ಐಕಳಬಾವ ಕಂಬಳದಿಂದ ಕಾಲಮಿತಿ ನಿಯಮವನ್ನು ಕಟ್ಟುನಿಟ್ಟಾಗಿ ಪಾಲಿಸಲು ಕಂಬಳ ಸಮಿತಿ ಮುಂದಾಗಿದ್ದು ಕೋಣಗಳ ಯಜಮಾನರ ಗಮನ ಸೆಳೆಯಲು ಫ್ಲೆಕ್ಸ್ ಅಳವಡಿಸಿದೆ. ಇದರಲ್ಲಿ ಪ್ರತಿ ಸ್ಪರ್ಧೆಯ ಆರಂಭ ಮತ್ತು ಮುಕ್ತಾಯದ ಸಮಯವನ್ನು ನಮೂದಿಸಲಾಗಿದೆ. ಕೋಣಗಳನ್ನು ಅಣಿಗೊಳಿಸಲು ನಿಗದಿ ಮಾಡಿರುವ ಕೌಂಟ್ ಡೌನ್ ಅವಧಿಯನ್ನು ಕೂಡ ನಮೂದಿಸಲಾಗಿದೆ. ಹಗ್ಗ ಹಿರಿಯ, ಕನೆಹಲಗೆ ಮತ್ತು ಅಡ್ಡಹಲಗೆ ವಿಭಾಗಕ್ಕೆ 10 ನಿಮಿಷ, ಹಗ್ಗ ಕಿರಿಯ ಮತ್ತು ನೇಗಿಲು ಹಿರಿಯ ವಿಭಾಗಕ್ಕೆ 7 ನಿಮಿಷ ಮತ್ತು ನೇಗಿಲು ಕಿರಿಯ ವಿಭಾಗಕ್ಕೆ 5 ನಿಮಿಷಗಳ ಅವಧಿ ನೀಡಲಾಗಿದೆ.