ದ್ವಿತೀಯ ಪಿಯು: ಶೇ 49.48 ಫಲಿತಾಂಶ

ಒಟ್ಟು 1,032 ಖಾಸಗಿ ವಿದ್ಯಾರ್ಥಿಗಳು, ಮೂವರು ಪುನರಾವರ್ತಿತರು ಹಾಗೂ 32 ಮಂದಿ ಇಲಾಖೆ ನೀಡಿದ್ದ ಫಲಿತಾಂಶ ತಿರಸ್ಕರಿಸಿ, ಪರೀಕ್ಷೆ ಬರೆದಿದ್ದರು. ಈ ಪೈಕಿ 494 ಖಾಸಗಿ, ಮೂವರು ಪುನರಾವರ್ತಿತರು ಹಾಗೂ 31 ಮಂದಿ ಫಲಿತಾಂಶ ತಿರಸ್ಕರಿಸಿದವರು ಉತ್ತೀರ್ಣರಾಗಿದ್ದಾರೆ. ಅವರಲ್ಲಿ 281 ವಿದ್ಯಾರ್ಥಿನಿಯರು ಹಾಗೂ 247 ವಿದ್ಯಾರ್ಥಿಗಳು.

ಕಲಾ ವಿಭಾಗದಲ್ಲಿ ಪರೀಕ್ಷೆಗೆ ನೋಂದಾಯಿಸಿದ್ದ 314 ವಿದ್ಯಾರ್ಥಿಗಳಲ್ಲಿ 152 ಮಂದಿ, ವಾಣಿಜ್ಯ ವಿಭಾಗದಲ್ಲಿ 748 ವಿದ್ಯಾರ್ಥಿಗಳಲ್ಲಿ 372 ಮಂದಿ, ವಿಜ್ಞಾನ ವಿಭಾಗದಲ್ಲಿ ಐವರಲ್ಲಿ ನಾಲ್ವರು ಉತ್ತೀರ್ಣರಾಗಿದ್ದಾರೆ.