‘ಮೆಡ್‌ಆರ್ಗ್ಯಾನಿಕ್ಸ್‌ ಇಂಡಿಯಾ ಪ್ರೈವೇಟ್‌ ಲಿಮಿಟೆಡ್‌, ಕರ್ನಾಟಕದ ಅಂತರರಾಷ್ಟ್ರೀಯ ವಲಸೆ ಕೇಂದ್ರ, ವಿನ್‌ಮ್ಯಾನ್‌ ಸಾಫ್ಟ್‌ವೇರ್‌, ಕಾಂಚನ ಗ್ರೂಪ್‌, ಮೆಕ್‌ಡೊನಾಲ್ಡ್ಸ್‌, ಕೆಫೆ ಕಾಫಿ ಡೇ, ಅಭಿಮೊ ಟೆಕ್ನಾಲಜೀಸ್‌, ದಿಯಾ ಸಿಸ್ಟಮ್ಸ್‌, ಆಕ್ಸೆಸ್‌ ರಿಸರ್ಚ್‌ ಲ್ಯಾಬ್‌ ಮೊದಲಾದ 35 ಕಂಪನಿಗಳು ಉದ್ಯೋಗ ಮೇಳದಲ್ಲಿ ಭಾಗವಹಿಸಿವೆ. ಬಿಬಿಎ, ಬಿ.ಕಾಂ, ಬಿಸಿಎ, ಐಟಿಐ, ಡಿಪ್ಲೊಮಾ ಹಾಗೂ ವಿವಿಧ ಪದವಿ ಕಾಲೇಜುಗಳ ವಿದ್ಯಾರ್ಥಿಗಳು ಈ ಉದ್ಯೋಗ ಮೇಳದ ಪ್ರಯೋಜನ ಪಡೆದಿದ್ದಾರೆ. ಈ ಮೇಳದಲ್ಲಿ ಪಾಲ್ಗೊಂಡ ನೂರಾರು ಉದ್ಯೋಗಾಕಾಂಕ್ಷಿಗಳಿಗೆ ಉದ್ಯೋಗದ ಭರವಸೆ ಸಿಕ್ಕಿದೆ’ ಎಂದು ಯೇನೆಪೋಯ ಡೀಮ್ಡ್‌ ಯುನಿವರ್ಸಿಟಿಯ ಉದ್ಯೊಗ ಅಧಿಕಾರಿ ಪವಿತ್ರ ಶೆಟ್ಟಿ ಅವರು ‘ಪ್ರಜಾವಾಣಿ’ಗೆ ಮಾಹಿತಿ ನೀಡಿದರು.
