ಒಟ್ಟು 30 ಕಲಾಕೃತಿಗಳನ್ನು ಸುಂದರವಾಗಿ ಫ್ರೇಮ್ ಹಾಕಿ ಪ್ರದರ್ಶನದಲ್ಲಿ ಇಡಲಾಗಿದೆ. ಬಣ್ಣದ ಪೆನ್ಸಿಲ್, ಸ್ಕೆಚ್ ಪೆನ್, ಪೋಸ್ಟರ್ ಬಣ್ಣಗಳು, ಜಲವರ್ಣ, ಆಕ್ರಿಲಿಕ್, ಫೆವಿಕಾಲ್ ತಂತ್ರಗಾರಿಕೆ ಹೀಗೇ ಹಲವು ಬಣ್ಣ ಮಾಧ್ಯಮಗಳು ಇವರ ಕಲಾಕೃತಿಗಳಲ್ಲಿ ಕಾಣುತ್ತಿವೆ. ಮಾಡರ್ನ್ ಕಲಾಶೈಲಿಯತ್ತ ಆಕರ್ಷಣೆಯೂ, ಪರಿಸರ ಪ್ರೀತಿಯೂ ಇವರ ಕೃತಿಗಳಲ್ಲಿ ಕಂಡು ಬರುತ್ತದೆ. ಗಾಢ ವರ್ಣಗಳ ಬಳಕೆ, ನಿಯಾನ್ ಬಣ್ಣಗಳ ಬಳಕೆಯೂ ಚಿತ್ರಗಳನ್ನು ವೈವಿಧ್ಯಮಯವಾಗಿಸಿವೆ. ಸ್ವಂತ ಚಿಂತನೆಯಿಂದ ಮೂಡಿಬಂದಿರುವ ‘ಅರ್ಧನಾರೀಶ್ವರ’ ಹಾಗೂ ಮಹಾಭಾರತದ ಘಟನೆಗಳನ್ನು ಆಧರಿಸಿ ರಚಿಸಿರುವ ‘ಬ್ಲೈಂಡ್ನೆಸ್’ ಕೃತಿಗಳು ಕಲಾವಿದೆಯ ಅಧ್ಯಯನಶೀಲ ಗುಣವನ್ನೂ ದರ್ಶಿಸುತ್ತವೆ.