ಶುಕ್ರವಾರ, ಸೆಪ್ಟೆಂಬರ್ 30, 2022
24 °C
₹ 6.76 ಕೋಟಿ ವೆಚ್ಚದಲ್ಲಿ ನಿರ್ಮಾಣ

ಮಂಗಳೂರು ಸೆಂಟ್ರಲ್‌ನಲ್ಲಿ ಹೊಸ ಪಿಟ್‌ಲೈನ್

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಮಂಗಳೂರು: ಮಂಗಳೂರು ಸೆಂಟ್ರಲ್ ರೈಲ್ವೆ ನಿಲ್ದಾಣದ ಕೋಚಿಂಗ್ ಡಿಪೊದಲ್ಲಿ ಹೊಸ ಪಿಟ್‌ಲೈನ್ ಅನ್ನು ದಕ್ಷಿಣ ರೈಲ್ವೆಯ ಜನರಲ್ ಮ್ಯಾನೇಜರ್ ಬಿ.ಜಿ.ಮಲ್ಯ ಬುಧವಾರ ಉದ್ಘಾಟಿಸಿದರು. ಹೊಸ ಫ್ಲಾಟ್‌ ಫಾರ್ಮ್ 4 ಮತ್ತು 5ರಲ್ಲಿ ನಡೆಯುತ್ತಿರುವ ಕಾಮಗಾರಿಗಳನ್ನು ವೀಕ್ಷಿಸಿದರು.

ಈ ವೇಳೆ ಪ್ರಧಾನ ಮುಖ್ಯ ಎಂಜಿನಿಯರ್ ದೇಶ್ ರತನ್ ಗುಪ್ತಾ, ಪ್ರಧಾನ ಮುಖ್ಯ ಮೆಕ್ಯಾನಿಕಲ್ ಎಂಜಿನಿಯರ್ ಗೌತಮ್ ದತ್ತಾ, ವಿಭಾಗೀಯ ರೈಲ್ವೆ ಮ್ಯಾನೇಜರ್ ತ್ರಿಲೋಕ್ ಕೊಠಾರಿ ಇದ್ದರು.

ಹೊಸ ಪಿಟ್‌ಲೈನ್‌ ಅನ್ನು ₹ 6.76 ಕೋಟಿ ವೆಚ್ಚದಲ್ಲಿ ನಿರ್ಮಿಸಲಾಗಿದೆ. ರೈಲ್ವೆ ನಿಲ್ದಾಣದ ಅಭಿವೃದ್ಧಿ ಯೋಜನೆಯ ಪ್ರಕಾರ ಹೊಸ ಪ್ಲಾಟ್‌ಫಾರ್ಮ್‌ಗಳನ್ನು (ನಂ.4 ಮತ್ತು 5) ನಿರ್ಮಿಸಲು ಅನುಕೂಲವಾಗುವಂತೆ ಈ ಹಿಂದೆ ಇದ್ದ 18 ಕೋಚ್‌ಗಳ ಪಿಟ್‌ಲೈನ್ ಬದಲಿಸಿ, 24 ಕೋಚ್‌ಗಳನ್ನು ಹಿಡಿದಿಟ್ಟುಕೊಳ್ಳಬಹುದಾದ ಹೊಸ ಪಿಟ್‌ಲೈನ್ ನಿರ್ಮಿಸಲಾಗಿದೆ. 

ಹಗಲು, ರಾತ್ರಿ ಸಮಯದಲ್ಲಿ ಕೋಚ್ ಕ್ಲೀನಿಂಗ್, ಕೋಚ್ ಚಾರ್ಜಿಂಗ್, ನೀರು ಹಾಕುವುದು ಸೇರಿದಂತೆ ಕೋಚ್‌ಗಳ ವಾಡಿಕೆಯ ನಿರ್ವಹಣೆ ಮತ್ತು ತಪಾಸಣೆಗೆ ಪಿಟ್ ಲೈನ್ ಅನುಕೂಲವಾಗುತ್ತದೆ. ಪಿಟ್‌ಲೈನ್‌ನ ಎರಡೂ ಬದಿಯಲ್ಲಿ 546 ಮೀಟರ್‌ಗಳ ಕ್ಯಾಟ್‌ವಾಕ್‌ಗಳು ರೇಕ್‌ನ ಪ್ರತಿ ಕೋಚ್‌ಗೆ ಸುಲಭ ಪ್ರವೇಶವನ್ನು ಒದಗಿಸುತ್ತವೆ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು