ಪಯಸ್ವಿನಿ ಸಮಿತಿ ಜಾಗೃತಿ, ನದಿ ರಕ್ಷಣೆಗೆ ಕ್ರಮ

ಸುಳ್ಯ: ಪಟ್ಟಣ ಸೇರಿದಂತೆ ಸಂಪಾಜೆ, ಅರಂತೋಡು, ಪೆರಾಜೆ, ಜಾಲ್ಸೂರು ಪಂಚಾಯತಿ ಪ್ರದೇಶಗಳು, ಕೇರಳದ ಕಾಸರಗೋಡು ಜಿಲ್ಲೆಯ ಜನರಿಗೆ ನೀರುಣಿಸುವ ಜಲಮೂಲ ಪಯಸ್ವಿನಿ. ಆದರೆ ಜೀವನದಿ ಹಲವು ಕಾರಣಗಳಿಂದ ಮಲೀನ ಆಗುತ್ತಿದೆ.

. ಈ ಮಧ್ಯೆ ‘ಪಯಸ್ವಿನಿ ಉತ್ಸವ ಸಮಿತಿ’ ರಚನೆಯಾಗಿದ್ದು, ಜಲಸಂರಕ್ಷಣೆ, ಮಾಲಿನ್ಯ ತಡೆ ಜಾಗೃತಿ, ವಿಷಾಂಶ, ತೈಲ, ತ್ಯಾಜ್ಯ ಸ್ಪೋಟಕ ಬಳಸದಂತೆ, ಜಲಚರ ಸಂರಕ್ಷಿಸುವಂತೆ ಜನರಲ್ಲಿ ಅರಿವು ಮೂಡಿಸಲು ಯೋಜನೆ ರೂಪಿಸಿದೆ. ಜನಪ್ರತಿನಿಧಿಗಳು, ಪರಿಸರ ಚಿಂತಕರೂ ಈಗ ಕೈಂಕರ್ಯಕ್ಕೆ ಕೈಜೋಡಿಸಲು ಸಜ್ಜಾಗಿದ್ದಾರೆ.

. ಕೊಡಿಗಿನಲ್ಲಿ ಹುಟ್ಟಿ 87 ಕಿ.ಮೀ. ಹರಿದು ಸಮುದ್ರ ಸೇರುವ ಪಯಸ್ವಿನಿ ನದಿಯ ಒಡಲು ತ್ಯಾಜ್ಯ ತುಂಬಿ, ಇದನ್ನೇ ಜೀವ ಸೆಲೆಯಾಗಿಸಿರುವ ಮನುಷ್ಯ, ಪ್ರಾಣಿ-ಪಕ್ಷಿಗಳಿಗೆ ರೋಗ ತರುವ ತಾಣವಾಗುತ್ತಿದೆ. ತುಂಬಿ ಹರಿಯುತ್ತಿದ್ದ ಪಯಸ್ವಿನಿ ಕೆಲವು ವರ್ಷಗಳಿಂದ ಬೇಸಿಗೆಗೆ ಮೊದಲೇ ಬತ್ತುತ್ತಿದೆ.

. ಮೀನಿಗಾಗಿ ವಿಷ: ನೀರಿನ ಮಟ್ಟ ಇಳಿಯುದ್ದಂತೆ ಮೀನು ಹಿಡಿಯುವ ಮಂದಿ ನೀರಲ್ಲಿ ವಿಷ ಬೆರೆಸಿ ಕಲುಷಿತ ಮಾಡುತ್ತಿದ್ದಾರೆ. ಅಡ್ಕಾರ್, ಪಂಜಿಕಲ್, ಪೆರಾಜೆ, ಸಂಪಾಜೆ ಗ್ರಾಮದ ಕಲ್ಲುಗುಂಡಿ ಪ್ರದೇಶದಲ್ಲಿ ಈ ಮೀನುಗಾರಿಕೆ ನಡೆಯುತ್ತಿದೆ. ವಿಷ ಸೇರಿಸಿದ್ದ ಪರಿಣಾಮ ಜಲಚರ ನಾಶ ಆಗುತ್ತಾ ನೀರು ಕೂಡಾ ಕಲುಷಿತಗೊಂಡು ಮಾರಕ ರೋಗಕಾರಕವಾಗುತ್ತಿದೆ.

. ತ್ಯಾಜ್ಯ, ತೈಲ: ಮನೆಗಳ ಮಲಿನ ನೀರು, ಕೆಲವು ಚಿಕ್ಕ ಕೈಗಾರಿಕೆಗಳ ರಾಸಾಯನಿಕಯುಕ್ತ ತ್ಯಾಜ್ಯ ನೀರು, ವಾಹನಗಳನ್ನು ನದಿಗೆ ಇಳಿಸಿ ತೊಳೆಯುತ್ತಿರುವುದರಿಂದ ಡೀಸಲ್, ತೈಲದ ಅಂಶ, ತ್ಯಾಜ್ಯ ನದಿಯ ನೀರನ್ನು ಮಲಿನಗೊಳಿಸುತ್ತಿದೆ. ಅಡ್ಕಾರ್, ಕಾಂತಮಂಗಲ ಭಾಗದಲ್ಲಿ ಕೋಳಿ, ಇತರ ಮಾಂಸ ತ್ಯಾಜ್ಯ ಎಸೆಯುವ ಪರಿಪಾಠ ಮುಂದುವರಿಯುತ್ತಿದೆ.

