ಇಲ್ಲಿನ ಪುಷ್ಪಾಂಜಲಿ ಚಿತ್ರಮಂದಿರಲ್ಲಿ ಬೆಳಿಗ್ಗಿನ ಪ್ರದರ್ಶನಕ್ಕೆ ಬಂದ ಪ್ರೇಕ್ಷಕರು ಹೆಸರು ಹಾಗೂ ಮೊಬೈಲ್ ಸಂಖ್ಯೆಯನ್ನು ಪುಸ್ತಕದಲ್ಲಿ ನಮೂದಿಸಿದರು. ಪ್ರತಿಯೊಬ್ಬರಿಗೂ ಥರ್ಮಲ್ ಸ್ಕ್ರೀನಿಂಗ್ ಮಾಡಿ, ಸ್ಯಾನಿಟೈಸರ್ ನೀಡಿದ ಬಳಿಕ ಅರ್ಧ ಟಿಕೆಟ್ ಅನ್ನು ಕೊಟ್ಟು ನೇರವಾಗಿ ಥಿಯೇಟರ್ ಒಳಗೆ ಬಿಡಲಾಯಿತು. ಈ ಹಿಂದೆ ಟಿಕೆಟ್ ಅನ್ನು ಹರಿದು ಅರ್ಧವನ್ನು ಥಿಯೇಟರ್ನವರು, ಉಳಿದ ಅರ್ಧವನ್ನು ಪ್ರೇಕ್ಷಕರಿಗೆ ನೀಡಿ ಒಳಗೆ ಬಿಡಲಾಗುತ್ತಿತ್ತು. ಕೋವಿಡ್ ಹರಡುವ ಕಾರಣದಿಂದ ಇದಕ್ಕೆ ತಿಲಾಂಜಲಿ ಹಾಡಲಾಗಿತ್ತು.