದ್ದರು. ಅವರು ತೋರಿಸಿದ ಉದ್ದಿಮೆ ಪರವಾನಗಿಯನ್ನು ನೋಡಿದಾಗ, ಅದು ನಕಲಿ ಎಂಬುದು ತಿಳಿಯಿತು. ಪೃಥ್ವಿರಾಜ್ ಎಂಬ ದಲ್ಲಾಳಿ ಮೂಲಕ ಅವರು ಉದ್ದಿಮೆ ಪರವಾನಗಿ ಪಡೆದಿದ್ದುದು ತಿಳಿಯಿತು. ಈ ಬಗ್ಗೆ ದಲ್ಲಾಳಿ ವಿರುದ್ಧ ಕಂಕನಾಡಿಯ ನಗರ ಪೊಲೀಸ್ ಠಾಣೆಗೆ ದೂರು ನೀಡಿದ್ದು, ಎಫ್ಐಆರ್ ದಾಖಲಾಗಿದೆ’ ಎಂದು ಪಾಲಿಕೆ ಆಯುಕ್ತ ರವಿಚಂದ್ರ ನಾಯಕ್ ‘ಪ್ರಜಾವಾಣಿ’ಗೆ ತಿಳಿಸಿದರು.

. ‘ಇದೇ ರೀತಿ ಬೇರೆ ಉದ್ಯಮಿಗಳಿಗೂ ವಂಚನೆ ಆಗಿರುವ ಸಾಧ್ಯತೆ ಇದೆ. ಸುಮಾರು 4 ಸಾವಿರ ಮಂದಿಯ ಉದ್ದಿಮೆ ಪರವಾನಗಿ ಇನ್ನೂ ನವೀಕರಣ ಆಗಿಲ್ಲ. ಉದ್ದಿಮೆ ಪರವಾನಗಿ ನವೀಕರಣ ಆಗದವರು ಪಾಲಿಕೆಯ ವೆಬ್ಸೈಟ್ನ (http://www.mangalurucity.mrc.gov.in) ನಾಗರಿಕ ಸೇವೆಗಳ ವಿಭಾಗದಲ್ಲಿ ಪರಿಶೀಲಿಸಿಕೊಳ್ಳಬೇಕು’ ಎಂದು ಅವರು ಸಲಹೆ ನೀಡಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ನಕಲಿ ಉದ್ದಿಮೆ ಪರವಾನಗಿ ನೀಡಿ ವಂಚನೆ: ದಲ್ಲಾಳಿ ವಿರುದ್ಧ ಎಫ್‌ಐಆರ್ ದಾಖಲು

ಚಿನಕುರುಳಿ Cartoon: 13 ಜುಲೈ 2025

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

ವಾರ ಭವಿಷ್ಯ: 2025 ಜುಲೈ 13ರಿಂದ 19ರವರೆಗೆ– ಉದ್ಯೋಗದಲ್ಲಿ ಅಭಿವೃದ್ಧಿ ಕಾಣಬಹುದು

ಧರ್ಮ ಮರೆಮಾಚಿ ಹಿಂದೂ ಯುವತಿಯನ್ನು ಮದುವೆಯಾಗಿದ್ದ ಮುಸ್ಲಿಂ ವ್ಯಕ್ತಿಯ ಬಂಧನ

ಸಿನ್ನರ್‌ಗೆ ವಿಂಬಲ್ಡನ್‌ ಕಿರೀಟ, ಅಲ್ಕರಾಜ್‌ಗೆ ಕೈತಪ್ಪಿದ ಹ್ಯಾಟ್ರಿಕ್ ಪ್ರಶಸ್ತಿ

Lords Test: 193 ರನ್ ಗೆಲುವಿನ ಗುರಿ; ಸಂಕಷ್ಟದಲ್ಲಿ ಭಾರತ 58/4

ರಾಜ್ಯ ಜೂನಿಯರ್, ಸಬ್‌ ಜೂನಿಯರ್ ಈಜು: ಬಿಎಸಿ ತಂಡಕ್ಕೆ ಸಮಗ್ರ ಪ್ರಶಸ್ತಿ

ಶೂಟಿಂಗ್‌ ವಿಶ್ವಕಪ್‌: ಭಾರತಕ್ಕೆ ನಿರಾಸೆ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ Cartoon: 13 ಜುಲೈ 2025

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

ವಾರ ಭವಿಷ್ಯ: 2025 ಜುಲೈ 13ರಿಂದ 19ರವರೆಗೆ– ಉದ್ಯೋಗದಲ್ಲಿ ಅಭಿವೃದ್ಧಿ ಕಾಣಬಹುದು

ಧರ್ಮ ಮರೆಮಾಚಿ ಹಿಂದೂ ಯುವತಿಯನ್ನು ಮದುವೆಯಾಗಿದ್ದ ಮುಸ್ಲಿಂ ವ್ಯಕ್ತಿಯ ಬಂಧನ