ಗೀತಾ ಜಯಂತಿ, ಕೃಷ್ಣಾಷ್ಟಮಿಗೆ ಸಾರ್ವತ್ರಿಕ ರಜೆ ಘೋಷಿಸಲಿ: ಪುತ್ತಿಗೆ ಶ್ರೀ

ಮಂಗಳೂರು: ರಾಜ್ಯ ಸರ್ಕಾರವು ಗೀತಾ ಜಯಂತಿ ಹಾಗೂ ಕೃಷ್ಣಾಷ್ಟಮಿಗೆ ಸಾರ್ವತ್ರಿಕ ರಜೆ ಘೋಷಿಸಲಿ ಎಂದು ನಾಲ್ಕನೇ ಬಾರಿಗೆ ಉಡುಪಿ ಕೃಷ್ಣ ಮಠದ ಸರ್ವಜ್ಞ ಪೀಠಾರೋಹಣ ಮಾಡಲಿರುವ ಪುತ್ತಿಗೆ ಮಠಾಧೀಶ ಸುಗುಣೇಂದ್ರ ತೀರ್ಥ ಸ್ವಾಮೀಜಿ ಹೇಳಿದರು.

. ಶನಿವಾರ ಇಲ್ಲಿ ಮಾಧ್ಯಮ ಸಂವಾದದಲ್ಲಿ ಅವರು ಮಾತನಾಡಿದರು.

. ‘ಈ ಬಾರಿಯ ಪರ್ಯಾಯವನ್ನು ವಿಶ್ವ ಗೀತಾ ಪರ್ಯಾಯದ ಪರಿಕಲ್ಪನೆಯಲ್ಲಿ ಆಚರಿಸಲಾಗುತ್ತಿದೆ. ಸಾಮಾಜಿಕ, ರಾಷ್ಟ್ರೀಯ, ಅಂತರರಾಷ್ಟ್ರೀಯ ಹೀಗೆ ಅನೇಕ ಸಮಸ್ಯೆಗಳ ಪರಿಹಾರಕ್ಕೆ ಭಗವದ್ಗೀತೆಯಲ್ಲಿ ಉತ್ತರವಿದೆ. ಹವಾಮಾನ ವೈಪರೀತ್ಯದಿಂದ ಬಾಹ್ಯ ತಾಪಮಾನ ಏರಿಕೆಯಾಗುತ್ತಿದ್ದರೆ, ಒತ್ತಡದ ಜೀವನ ಕ್ರಮದಿಂದ ಮನುಷ್ಯನ ಆಂತರಿಕ ತಾಪ ಹೆಚ್ಚುತ್ತಿದೆ. ಇವೆಲ್ಲಕ್ಕೂ ಭಗವದ್ಗೀತೆಯಲ್ಲಿ ಪರಿಹಾರವಿದ್ದು, ಪ್ರತಿ ಮಗು ಗೀತೆಯ ಆರಾಧನೆ ಮಾಡುವ ಮೂಲಕ ಗೃಹಂ ಗೃಹಂ ಭಗವದ್ಗೀತಾ, ಪ್ರತಿಗೃಹಂ ಭಗವದ್ಗೀತಾ ಆಗಬೇಕು. ಇದರ ಬಗ್ಗೆ ವ್ಯಾಪಕ ಪ್ರಚಾರದ ಅಗತ್ಯವಿದೆ. ಈ ನಿಟ್ಟಿನಲ್ಲಿ ಗೀತಾ ಜಯಂತಿಗೆ ರಜೆ ಘೋಷಿಸುವಂತೆ ಸರ್ಕಾರವನ್ನು ಒತ್ತಾಯಿಸಲಾಗುವುದು’ ಎಂದರು.

. ಕೋಟಿ ಗೀತಾ ಲೇಖನ ಯಜ್ಞದ ಜೊತೆಗೆ ಪರ್ಯಾಯದ ಎರಡು ವರ್ಷಗಳ ಅವಧಿಯಲ್ಲಿ ಐದು ಪ್ರಮುಖ ಯೋಜನೆ ಹಾಕಿಕೊಳ್ಳಲಾಗಿದೆ. ಅಖಂಡ ಗೀತಾ ಪಾರಾಯಣ, ಭಗವದ್ಗೀತಾ ಮಹಾಯಾಗ, ಅಂತರರಾಷ್ಟ್ರೀಯ ಗೀತಾ ಸಮ್ಮೇಳನ ಆಯೋಜಿಸಲಾಗುವುದು. ಸನ್ಯಾಸತ್ವ ಸ್ವೀಕರಿಸಿದ 50 ವರ್ಷದ ಸಂದರ್ಭ ಹಾಗೂ ಕೋಟಿ ಗೀತಾ ಯಜ್ಞದ ನೆನಪಿಗಾಗಿ ಶ್ರೀಕೃಷ್ಣನಿಗೆ ‘ಪಾರ್ಥಸಾರಥಿ ಸುವರ್ಣ ರಥ’ ಸಮರ್ಪಿಸಲಾಗುವುದು. ಯಾತ್ರಿಗಳ ವಸತಿಗೆ ಅಷ್ಟೋತ್ತರ ಭವನ ನಿರ್ಮಾಣ, ಕಲ್ಸಂಕದಲ್ಲಿ ಮಹಾದ್ವಾರ ನಿರ್ಮಾಣ, ಸ್ವಚ್ಛ ಉಡುಪಿ, ಸಾವಯವ ಮತ್ತು ಪರಿಸರ ಪೂರಕ ಪರ್ಯಾಯ ನಡೆಸುವ ಉದ್ದೇಶ ಹೊಂದಲಾಗಿದೆ ಎಂದು ವಿವರಿಸಿದರು.