. ಕುಡಿಯುವ ನೀರು: ಪಟ್ಟಣದಲ್ಲಿ 4000ಕ್ಕೂ ಅಧಿಕ ನಲ್ಲಿ ನೀರಿನ ಸಂಪರ್ಕ ಇದೆ. ಪಯಸ್ವಿನಿ ನದಿಯಿಂದ ಕಲ್ಲಮುಟ್ಲು ಪಂಪ್ ಹೌಸ್ನಲ್ಲಿ 1.50 ಲಕ್ಷ ಗ್ಯಾಲನ್ ಸಾಮರ್ಥ್ಯದ ಎರಡು ಟ್ಯಾಂಕ್ಗಳಲ್ಲಿ ಶೇಖರಿಸಿ ಪೂರೈಸಲಾಗುತ್ತಿದೆ. ನದಿ ಕಲುಷಿತಗೊಂಡ ಪರಿಣಾಮ ಈ ನೀರೇ ಜನರ ಒಡಲು ಸೇರುತ್ತಿದೆ. ಜಾಂಡೀಸ್ (ಹಳದಿ ರೋಗ ಕಾಮಾಲೆ) ಬರುತ್ತಿದೆ. ಏಪ್ರಿಲ್, ಮೇ ತಿಂಗಳಲ್ಲಿ ಪಟ್ಟಣದಲ್ಲಿ ಜಾಂಡೀಸ್ ರೋಗ ಕಂಡುಬರುವುದು ಸಾಮಾನ್ಯ ಎಂಬಂತಾಗಿದೆ. ಪಟ್ಟಣದಲ್ಲಿ ಸರಿಯಾದ ತ್ಯಾಜ್ಯ ನಿರ್ವಹಣಾ ವ್ಯವಸ್ಥೆ, ಶುದ್ಧೀಕರಣ ಘಟಕ ಇಲ್ಲದೆ, ನದಿ ಇನ್ನಷ್ಟು ಮಲೀನವಾಗುತ್ತಿದೆ.

. ಜಾಗೃತಿ: ಪಯಸ್ವಿನಿ ನದಿಯ ಸಂರಕ್ಷಣೆಗಾಗಿ ಜಾಗೃತಿ ಮೂಡಿಸುವ ದೃಷ್ಟಿಯಿಂದ ಪಯಸ್ವಿನಿ ಉತ್ಸವ ಸಮಿತಿ ರಚನೆ ಆಗಿದೆ. ಈ ಸಮಿತಿ ಅಂತರ್ಜಲ ಹೆಚ್ಚಳ, ಮಾಲಿನ್ಯ ತಡೆ ಜಾಗೃತಿ, ಮೀನುಗಾರಿಕೆ ನೆಪದಲ್ಲಿ ನೀರಿಗೆ ವಿಷ ಹಾಕುವುದನ್ನು ತಡೆಯಲು ಅಧಿಕಾರಿ, ಜನಪ್ರತಿನಿಧಿಗಳಿಗೆ ಒತ್ತಡ, ವಿದ್ಯಾರ್ಥಿಗಳಲ್ಲಿ ನದಿ ರಕ್ಷಣಾ ಅರಿವು ಇತ್ಯಾದಿ ಯೋಜನೆಗಳನ್ನು ರೂಪಿಸಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಪಯಸ್ವಿನಿ ಸಮಿತಿ ಜಾಗೃತಿ, ನದಿ ರಕ್ಷಣೆಗೆ ಕ್ರಮ

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ದ್ವಿಶತಕ: ಸಚಿನ್, ಕೊಹ್ಲಿ ಸೇರಿದಂತೆ ದಿಗ್ಗಜರ ದಾಖಲೆಗಳನ್ನು ಮುರಿದ ಗಿಲ್

ಜಾವೆಲಿನ್‌ ಥ್ರೊ ಕೂಟ: ಬೆಂಗಳೂರಿನಲ್ಲಿ ಕಣಕ್ಕಿಳಿಯಲು ನೀರಜ್ ಉತ್ಸುಕ

ಬ್ಯಾಡ್ಮಿಂಟನ್: ಕ್ವಾರ್ಟರ್‌ಗೆ ಶ್ರೀಕಾಂತ್‌

ಚೆಸ್‌: ಮುನ್ನಡೆ ಹಂಚಿಕೊಂಡ ಗುಕೇಶ್‌

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್