ದಾವಣಗೆರೆ: ಜಿಲ್ಲೆಯಲ್ಲಿ ಭಾನುವಾರ 106 ಮಂದಿಗೆ ಕೊರೊನಾ ಇರುವುದು ದೃಢಪಟ್ಟಿದೆ. 181 ಮಂದಿ ಗುಣಮುಖರಾಗಿ ಬಿಡುಗಡೆಗೊಂಡಿದ್ದಾರೆ.
ದಾವಣಗೆರೆ ತಾಲ್ಲೂಕಿನಲ್ಲಿ 33 ಮಂದಿಗೆ ಕೊರೊನಾ ಸೋಂಕು ತಗುಲಿದೆ. ಹರಿಹರ ತಾಲ್ಲೂಕಿನ 29, ಹೊನ್ನಾಳಿ–ನ್ಯಾಮತಿ ತಾಲ್ಲೂಕಿನ 21, ಚನ್ನಗಿರಿ ತಾಲ್ಲೂಕಿನ 18 ಹಾಗೂ ಜಗಳೂರು ತಾಲ್ಲೂಕಿನ 4 ಮಂದಿಗೆ ಸೋಂಕು ಬಂದಿದೆ. ದಾವಣಗೆರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ಒಬ್ಬರಿಗೆ ಸೋಂಕು ಇರುವುದು ಖಚಿತವಾಗಿದೆ.
ಜಿಲ್ಲೆಯಲ್ಲಿ ಈ ವರೆಗೆ 16,701 ಮಂದಿಗೆ ಕೊರೊನಾ ಬಂದಿದೆ. 15,039 ಮಂದಿ ಗುಣಮುಖರಾಗಿದ್ದಾರೆ. 243 ಮಂದಿ ಮೃತಪಟ್ಟಿದ್ದಾರೆ. 1419 ಸಕ್ರಿಯ ಪ್ರಕರಣಗಳಿವೆ.
7 ಜನರಿಗೆ ಸೋಂಕು
ಮಲೇಬೆನ್ನೂರು: ಪಟ್ಟಣ ಸೇರಿದಂತೆ ಹೋಬಳಿ ವ್ಯಾಪ್ತಿಯಲ್ಲಿ ಭಾನುವಾರ 7 ಜನರಿಗೆ ಕೊರೊನಾ ಸೋಂಕು ತಗುಲಿದೆ.
ಪಟ್ಟಣದ ಒಬ್ಬ ಪುರುಷ, ಇಬ್ಬರು ಮಹಿಳೆಯರು, ಉಕ್ಕಡಗಾತ್ರಿ, ಕೊಕ್ಕನೂರು, ಯಲವಟ್ಟಿ ತಾಂಡಾ, ಧೂಳೆಹೊಳೆ ಗ್ರಾಮದ ತಲಾ ಒಬ್ಬ ಮಹಿಯರಿಗೆ ಕೊರೊನಾ ಬಂದಿದೆ.