. ಅಮೆರಿಕದಲ್ಲಿ 11, ಆಸ್ಟ್ರೇಲಿಯಾದಲ್ಲಿ ಎರಡು, ಕೆನಡಾ, ಲಂಡನ್ನಲ್ಲಿ ತಲಾ ಒಂದು ಸೇರಿ ಪುತ್ತಿಗೆ ಮಠದ ಒಟ್ಟು 15 ಶಾಖೆಗಳು ಇದ್ದು, ಜೀವಿತಾವಧಿಯಲ್ಲಿ ವಿದೇಶಗಳಲ್ಲಿ ಒಟ್ಟು 108 ಶಾಖೆ ಸ್ಥಾಪಿಸುವ ಯೋಚನೆಯಿದೆ. ಈ ಬಾರಿ ಜನವರಿ 18ರಿಂದ ನಡೆಯುವ ಪರ್ಯಾಯ ಪೀಠಾರೋಹಣ ಮಹೋತ್ಸವದಲ್ಲಿ ಆಸ್ಟ್ರೇಲಿಯಾ ಸರ್ಕಾರದ ಇಬ್ಬರು ಸಚಿವರು, ಜಪಾನ್, ಅಮೆರಿಕ ಮತ್ತಿತರ ದೇಶಗಳಿಂದ ಭಕ್ತರು ಭಾಗವಹಿಸಲಿದ್ದಾರೆ ಎಂದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಗೀತಾ ಜಯಂತಿ, ಕೃಷ್ಣಾಷ್ಟಮಿಗೆ ಸಾರ್ವತ್ರಿಕ ರಜೆ ಘೋಷಿಸಲಿ: ಪುತ್ತಿಗೆ ಶ್ರೀ

ಮೈಸೂರಲ್ಲಿ ‘ರಂಗಾಯಣಗಳ ನಾಟಕ ಉತ್ಸವ’ ನ.30ರಿಂದ

ಉಪಾಹಾರವಲ್ಲ, ಎರಡು ಬಣಗಳ ‘ಕದನ ವಿರಾಮ’ ಸಭೆ: ಅಶೋಕ ಲೇವಡಿ

ಕೋಲಾರ | ತಾಯಿ ಮೇಲೆ ಹಲ್ಲೆ ನಡೆಸಿದ್ದ ಅಣ್ಣನ ಕೊಲೆ: ತಮ್ಮ ಬಂಧನ

ಯಾರ ದೃಷ್ಠಿಯೂ ಬೀಳದಿರಲಿ! ಒಂದೇ ರೀತಿಯ ಎಮೋಜಿ ಹಂಚಿಕೊಂಡ ಮಂದಾನ–ಪಲಾಶ್

ಯಾರ ದೃಷ್ಠಿಯೂ ಬೀಳದಿರಲಿ! ಒಂದೇ ರೀತಿಯ ಎಮೋಜಿ ಹಂಚಿಕೊಂಡ ಮಂದಾನ–ಪಲಾಶ್

ವಿಶ್ವದಾಖಲೆ: ರೋಹಿತ್ ಶರ್ಮಾ ಸೇರಿ ದಿಗ್ಗಜರ ದಾಖಲೆ ಮುರಿದ ಆಯುಷ್ ಮ್ಹಾತ್ರೆ

ವಾರದ ವಿಶೇಷ: ಅಂಧರ ವಿಶ್ವಕಪ್‌– ಬೆಂಕಿಯಲ್ಲಿ ಅರಳಿದ ಪ್ರತಿಭೆಗಳು!

ಭಾರತ ಮಹಿಳಾ ಬಾಕ್ಸಿಂಗ್‌ ತಂಡಕ್ಕೆ ಸ್ಯಾಂಟಿಯಾಗೊ ಮುಖ್ಯ ಕೋಚ್‌

ಒಳನೋಟ: ಶ್ರೀಗಂಧ ಕೃಷಿಗೆ ನೂರು ಕಷ್ಟ

ಒಳನೋಟ: ಕಮರಿತೆ 'ಉತ್ಕೃಷ್ಟ' ಶಿಕ್ಷಣದ ಕನಸು?

ಒಳನೋಟ | Bengaluru Tunnel Road: ಸುರಂಗ; ವಿ–ವಾದ ತರಂಗ

ಒಳನೋಟ | ತೋಟಕ್ಕೆ ಕಾಡುಪ್ರಾಣಿಗಳ ದಾಳಿ: ಕೃಷಿಕರಿಗೆ ಕೋತಿ, ನವಿಲು, ಹಂದಿಗಳ ಒಳೇಟು

ಮೈಸೂರಲ್ಲಿ ‘ರಂಗಾಯಣಗಳ ನಾಟಕ ಉತ್ಸವ’ ನ.30ರಿಂದ

ಉಪಾಹಾರವಲ್ಲ, ಎರಡು ಬಣಗಳ ‘ಕದನ ವಿರಾಮ’ ಸಭೆ: ಅಶೋಕ ಲೇವಡಿ

ಕೋಲಾರ | ತಾಯಿ ಮೇಲೆ ಹಲ್ಲೆ ನಡೆಸಿದ್ದ ಅಣ್ಣನ ಕೊಲೆ: ತಮ್ಮ ಬಂಧನ

ಯಾರ ದೃಷ್ಠಿಯೂ ಬೀಳದಿರಲಿ! ಒಂದೇ ರೀತಿಯ ಎಮೋಜಿ ಹಂಚಿಕೊಂಡ ಮಂದಾನ–ಪಲಾಶ್