ಮಂಗಳೂರು: 60 ವರ್ಷಗಳ ಬಳಿಕ ಗೆಳತಿಯರ ಪುನರ್ಮಿಲನ

ಮಂಗಳೂರು: ನಗರದ ಸೇಂಟ್ ಆಗ್ನೆಸ್ ಪ್ರೌಢಶಾಲೆಯ 1965ರ ತಂಡದ ವಿದ್ಯಾರ್ಥಿನಿಯರು 60 ವರ್ಷಗಳ ಬಳಿಕ ಶಾಲೆಯಲ್ಲಿ ಗುರುವಾರ ಮತ್ತೆ ಜೊತೆ ಸೇರಿದರು. ಶಾಲಾ ದಿನಗಳನ್ನು ಮೆಲುಕು ಹಾಕಿ ಸಂಭ್ರಮಿಸಿದರು. ಹಾಡಿದರು, ಕುಣಿದರು, ಆಡಿದರು. 70 ದಾಟಿದ ಅವರೆಲ್ಲರೂ ಮತ್ತೆ ಅಕ್ಷರಶಃ ಹೈಸ್ಕೂಲು ಹುಡಿಗಿಯರಂತಾದರು.

. ಮಧ್ಯಾಹ್ನ ಊಟದ ವೇಳೆ ಕರಾವಳಿಯ ಅಡುಗೆಯ ಸ್ವಾದ 60 ವರ್ಷಗಳ ಹಳೆಯ ನೆನಪುಗಳ ಬುತ್ತಿ ಮತ್ತೆ ಬಿಚ್ಚುವಂತೆ ಮಾಡಿತು. ಶಾಲೆಯ ಪಡಸಾಲೆಯಲ್ಲಿ ಗೆಳತಿಯರ ಜೊತೆ ಒಟ್ಟಿಗೆ ತುತ್ತು ಸವಿದ ಸವಿನೆನಪುಗಳು ಮನದ ಮೂಸೆಯಲ್ಲಿ ಕುಣಿದಾಡಿದವು. ಕೆಲವು ಆಟಗಳು ಅವರನ್ನು ತುದಿಗಾಲಿನಲ್ಲಿ ನಿಲ್ಲಿಸಿದವು.

. ಹತ್ತು ವರ್ಷಗಳ ಹಿಂದೆ ಪ್ರೌಢ ಶಾಲೆಯ ಸುವರ್ಣ ಮಹೋತ್ಸವ ಸಂದರ್ಭದಲ್ಲಿ ಈ ತಂಡದ ವಿದ್ಯಾರ್ಥಿನಿಯರು ಸಂದರ್ಭದಲ್ಲಿ ಜೊತೆಯಾಗಿದ್ದರು. 50 ವರ್ಷಗಳ ಬಳಿಕ ಪುನರ್ಮಿಲನಗೊಂಡ ಮೊದಲ ತಂಡ ಇವರದಾಗಿತ್ತು.

. ‘50 ವರ್ಷಗಳ ಬಳಿಕದ ಪುನರ್ಮಿಲನ ಅವಿಸ್ಮರಣೀಯ ಅನುಭವ ಕಟ್ಟಿಕೊಟ್ಟಿತ್ತು. ಹಳೆಯ ನೆನಪುಗಳನ್ನು ಮೆಲುಕು ಹಾಕಿದ ಕ್ಷಣಗಳು ಚೇತೋಹಾರಿ ಅನುಭವ ನೀಡಿದ್ದವು. ಆ ಬಳಿಕ ನಮ್ಮ ತಂಡದ ವಿದ್ಯಾರ್ಥಿನಿಯರ ನಡುವಿನ ಬಾಂಧವ್ಯ ಮತ್ತಷ್ಟು ಗಟ್ಟಿಯಾಗಿತ್ತು. ಅದೇ ಹುರುಪಿನೊಂದಿಗೆ ನಾವು ವಜ್ರಮಹೋತ್ಸವಕ್ಕೆ ಸಿದ್ಧತೆ ನಡೆಸಿದ್ದೆವು. ಆ ಕ್ಷಣಗಳು ಇಂದು ಸಾಕಾರವಾದವು’ ಎಂದು ವಿದ್ಯಾರ್ಥಿಗಳು ತಿಳಿಸಿದರು.

. ಈ ಹಿಂದೆ ತರಗತಿಯಲ್ಲಿ ಕಾಲ ಕಳೆದ ಅನುಭವಗಳನ್ನು ಮತ್ತೆ ಪಡೆಯುವ ಉದ್ದೇಶ ಅವರದಾಗಿತ್ತು. ಆದರೆ ಆಗಿರುವ ಗಮನಾರ್ಹ ಬದಲಾವಣೆಗಳಿಂದಾಗಿ ಅದು ಸಾಧ್ಯವಾಗಲಿಲ್ಲ. ನಿರೀಕ್ಷಿತ ಸಂಖ್ಯೆಯಲ್ಲಿ ಗೆಳತಿಯರು ಭಾಗವಹಿಸಲು ಸಾಧ್ಯವಾಗದಿರುವುದು ಅವರಲ್ಲಿ ತುಸು ನಿರಾಸೆ ಮೂಡಿಸಿತು.

. ‘ವಯಸ್ಸು ಎಂಬುದು ಕೇವಲ ಸಂಖ್ಯೆ’ ಎನ್ನುತ್ತಾ ಕಾರ್ಯಕ್ರಮದ ಸಂಚಾಲಕಿ ಡಾ.ಆಂಡ್ರ್ಯೂ ಪಿಂಟೊ ಗೆಳತಿಯರನ್ನು ಹುರಿದುಂಬಿಸಿದರು.

. ಸಿಸ್ಟರ್ ಮರಿಯಾ ಸಾರಿಕಾ, ಗೀತಾ, ರೋಸ್ ಮೇರಿ ಕ್ಯೂರಿ ಹಾಗೂ ರೋಸ್ ಪಾಯಸ್ ಈ ಕಾರ್ಯಕ್ರಮಕ್ಕೆ ಬೆಂಬಲ ನೀಡಿದ್ದಕ್ಕೆ ಹಳೆ ವಿದ್ಯಾರ್ಥಿಗಳು ಧನ್ಯವಾದ ಸಲ್ಲಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮಂಗಳೂರು: 60 ವರ್ಷಗಳ ಬಳಿಕ ಗೆಳತಿಯರ ಪುನರ್ಮಿಲನ

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ವಿಶ್ವ ಬಾಕ್ಸಿಂಗ್ ಕಪ್: ಪದಕ ಖಚಿತಪಡಿಸಿಕೊಂಡ ಹಿತೇಶ್‌, ಸಾಕ್ಷಿ

ಕಾರು ಅಪಘಾತ: ಲಿವರ್‌ಪೂಲ್‌ ತಾರೆ ಜೋಟಾ, ಸೋದರ ಸಾವು

IND vs ENG: ಟೆಸ್ಟ್ ಕ್ರಿಕೆಟ್‌ನಲ್ಲಿ ಶುಭಮನ್ ಗಿಲ್ ಚೊಚ್ಚಲ ದ್ವಿಶತಕ ಸಾಧನೆ

ಫಿಡೆ ವಿಶ್ವ ಕೆಡೆಟ್ಸ್‌ ಕಪ್‌: ಚಿನ್ನ ಗೆದ್ದ ಪ್ರತೀತಿ, ಆದ್ಯಾಗೆ ಬೆಳ್ಳಿ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